完整藏文原文 · 德格版页 当前仅加载第 59 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
སམ། འཇམ་དཔལ་གྱིས་སྨྲས་པ། ལྷའི་བུ་གལ་ཏེ་འཕགས་པའི་ལམ་གཉིས་སུ་གྱུར་པ་ཞིག་ཡིན་ན་ནི། འཕགས་པའི་ལམ་ཉོན་མོངས་པ་རྣམས་དང་ལྷན་ཅིག་གནས་པར་ཡང་འགྱུར་བ་ཞིག་ན། ལྷའི་བུ་འཕགས་པའི་ལམ་ནི་གཉིས་སུ་གྱུར་པ་
D161.059.0134a01.01མེད་པ་སྟེ། ཉོན་མོངས་པ་ཚོལ་བ་གང་ཡིན་པ་དེ་ཉིད་འཕགས་པའི་ལམ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་ལམ་གྱིས་ལམ་གྱི་བྱ་བ་བྱས་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བཙལ་ན་ཉོན་མོངས་པ་རྣམས་མི་རྙེད་ཅིང་འཁོར་བ་ཡང་
D161.059.0134a02.01མི་རྙེད། མྱ་ངན་ལས་འདས་པ་ཡང་མི་རྙེད་པ་དེ་ལྟར་ན་ལམ་གྱིས་ལམ་གྱི་བྱ་བ་བྱས་པ་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའི་ལམ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའི་ལམ་ནི་ལྟ་བའི་རྣམ་པ་དྲུག་ཅུ་
D161.059.0134a03.01རྩ་གཉིས་དང་། ཕྱིན་ཅི་ལོག་བཞི་དང་། སྒྲིབ་པ་ལྔ་དང་། མི་དགེ་བའི་ཕྱོགས་ཀྱི་ཆོས་ཐམས་ཅད་དོ། །ལྷའི་བུས་སྨྲས་པ། འཇམ་དཔལ་ཅི་ལས་བསམས་ཏེ་དེ་སྐད་སྨྲ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་ནི་སེམས་ཅན་ལ་སྦྱོར་བ་ཡིན་པས་
D161.059.0134a04.01སེམས་ཅན་རྣམས་ཀྱང་ལྟ་བའི་རྣམ་པ་དང་། ཕྱིན་ཅི་ལོག་དང་། སྒྲིབ་པ་དང་། མི་དགེ་བའི་ཆོས་རྣམས་མ་གཏོགས་པ་གཞན་ལས་བཙལ་བར་མི་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་གང་གིས་སེམས་ཅན་རྣམས་རབ་ཏུ་ཕྱེ་བའི་ལྟ་བའི་རྣམ་པ་དང་། ཕྱིན་ཅི་
D161.059.0134a05.01ལོག་དང་། སྒྲིབ་པ་དང་། ཉོན་མོངས་པ་དེ་དག་ཉིད་ཚོལ་བར་བྱེད་དེ། དེ་ཚོལ་བར་བྱེད་ན་སེམས་ཅན་ཡང་མི་རྙེད། ཉོན་མོངས་པ་རྣམས་ཀྱང་མི་རྙེད་དོ། །མ་རྙེད་ན་སེམས་ཅན་ཡོངས་སུ་སྨིན་པར་བྱ་བ་ལ་སྐྱོ་བར་མི་འགྱུར་བ་སྟེ། ལྷའི་བུ་རྣམ་གྲངས་དེས་ན་ཉོན་མོངས་པ་ཚོལ་
D161.059.0134a06.01བ་ནི་བྱང་ཆུབ་སེམས་དཔའི་ལམ་ཡིན་ལ། སེམས་ཅན་ཚོལ་བ་ཡང་བྱང་ཆུབ་སེམས་དཔའི་ལམ་ཡིན། ཕུང་པོ་དང་། ཁམས་དང་། སྐྱེ་མཆེད་དང་། ཉོན་མོངས་པ་ཚོལ་བ་ཡང་བྱང་ཆུབ་སེམས་དཔའི་ལམ་ཡིན་ནོ། །ལྷའི་བུས་སྨྲས་པ། འཇམ་དཔལ་རྣམ་པར་ཐར་
D161.059.0134a07.01