完整藏文原文 · 德格版页 当前仅加载第 59 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པས་འོང་བ་དང་། རང་གི་ལས་ཡོངས་སུ་དག་པས་འགྲོ་བ་དང་། འོང་བ་མཉམ་པ་ཉིད་མི་སྤོང་བ་དང་། བདུད་ཀྱི་དབང་གིས་མི་འགྲོ་བ་དང་། བྱང་ཆུབ་ཀྱི་ལམ་ཉེ་བར་སྟོན་པའི་ཕྱིར་འོང་བ་དང་། ཉེ་བར་བླངས་པའི་སེམས་ཅན་བསྒྲལ་བའི་ཕྱིར་འོང་བ་དང་། བྱང་ཆུབ་ཀྱི་ལྷག་པའི་
D161.059.0127b01.01བསམ་པ་སྲ་ཞིང་མི་ཕྱེད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་ལན་ཅིག་ཕྱིར་འོང་བ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཕྱིར་མི་འོང་བ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ལྟ་བ་རྣམས་དང་།
D161.059.0127b02.01ཕྱིན་ཅི་ལོག་རྣམས་དང་། སྒྲིབ་པ་རྣམས་སུ་ཡང་མི་འོང་བ་དང་། འདུན་པ་དང་། འདོད་ཆགས་དང་། ཞེ་སྡང་དང་། འཇིགས་པ་དང་། གཏི་མུག་གིས་ཡང་འོང་བ་དང་། འགྲོ་བར་མི་འགྱུར་བ་དང་། བྱས་པ་ངེས་པར་མ་གྱུར་ཅིང་སངས་རྒྱས་ཀྱི་ཆོས་རྣམས་མ་རྫོགས་པར་མི་འོང་
D161.059.0127b03.01བ་དང་། འོང་བ་མེད་པ་དང་། འཕོ་བ་མེད་པ་ལ་མཁས་པ་དང་། རྒ་ཤི་མེད་པ་ལ་ཐོབ་པ་དང་། མཐར་གནས་པ་དང་། བྱས་པ་ངེས་པ་དང་། ལུང་བསྟན་པ་ཐོབ་པ་དང་། དམིགས་སུ་མེད་པ་དང་། རྣམ་པ་མེད་པ་ཐོབ་པ་དང་། ཤེས་པས་གཞན་ལ་རག་མ་ལས་པ་དེ་ལྟ་ན་ལྷའི་བུ་བྱང་
D161.059.0127b04.01ཆུབ་སེམས་དཔའ་ཕྱིར་མི་འོང་བ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དགྲ་བཅོམ་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆགས་པ་མེད་ཅིང་འདོད་ཆགས་གདུལ་བའི་ཕྱིར་སེམས་ཅན་རྣམས་ལ་
D161.059.0127b05.01ཆོས་སྟོན་པ་དང་། སྡང་བ་མེད་ཅིང་ཞེ་སྡང་གདུལ་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། རྨོངས་པ་མེད་ཅིང་གཏི་མུག་གདུལ་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། ཆོས་ཐམས་ཅད་ལ་ཉོན་མོངས་པ་མེད་པར་གནས་པ་དང་། སེམས་ཅན་ཐམས་ཅད་ལ་སེམས་
D161.059.0127b06.01མ་བཏང་བ་དང་། སངས་རྒྱས་ཀྱི་ཆོས་ཐམས་ཅད་ལ་བརྩོན་འགྲུས་བརྩམས་པ་དང་། འདོད་པའི་ལོངས་སྤྱོད་ཐམས་ཅད་ལ་དགའ་བ་མེད་པས་དགའ་བ་དང་། དགྲ་བཅོམ་པ་དང་པད་མ་བཞིན་དུ་ཉོན་མོངས་པ་ཐམས་ཅད་ཀྱིས་མ་གོས་པ་དང་། ཤེས་པས་འཕགས་པ་དང་མཉམ་པ་དང་།
D161.059.0127b07.01