完整藏文原文 · 德格版页 当前仅加载第 59 函德格 120b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་སུ་མེད་པའི་གནས་པས་གནས་པར་མཛད་དོ། །ལྷའི་བུས་སྨྲས་པ། འཇམ་དཔལ་གཉིས་སུ་མེད་པའི་གནས་པ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་གཉིས་སུ་མེད་པའི་གནས་པ་ནི་གཉིས་སུ་མེད་པ་ཉིད་ཡིན་གྱི། དེ་ལ་གནས་པ་གཞན་མེད་དེ། དེའི་གནས་
D161.059.0120b01.01པ་གཉིས་སུ་མེད་པ་ལས་གཞན་མེད་པ་དེ་ཉིད་ཀྱང་གཉིས་སུ་མེད་པ་ཉིད་ཡིན་ནོ། །ལྷའི་བུས་སྨྲས་པ། འཇམ་དཔལ་གཉིས་ཞེས་བྱ་བ་ནི་གང་། གཉིས་སུ་མེད་པ་ཞེས་བྱ་བ་ནི་གང་། འཇམ་དཔལ་གྱིས་སྨྲས་པ། ལྷའི་བུ་འདོད་ཆགས་དང་། འདོད་ཆགས་དང་བྲལ་བར་བྱེད་པ་དེ་ནི་གཉིས་སོ།
D161.059.0120b02.01འདོད་ཆགས་ཀྱི་རང་བཞིན་ནི་གཉིས་སུ་མེད་པའོ། །ཞེ་སྡང་དང་། ཞེ་སྡང་མེད་པར་བྱེད་པ་དེ་ནི་གཉིས་སོ། །ཞེ་སྡང་གི་རང་བཞིན་ནི་གཉིས་སུ་མེད་པའོ། །གཏི་མུག་དང་། གཏི་མུག་མེད་པར་བྱེད་པ་དེ་ནི་གཉིས་སོ། །གཏི་མུག་གི་རང་བཞིན་ནི་གཉིས་སུ་མེད་པའོ། །ཉོན་མོངས་པ་དང་། ཉོན་
D161.059.0120b03.01མོངས་པ་མེད་པར་བྱེད་པ་དེ་ནི་གཉིས་སོ། །ཉོན་མོངས་པའི་རང་བཞིན་ནི་གཉིས་སུ་མེད་པའོ། །བདག་དང་བདག་མེད་པར་བྱེད་པ་དེ་ནི་གཉིས་སོ། །བདག་གི་རང་བཞིན་ནི་གཉིས་སུ་མེད་པའོ། །ལྷའི་བུས་སྨྲས་པ། འཇམ་དཔལ་བདག་གི་རང་བཞིན་གང་ཡིན། འཇམ་དཔལ་གྱིས་སྨྲས་པ།
D161.059.0120b04.01ལྷའི་བུ་བདག་གི་རང་བཞིན་ནི་གཟོད་མ་ནས་དག་པའི་ཕྱིར་བདག་མེད་པ་ཉིད་ཡིན་ནོ། །བདག་གི་རང་བཞིན་ནི་གཟོད་མ་ནས་དག་པའི་ཕྱིར་གཟོད་མ་ནས་དབེན་པ་ཉིད་དང་། གཟོད་མ་ནས་མ་སྐྱེས་པ་ཉིད་དང་། གཟོད་མ་ནས་མ་བྱུང་བ་ཉིད་ཡིན་ནོ། །ལྷའི་བུས་སྨྲས་པ། འཇམ་དཔལ་ཅིའི་ཕྱིར་རང་བཞིན་
D161.059.0120b05.01ཞེས་བྱ། འཇམ་དཔལ་གྱིས་སྨྲས་པ། ལྷའི་བུ་དེ་ནི་འགྱུར་བ་མེད་པས་དེའི་ཕྱིར་རང་བཞིན་ཞེས་བྱའོ། །དེ་ནི་གཟོད་མ་ཉིད་ནས་གསལ་ཞིང་ཉོན་མོངས་པ་ཅན་མ་ཡིན་པས་དེའི་ཕྱིར་རང་བཞིན་ཞེས་བྱའོ། །དེ་ནི་ནམ་མཁའ་དང་མཉམ་པ་ཉིད་ཀྱིས་མཉམ་ཞིང་ཚད་མེད་པས་དེའི་ཕྱིར་རང་བཞིན་ཞེས་བྱའོ། །
D161.059.0120b06.01དེ་ནི་སྤྲོས་པ་དང་བྲལ་བ་དང་། དེ་ནི་རྒྱུ་བ་དང་བྲལ་བ་དང་། དེ་ནི་འོད་གསལ་བས་དེའི་ཕྱིར་རང་བཞིན་ཞེས་བྱའོ། །དེ་ནི་བླང་བ་མེད་པ་དང་དོར་བ་མེད་པས་དེའི་ཕྱིར་རང་བཞིན་ཞེས་བྱའོ། །ལྷའི་བུས་སྨྲས་པ། འཇམ་དཔལ་རང་བཞིན་མི་ཤེས་པ་དག་གང་ཡིན། འཇམ་དཔལ་གྱིས་སྨྲས་པ།
D161.059.0120b07.01