完整藏文原文 · 德格版页 当前仅加载第 59 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
སྤོབས་པ་མི་ཆོད་པ་ཡང་ཐོབ་པར་གྱུར་ཅིག་ཅེས་སྨྲས་སོ། །བཅོམ་ལྡན་འདས་ཀྱིས་ཀྱང་འཇམ་དཔལ་གཞོན་ནུར་གྱུར་པ་ལ་འཇམ་དཔལ་ཁྱོད་ཀྱིས་ཆོས་རྣམ་པར་གཏན་ལ་དབབ་པ་བསྟན་པ་འདི་ལེགས་པར་སྨྲས་ཏེ་ལེགས་སོ་ལེགས་སོ་ཞེས་བྱ་བ་བྱིན་ཏོ།། །།
D161.059.0114a01.01བམ་པོ་གཉིས་པ། དེ་ནས་ལྷའི་བུ་རབ་རྩལ་སེམས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་ཅི་ཁྱོད་ཁོ་བོ་ལས་ཆོས་ཀྱི་དགབ་པ་འདོད་དམ། འཇམ་དཔལ་གྱིས་སྨྲས་པ། ལྷའི་བུ་འདི་སྐད་དུ་ཁྱོད་ཆོས་ཀྱི་དགབ་པ་འདོད་དམ་ཞེས་ཟེར་བ་ནི། ལྷའི་བུ་
D161.059.0114a02.01ལེགས་པར་གསུངས་པའི་ཆོས་འདུལ་བ་འདི་ལ་ཆོས་ཀྱི་དགབ་པ་ཞེས་བྱ་བ་ནི་སྲེད་པ་དང་འདོད་པ་སྤངས་པ་ཡིན་ཏེ། ཆོས་འདི་ནི་སོ་སོར་རྟོགས་པ་མེད་པའི་ཕྱིར་འདོད་པ་མེད་པ་ཡིན་ནོ། །ཆོས་འདི་ནི་མིག་གི་ལམ་ལས་ཡང་དག་པར་འདས་པའི་ཕྱིར་ལྟར་མི་སྣང་བ་ཡིན་ནོ། །ཆོས་འདི་ནི་མངོན་
D161.059.0114a03.01པར་གྲུབ་པ་མེད་པའི་ཕྱིར་མ་བྱས་པ་ཡིན་ནོ། །ཆོས་འདི་ནི་ཡུལ་དྲུག་དང་མ་འདྲེས་པའི་ཕྱིར་མི་མཐོང་བ་ཡིན་ནོ། །ཆོས་འདི་ནི་སེམས་དང་། ཡིད་དང་། རྣམ་པར་ཤེས་པ་དང་བྲལ་བའི་ཕྱིར་བདག་གི་བ་མེད་པ་ཡིན་ནོ། །ཆོས་འདི་ནི་གཏན་ཡོངས་སུ་མ་གྲུབ་པའི་ཕྱིར་གཟུང་བ་མེད་པ་
D161.059.0114a04.01ཡིན་ནོ། །ཆོས་འདི་ནི་ཡུལ་མེད་པའི་ཡུལ་དུ་འགྲོ་བའི་ཕྱིར་གཞི་མེད་པ་ཡིན་ནོ། །ཆོས་འདི་ནི་རང་བཞིན་གྱིས་དབེན་པའི་ཕྱིར་ཟག་པ་མེད་པ་ཡིན་ནོ། །ཆོས་འདི་ནི་སྔོན་གྱི་མཐའ་རྣམ་པར་དག་པའི་ཕྱིར་འོང་བ་མེད་པ་ཡིན་ནོ། །ཆོས་འདི་ནི་ཕྱི་མའི་མཐའ་རྣམ་པར་དག་པའི་ཕྱིར་འགྲོ་བ་
D161.059.0114a05.01མེད་པ་ཡིན་ནོ། །ཆོས་འདི་ནི་ད་ལྟར་བྱུང་བ་རྣམ་པར་དག་པའི་ཕྱིར་གནས་པ་མེད་པ་ཡིན་ནོ། །ཆོས་འདི་ནི་བརྟག་ཅིང་སེལ་བ་དང་བྲལ་བའི་ཕྱིར་རྩོལ་བ་མེད་པ་ཡིན་ནོ། །ཆོས་འདི་ནི་ནམ་མཁའ་དང་མཉམ་པའི་ཕྱིར་མཉམ་པ་མེད་པ་ཡིན་ནོ། །ཆོས་འདི་ནི་གཉེན་པོ་མེད་པའི་ཕྱིར་མི་
D161.059.0114a06.01མཉམ་པ་དང་མཉམ་པ་མེད་པ་ཡིན་ནོ། །ཆོས་འདི་ནི་བདུད་ཀྱི་ཡུལ་ཐམས་ཅད་ལས་ཡང་དག་པར་འདས་པའི་ཕྱིར་གཡོ་བ་མེད་པ་དང་། རློམ་སེམས་མེད་པ་དང་། མ་བརྟགས་པ་དང་། རྣམ་པར་མ་བརྟགས་པ་དང་། རྣམ་པར་མ་བསྒྲུབས་པ་དང་། ཀུན་ཏུ་མ་བསྟན་པ་ཡིན་ནོ། །ཆོས་
D161.059.0114a07.01