完整藏文原文 · 德格版页 当前仅加载第 59 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དེ་དག་གིས་ལྷ་དང་མིའི་མཆོད་པ་དག་བྱས་ཏེ། སྟེང་གི་བར་སྣང་ལས་ཀྱང་ལྷའི་མེ་ཏོག་གི་ཆར་དག་ཀྱང་
D161.059.0137a01.01ཕབ། རིན་པོ་ཆེའི་ཆར་དག་ཀྱང་ཕབ། གོས་ཀྱི་ཆར་དག་ཀྱང་ཕབ། བདུག་སྤོས་ཀྱི་ཆར་དག་དང་། སྤོས་ཆུའི་ཆར་དག་དང་། ཕྱེ་མའི་ཆར་དག་ཀྱང་ཕབ་བོ། །ལྷ་རྣམས་ཀྱིས་སྟེང་གི་བར་སྣང་ལས་ལྷའི་སིལ་སྙན་བརྒྱ་སྟོང་དག་ཀྱང་རབ་ཏུ་གསིལ་བར་གྱུར་ཏོ། །དགེ་
D161.059.0137a02.01བསྙེན་དང་། དགེ་བསྙེན་མ་རྣམས་དང་། རྒྱལ་པོ་གསལ་རྒྱལ་གྱིས་ཀྱང་རང་རང་གི་འབྱོར་པ་ཅི་བདོག་པ་དག་གིས་བཅོམ་ལྡན་འདས་དང་འཇམ་དཔལ་གཞོན་ནུར་གྱུར་པ་ལ་མཆོད་པ་བྱས་སོ། །ཐམས་ཅད་དང་ལྡན་པའི་འཁོར་རྣམས་ཀྱིས་ཀྱང་ཐལ་མོ་སྦྱར་ཏེ་ཚིག་འདི་སྐད་
D161.059.0137a03.01ཅེས། བཅོམ་ལྡན་འདས་གང་དག་ཆོས་ཀྱི་རྣམ་གྲངས་འདི་ལ་དད་པར་མི་བགྱིད་པ་དེ་དག་ལ་ནི་སངས་རྒྱས་འབྱུང་བ་མ་མཆིས་ལགས་སོ། །གང་དག་ཆོས་ཀྱི་རྣམ་གྲངས་འདི་སྤོང་བར་བགྱིད་པ་དེ་དག་ལ་ནི་རབ་ཏུ་འབྱུང་བ་མ་མཆིས་ལགས་སོ། །གང་དག་ཆོས་ཀྱི་
D161.059.0137a04.01རྣམ་གྲངས་འདི་བསྒྲུབས་ཏེ་གནས་པར་མི་བགྱིད་པ་དེ་དག་ལ་ནི་བསྙེན་པར་རྫོགས་པར་མ་མཆིས་ལགས་སོ། །དེ་དག་ལ་ནི་འཕགས་པའི་བསྙེན་པ་རྫོགས་པས་བསྙེན་པར་རྫོགས་པ་ཡང་མ་མཆིས་ལགས་སོ། །གང་དག་ཆོས་ཀྱི་རྣམ་གྲངས་འདི་བགྲོད་པར་མི་མཆི་བ་དེ་དག་ལ་ནི་
D161.059.0137a05.01དགེ་སྦྱོང་གི་ཚུལ་མ་མཆིས་ལགས་སོ། །དེ་དག་ལ་ནི་བྲམ་ཟེའི་ཚུལ་ཡང་མ་མཆིས་ལགས་སོ། །གང་དག་ཆོས་ཀྱི་རྣམ་གྲངས་འདི་ལ་སྐྲག་པར་འགྱུར་བ་དེ་དག་ལ་ནི་ཐོབ་པ་ཡང་མ་མཆིས། མངོན་པར་རྟོགས་པ་ཡང་མ་མཆིས་ལགས་སོ། །གང་དག་ཆོས་ཀྱི་རྣམ་གྲངས་འདི་ཉན་
D161.059.0137a06.01པར་བགྱིད་པ་དང་། ཐོས་ནས་ཀྱང་མོས་པར་བགྱིད་པ་དང་། ལེན་པར་བགྱིད་པ་དང་། ཀུན་ཆུབ་པར་བགྱིད་པ་དང་། འཛིན་པར་བགྱིད་པ་དང་། ཀློག་པར་བགྱིད་པ་དང་། ཡི་གེར་འདྲི་བར་བགྱིད་པ་དང་། སྣོད་འཚལ་བར་བགྱིད་ནས་གཞན་དག་ལ་ཡང་སྟོན་པར་བགྱིད་པ་དང་། སྐྱོ་བ་མ་
D161.059.0137a07.01