完整藏文原文 · 德格版页 当前仅加载第 59 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་ཆོས་སྟོན་པར་བྱེད་ལ། ཞེ་སྡང་སྤོང་བ་མངོན་དུ་ཡང་མི་བྱེད་པ་དང་། གཏི་མུག་སྤང་བའི་ཕྱིར་ཡང་ཆོས་སྟོན་པར་བྱེད་ལ། གཏི་མུག་སྤོང་བ་མངོན་དུ་ཡང་མི་བྱེད་པ་དང་། ཉོན་མོངས་པ་སྤང་བའི་ཕྱིར་ཆོས་སྟོན་པར་ཡང་བྱེད་ལ། ཉོན་མོངས་པ་སྤོང་བ་མངོན་དུ་ཡང་མི་བྱེད་
D161.059.0123a01.01པ་དེ་ཙམ་གྱིས་ན། ལྷའི་བུ་བྱང་ཆུབ་སེམས་དཔའ་ལམ་ལ་གནས་པ་ཡིན་ནོ། །ལྷའི་བུ་གཞན་ཡང་གང་གི་ཚེ། བྱང་ཆུབ་སེམས་དཔའ་སེམས་ཅན་རྣམས་ལ་སྟོང་པ་ཉིད་སྟོན་པར་ཡང་བྱེད་ལ། སྟོང་པ་ཉིད་མངོན་དུ་ཡང་མི་བྱེད་པ་དང་། སེམས་ཅན་རྣམས་ལ་མཚན་མ་མེད་པ་སྟོན་པར་ཡང་
D161.059.0123a02.01བྱེད་ལ། མཚན་མ་མེད་པ་མངོན་དུ་ཡང་མི་བྱེད་པ་དང་། སེམས་ཅན་རྣམས་ལ་སྨོན་པ་མེད་པ་སྟོན་པར་ཡང་བྱེད་ལ། སྨོན་པ་མེད་པ་མངོན་དུ་ཡང་མི་བྱེད་པ་དང་། དེ་བཞིན་དུ་སེམས་ཅན་རྣམས་ལ་མངོན་པར་འདུ་བྱེད་པ་མེད་པ་དང་། སྐྱེ་བ་མེད་པ་དང་། འབྱུང་བ་མེད་པ་དང་། དངོས་པོ་
D161.059.0123a03.01མེད་པ་དང་། འདོད་ཆགས་དང་བྲལ་བ་དང་མི་ལྡན་པ་དང་། འགོག་པའི་ཆོས་སྟོན་པར་ཡང་བྱེད་ལ། འགོག་པ་མངོན་དུ་ཡང་མི་བྱེད་པ་དེ་ཙམ་གྱིས་ན། བྱང་ཆུབ་སེམས་དཔའ་ལམ་ལ་གནས་པ་ཡིན་ནོ། །ལྷའི་བུ་གཞན་ཡང་གང་གི་ཚེ། བྱང་ཆུབ་སེམས་དཔའ་ཡོངས་སུ་མི་གཏོང་བས་སྦྱིན་
D161.059.0123a04.01པའི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། ཚུལ་ཁྲིམས་ལས་ཡང་དག་པར་འདའ་བས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། གནོད་སེམས་ཀྱིས་བཟོད་པའི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། ལེ་ལོས་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་།
D161.059.0123a05.01བརྗེད་ངས་པས་བསམ་གཏན་གྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དང་། བེམས་པོ་དང་། ལུག་ལྟར་ལྐུགས་པས་ཤེས་རབ་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་དེ་ཙམ་གྱིས་ན། བྱང་ཆུབ་སེམས་དཔའ་ལམ་ལ་གནས་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལས་བསམས་
D161.059.0123a06.01ཏེ་དེ་སྐད་སྨྲ། འཇམ་དཔལ་གྱིས་སྨྲས་པ། ལྷའི་བུ་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱིས་ཡོངས་སུ་མི་གཏོང་བ་ཡིན་ཏེ། བཞི་གང་ཞེ་ན། སེམས་ཅན་ཡོངས་སུ་མི་གཏོང་བ་དང་། ཆོས་ཡོངས་སུ་མི་གཏོང་བ་དང་། བྱང་ཆུབ་ཀྱི་སེམས་ཡོངས་སུ་མི་གཏོང་བ་
D161.059.0123a07.01