完整藏文原文 · 德格版页 当前仅加载第 59 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དབེན་པ་ཉིད་ལ་ཡང་ཐ་དད་དུ་བྱ་བ་{ཆུང་ཟད་,ཅུང་ཟད་}ཀྱང་མེད་དོ། །ལྷའི་བུས་སྨྲས་པ། འཇམ་དཔལ་ཐ་དད་དུ་བྱ་བ་གང་ལས་རབ་ཏུ་ཕྱེ་བ་ཡིན། འཇམ་དཔལ་གྱིས་སྨྲས་པ། ལྷའི་བུ་ཐ་དད་དུ་བྱ་བ་ནི་མཚན་མ་དང་། དམིགས་པ་དང་། འདུ་ཤེས་དང་།
D161.059.0135a01.01སྤྲོས་པ་ལས་རབ་ཏུ་ཕྱེ་བ་ཡིན་ཏེ། མཚན་མ་དང་། དམིགས་པ་དང་། འདུ་ཤེས་དང་། སྤྲོས་པ་གང་ཡིན་པ་དེའི་ངོ་བོ་ཉིད་ཀྱི་མཚན་ཉིད་རྗེས་སུ་རྟོགས་པ་གང་ཡིན་པ་དེ་ལ་ནི་ཐ་དད་དུ་བྱ་བ་མེད་དོ། །ལྷའི་བུ་འདི་ལྟ་སྟེ་དཔེར་ན། རྒྱ་མཚོ་ཆེན་པོར་མ་ཞུགས་པའི་ཆུ་ལ་ནི་ཐ་
D161.059.0135a02.01དད་དུ་བྱ་བ་ཡོད་ཀྱི་རྒྱ་མཚོ་ཆེན་པོར་ཞུགས་པའི་ཆུ་ལ་ནི་ཐ་དད་དུ་བྱ་བ་མེད་པ་དེ་བཞིན་དུ། ལྷའི་བུ་ཆོས་ཀྱི་དབྱིངས་ཡོངས་སུ་མ་ཤེས་པ་ལ་ནི་ཆོས་ཐམས་ཅད་ཐ་དད་དུ་བྱ་བ་ཡོད་ཀྱི་ཆོས་ཀྱི་དབྱིངས་ཡོངས་སུ་ཤེས་པ་ལ་ནི་ཆོས་ཐ་དད་དུ་བྱ་བ་མེད་དོ། །ལྷའི་བུས་སྨྲས་པ། འཇམ་
D161.059.0135a03.01དཔལ་ཅི་ཆོས་ཀྱི་དབྱིངས་ཡོངས་སུ་ཤེས་པར་ནུས་སམ། འཇམ་དཔལ་གྱིས་སྨྲས་པ། ལྷའི་བུ་ཆོས་ཀྱི་དབྱིངས་ནི་ཡོངས་སུ་ཤེས་པར་མི་ནུས་སོ། །དེ་ཅིའི་ཕྱིར་ཞེ་ན། ལྷའི་བུ་ཆོས་ཐམས་ཅད་ནི་ཆོས་ཀྱི་དབྱིངས་སུ་ཡང་དག་པར་འདུ་བ་ཡིན་ལ། ཆོས་ཀྱི་དབྱིངས་ཀྱིས་ནི་
D161.059.0135a04.01ཆོས་ཀྱི་དབྱིངས་ཡོངས་སུ་མི་ཤེས་པའི་ཕྱིར་རོ། །ཆོས་ཀྱི་དབྱིངས་སུ་ཡང་དག་པར་འདུ་བའི་ཆོས་དེ་དག་ལ་གཉིས་སུ་མེད་པར་ཤེས་པ་དེ་དག་གང་ཡིན་པ་དེ་ནི་ཡོངས་སུ་ཤེས་པ་ཞེས་བྱ་སྟེ། སེམས་གཅིག་ནས་གཅིག་ཏུ་བརྒྱུད་པ་ཉེ་བར་ཞི་བར་བྱེད་པའི་ཕྱིར་དེ་ནི་ཡོངས་སུ་ཤེས་
D161.059.0135a05.01པ་ཞེས་བྱའོ། །གཞན་གྱི་རྣམ་པར་རིག་པ་ལ་གནས་པའི་ཕྱིར་དེ་ནི་ཡོངས་སུ་ཤེས་པ་ཞེས་བྱའོ། །ལྷའི་བུ་འདི་ལྟ་སྟེ་དཔེར་ན་ནམ་མཁའ་གཟུགས་མེད་པའི་སྣང་བ་ལ་གཟུགས་ཐམས་ཅད་སྣང་ཡང་གཟུགས་དེ་དག་ནི་ནམ་མཁའི་ངོ་བོ་ཉིད་ཡིན་པ་དེ་བཞིན་དུ། ལྷའི་བུ་བྱང་ཆུབ་
D161.059.0135a06.01སེམས་དཔས་རང་གིས་སྨྲས་པའི་ཆོས་ཀྱི་དབྱིངས་ཀྱི་སྒོ་ནས་ཆོས་ཐམས་ཅད་མཐོང་ཡང་ཆོས་དེ་དག་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཁོ་ན་ཡིན་ནོ། ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་མགོ་སྨོས་པས་གོ་བ་ཡིན། འཇམ་དཔལ་གྱིས་སྨྲས་པ། ལྷའི་
D161.059.0135a07.01