完整藏文原文 · 德格版页 当前仅加载第 59 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །དེ་ནས་ལྷའི་བུ་རབ་རྩལ་སེམས་ཀྱིས་ཉན་ཐོས་ཆེན་པོ་དེ་དག་ལ་འདི་སྐད་སྨྲས་སོ། །ཚེ་དང་ལྡན་པ་དག་ཁྱེད་ཅག་འཇམ་དཔལ་གཞོན་ནུར་གྱུར་པས་འདི་སྐད་བསྟན་པ་དེ་ལྟ་བུའི་ཆོས་འགའ་དང་ལྡན་ནམ། དེ་དག་གིས་སྨྲས་པ། ལྷའི་བུ་བདག་ཅག་ལ་ནི་ཆོས་དེ་དག་ལས་འགའ་ཙམ་
D161.059.0118b01.01ཡང་མེད་དོ། །ལྷའི་བུས་སྨྲས་པ། ཚེ་དང་ལྡན་པ་དག་དེ་ལྟ་ན་ཁྱེད་ཅག་ཉན་ཐོས་ཆེན་པོ་མཆོག་ཏུ་གྱུར་པ་མ་ཡིན་པར་མི་འགྱུར་རམ། ཤཱ་རིའི་བུས་སྨྲས་པ། ལྷའི་བུ་འདི་ལྟ་སྟེ་དཔེར་ན། གནག་རྗེས་ལས་བརྟེན་ན་རྫིང་བུ་མཆོག་ཡིན་པ་དེ་བཞིན་དུ་ཉན་ཐོས་གཞན་དག་ལས་བརྟེན་ན་ཁོ་བོ་ཅག་ཀྱང་
D161.059.0118b02.01མཆོག་ཡིན་ནོ། །འདི་ལྟ་སྟེ་དཔེར་ན། རྒྱ་མཚོ་ཆེན་པོ་ལས་བརྟེན་ན་འོག་གི་ཆུའི་ཕུང་པོ་མཆོག་ཡིན་པ་དེ་བཞིན་དུ་ཉན་ཐོས་དང་། རང་སངས་རྒྱས་ཐམས་ཅད་ལས་བརྟེན་ན་བྱང་ཆུབ་སེམས་དཔའ་མཆོག་ཡིན་ནོ། །ལྷའི་བུས་སྨྲས་པ། བཙུན་པ་ཤཱ་རིའི་བུས་དེ་ནི་ཉན་ཐོས་མངོན་པའི་ང་རྒྱལ་མེད་
D161.059.0118b03.01པ་རྣམས་ཀྱིས་བསྟན་པ་ཡིན་ཏེ། ལེགས་སོ་ལེགས་སོ། །འཇམ་དཔལ་གྱིས་སྨྲས་པ། ལྷའི་བུ་དེ་དེ་བཞིན་ཏེ། ཉན་ཐོས་ནི་ལྷག་པའི་ང་རྒྱལ་མེད་པ་ཡིན་ནོ། །བྱང་ཆུབ་སེམས་དཔའ་ནི་ལྷག་པའི་ང་རྒྱལ་ཅན་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལས་བསམས་ཏེ་དེ་སྐད་
D161.059.0118b04.01སྨྲ། འཇམ་དཔལ་གྱིས་སྨྲས་པ། ལྷའི་བུ་འདི་ལྟར་ཉན་ཐོས་རྣམས་ནི་རང་སངས་རྒྱས་ལ་བརྟེན་ནས་ང་རྒྱལ་སྤངས་པ་ཡིན་གྱི། བྱང་ཆུབ་སེམས་དཔའ་ནི་ལྷག་པའི་ང་རྒྱལ་ཅན་ཡིན་ལ། ང་རྒྱལ་དེས་སངས་རྒྱས་ཀྱི་ཆོས་རྣམས་ཡང་དག་པར་སྒྲུབ་པར་བྱེད་པས་ན། དེའི་ཕྱིར་
D161.059.0118b05.01བྱང་ཆུབ་སེམས་དཔའ་ནི་ལྷག་པའི་ང་རྒྱལ་ཅན་ཡིན་ནོ། །ལྷའི་བུས་སྨྲས་པ། འཇམ་དཔལ་ལྷག་པའི་ང་རྒྱལ་ཅན་ནི་བདག་ལ་སྟོད་པར་བྱེད་ཅིང་གཞན་ལ་སྨོད་པར་བྱེད་པ་ཡིན་ན། བྱང་ཆུབ་སེམས་དཔའ་ཡང་དེ་ལྟ་བུར་མི་འགྱུར་རམ། འཇམ་དཔལ་གྱིས་སྨྲས་པ། ལྷའི་བུ་
D161.059.0118b06.01དེ་བཞིན་ཏེ། བྱང་ཆུབ་སེམས་དཔའ་ནི་བདག་ལ་སྟོད་པར་བྱེད་ཅིང་གཞན་ལ་སྨོད་པར་བྱེད་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཅི་ལས་བསམས་ཏེ་དེ་སྐད་སྨྲ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་ནི་རྣམ་གྲངས་དུ་མར་ཐེག་པ་ཆེན་པོའི་བསྔགས་
D161.059.0118b07.01