完整藏文原文 · 德格版页 当前仅加载第 59 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
བ་དང་། གང་ཟག་ཅེས་བྱ་བ་དེ་ནི་ལྷག་པར་བྱེད་པ་ཡིན་ནོ། །མཚན་མ་མེད་པ་ཞེས་བྱ་བ་དང་། སྨོན་པ་མེད་པ་ཞེས་བྱ་བ་འདི་ནི་ལྷག་པར་བྱེད་པ་ཡིན་ནོ། །སྒྱུ་མ་དང་། རྨི་ལམ་དང་། མིག་ཡོར་དང་། གཟུགས་བརྙན་དང་། བྲག་ཅ་དང་། ཆུ་ཟླ་དང་། སྨིག་རྒྱུ་དང་།
D161.059.0116a01.01སྤྲུལ་པའི་དཔེ་ཉེ་བར་དགོད་པ་དག་གི་ཆོས་རྣམ་པར་འཇོག་པར་བྱེད། མཚོན་པར་བྱེད། འཇུག་པར་བྱེད། སྟོན་པར་བྱེད་པ་དེ་ནི་ལྷག་པར་བྱེད་པ་ཡིན་ནོ། །དེ་ཇི་ཙམ་དུ་ཆོས་རྣམ་པར་འཇོག་པར་བྱེད་པ་དེ་ཙམ་དུ་ལྷག་པར་བྱེད་པ་ཡིན་ཏེ། ཀུན་ནས་ཉོན་མོངས་པ་ལ་སྐྱོན་དུ་བྱེད་པ་དང་། རྣམ་
D161.059.0116a02.01པར་བྱང་བ་ལ་སྐྱོན་མེད་པར་བྱེད་པ་དེ་ནི་ལྷག་པར་བྱེད་པ་ཡིན་ནོ། །འཁོར་བ་ལ་སྐྱོན་དུ་ལྟ་བར་བྱེད་པ་དང་། མྱ་ངན་ལས་འདས་པ་ལ་ཕན་ཡོན་དུ་ལྟ་བར་བྱེད་པ་དེ་ནི་ལྷག་པར་བྱེད་པ་ཡིན་ཏེ། ལྷའི་བུ་དེ་དག་ནི་ལྷག་པའི་ང་རྒྱལ་ཅན་རྣམས་ཀྱིས་ལྷག་པར་བྱེད་པ་དག་ཡིན་ནོ། །ལྷའི་བུས་སྨྲས་པ།
D161.059.0116a03.01འཇམ་དཔལ་ཇི་ལྟར་ན་ལྷག་པའི་ང་རྒྱལ་མེད་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གིས་ངེས་པར་འབྱུང་བའི་དབྱིངས་རྟོགས་ཤིང་། ཉོན་མོངས་པ་ཐམས་ཅད་འགོག་པ་བསྒྲུབས་ཏེ། གནས་ཀྱང་འགོག་པ་འགོག་པར་ཡང་མི་བྱེད་ལ། སྐྱེ་བ་མེད་པ་སྐྱེད་པར་ཡང་མི་
D161.059.0116a04.01བྱེད་ཅིང་། སྒྲ་ཐམས་ཅད་ཀྱིས་སྐྲག་པར་ཡང་མི་བྱེད་ལ། ཀུན་ནས་ཉོན་མོངས་པའི་རང་བཞིན་གང་ཡིན་པ་དེ་ཉིད་རྣམ་པར་བྱང་བའི་རང་བཞིན་ཡིན་པ་དེ་ལྟར་ཤེས་ཤིང་། ཆོས་ཐམས་ཅད་ལ་གཉིས་དང་བྲལ་བ་དང་། བླང་བ་མེད་པ་དང་། དོར་བ་མེད་པ་ཐོབ་པ་དེ་ནི་ལྷའི་བུ་ལྷག་པའི་ང་
D161.059.0116a05.01རྒྱལ་མེད་པ་ཡིན་ནོ། །འཇམ་དཔལ་གཞོན་ནུར་གྱུར་པས་བསྟན་པ་འདི་བཤད་པ་ན་ལྷའི་བུ་ཉི་ཁྲི་ཉིས་སྟོང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །དགེ་སློང་ལྔ་སྟོང་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །བྱང་ཆུབ་སེམས་དཔའ་ཉི་ཁྲི་
D161.059.0116a06.01ཉིས་སྟོང་གིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །སྲོག་ཆགས་སྟོང་ཕྲག་རབ་ཏུ་མང་པོ་དག་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དགེ་བསྙེན་སྟོང་ཡང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །ཁྱིམ་
D161.059.0116a07.01