完整藏文原文 · 德格版页 当前仅加载第 59 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དབབ་པ་བསྟན་པ་ཞེས་བྱ་བར་ཡང་ཟུང་ཤིག །དེ་ནས་འཁོར་དེ་དག་གིས་ཆོས་ཀྱི་རྣམ་གྲངས་འདིའི་མིང་ཐོས་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་འཇམ་དཔལ་གཞོན་ནུར་
D161.059.0139a01.01གྱུར་པས་ཆོས་བསྟན་པ་མང་དུ་ཐོས་ལགས་ན་ཇི་ལྟར་ཆོས་ཀྱི་རྣམ་གྲངས་འདི་རབ་ཏུ་རྣམ་པར་ཕྱེ་སྟེ་རྒྱ་ཆེར་བསྟན་པ་དེ་ལྟ་བུའི་ཆོས་ནི་ནམ་ཡང་མ་བྱུང་ལགས་སོ། །བདག་ཅག་གིས་ཀྱང་ཆོས་ཀྱི་རྣམ་གྲངས་ལ་དགའ་བ་འདི་ལྟ་བུ་ཐོབ་པ་སྔོན་མ་མྱོང་ལགས་ཏེ། དེ་ལྟ་
D161.059.0139a02.01ལགས་པས་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་ཀྱང་སྐྱེ་བོ་མང་པོ་ལ་སྨན་པ་དང་། མ་འོངས་པའི་སྐྱེ་བོ་རྣམས་ཀྱི་སླད་དུ་ཆོས་ཀྱི་རྣམ་གྲངས་འདི་ཅི་ནས་སངས་རྒྱས་ཀྱི་མཛད་པ་བགྱིད་པར་འགྱུར་བ་དང་། སེམས་ཅན་མོས་པ་ཐ་དད་པ་རྣམས་ཀྱིས་ཆོས་ཀྱི་
D161.059.0139a03.01རྣམ་གྲངས་འདི་ཐོས་ནས་མོས་པ་ཇི་ལྟ་བ་བཞིན་དུ་ཐེག་པ་ཐ་དད་པས་ངེས་པར་འབྱུང་བར་འགྱུར་བ་དང་། དེ་དག་བདེ་འགྲོར་མཆི་བར་བགྱི་བར་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་ལེགས་པར་བྱིན་གྱིས་བརླབ་ཏུ་གསོལ། དེ་ནས་བཅོམ་ལྡན་འདས་ཀྱིས་འཁོར་བཞི་པོ་
D161.059.0139a04.01དེ་དག་གིས་གསོལ་བ་བཏབ་པར་ཐུགས་སུ་ཆུད་ནས་ཕྱོགས་བཅུར་རྣམ་པར་གཟིགས་སོ། །བཅོམ་ལྡན་འདས་ཕྱོགས་བཅུར་རྣམ་པར་གཟིགས་མ་ཐག་ཏུ་དེ་ནས་དེའི་མོད་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ས་གཞི་ཆེན་པོ་རྣམ་པ་དྲུག་ཏུ་རབ་ཏུ་གཡོས་
D161.059.0139a05.01པར་གྱུར་ཅིང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་རྣམས་ཀྱང་དགའ་བ་དང་། མགུ་བ་དང་། ཡི་རངས་པ་དང་། སྤྲོ་བ་དང་། དགའ་བ་དང་། ཡིད་བདེ་བ་སྐྱེས་ནས་ཅི་ནས་ཀྱང་ཕྱི་མའི་དུས་ན་ཆོས་
D161.059.0139a06.01ཀྱི་རྣམ་གྲངས་འདི་ནུབ་པར་མི་འགྱུར་བར་བྱིན་གྱིས་བརླབ་པར་བྱ་བའི་ཕྱིར། དེ་བཞིན་གཤེགས་པ་དང་བྱང་ཆུབ་སེམས་དཔའ་སེམས་ཅན་ལ་དགའ་བ་རྣམས་དང་། ཉན་ཐོས་ཀྱི་དགེ་འདུན་ལ་ལྷའི་མཆོད་པ་དག་བྱས་ཤིང་། སྟེང་གི་བར་སྣང་ལས་མེ་ཏོག་གི་ཆར་དག་ཀྱང་རབ་ཏུ་
D161.059.0139a07.01