完整藏文原文 · 德格版页 当前仅加载第 59 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
དེས་ཤིང་འགྲོགས་ན་བདེ་བ་དང་། དབེན་པ་ལ་དགའ་ཤིང་དབང་པོ་བསྲུང་བ་དང་། བདག་ཉིད་བདེ་བ་ལ་ལྷག་པར་ཆགས་པ་མེད་ཅིང་རྟག་ཏུ་ཁ་ན་མ་ཐོ་བ་ལ་ལྟ་བ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། ཐོས་པའི་ཡོན་ཏན་ཐོབ་ཅིང་ཚུལ་ཁྲིམས་ཕ་རོལ་
D161.059.0108b01.01སོན། །ཚུལ་འཆོས་མེད་ཅིང་རྟག་ཏུ་དེས་ལ་བརྟུལ་ཞུགས་བཟང་། །ནགས་དང་ནགས་འདབ་གནས་ཤིང་དབང་པོ་སྡོམ་བྱེད་ལ། །དྲན་ལྡན་བདག་བདེ་མི་ལྟོས་ཁ་ན་མ་ཐོ་སྟེ། །གང་ལ་རྟག་ཏུ་དགེ་བའི་ཡོན་ཏན་དེ་ཡོད་པ། །དེ་དག་རྟག་ཏུ་སེམས་ཅན་ཕན་ཕྱིར་བརྩོན་
D161.059.0108b02.01འགྲུས་ཞིང་། །དེ་དག་སེམས་ཅན་དོན་ཡང་རྟག་ཏུ་བྱེད་འགྱུར་ལ། །དེ་དག་རྟག་ཏུ་བྱང་ཆུབ་ཕྱིར་ནི་ཡིད་གཞོལ་འགྱུར། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་དགེ་བའི་སྤྱོད་པ་ཐམས་ཅད་ལ་སྨད་པ་མེད་པ་རྣམས་ཡིན་ཏེ། བཞི་གང་ཞེ་ན།
D161.059.0108b03.01དད་པ་ཕུན་སུམ་ཚོགས་པ་དང་། བརྩོན་འགྲུས་ཕུན་སུམ་ཚོགས་པ་དང་། སྙིང་རྗེ་ཆེན་པོ་ཕུན་སུམ་ཚོགས་པ་དང་། ཐེག་པ་ཆེན་པོར་ཡོངས་སུ་བསྔོ་བ་ལ་མཁས་པ་རྣམས་ཡིན་ཏེ། བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། དེ་དག་དད་དང་ལྡན་ལ་བརྟུལ་བ་བརྟན་
D161.059.0108b04.01ལྡན་ཞིང་། །དེ་དག་བརྩོན་འགྲུས་མཐུ་དང་སྟོབས་དང་ལྡན་པ་ཡིན། །འགྲོ་བ་ཀུན་ལ་བྱམས་དང་སྙིང་རྗེ་ཆེ་ལྡན་ཞིང་། །བྱང་ཆུབ་ཆེད་དུ་ཡོངས་སུ་བསྔོ་ལ་མཁས་པ་སྟེ། །དེ་ཕྱིར་དགེ་བ་ཀུན་ལ་སྨས་པ་ཡོད་མིན་ཞིང་། །ཟླ་བ་ཉ་བའི་ཟླ་བ་མཁའ་ལ་སྐར་མ་ཡི།
D161.059.0108b05.01ཚོགས་ཀྱི་དབུས་ན་གནས་པ་རྣམ་པར་མཛེས་པ་དག །ཡང་དང་ཡང་དུ་དགེ་བ་ཀུན་ལ་རྣམ་འཕེལ་འགྱུར། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཤེས་རབ་དག་ལ་རྒྱ་མཚོ་ལྟ་བུ་རྣམས་ཡིན་ཏེ། བཞི་གང་ཞེ་ན། ཇི་སྐད་སྨྲས་པ་དེ་བཞིན་དུ་
D161.059.0108b06.01བྱེད་པ་དང་། སྒྲུབ་པ་སྙིང་པོར་བྱེད་པ་དང་། བློ་རབ་ཏུ་གནས་པ་དང་། ལྷག་པའི་བསམ་པ་རྡོ་རྗེ་ལྟར་བརྟན་པ་སྟེ། ཆོས་བཞི་པོ་དེ་དག་དང་ངོ་། །དེ་ལ་འདི་སྐད་ཅེས་བྱ་སྟེ། མཁས་པ་དེ་དག་ཇི་སྐད་སྨྲས་པ་དེ་བཞིན་བྱེད། །དེ་དག་སྒྲུབ་པ་སྙིང་པོར་བྱེད་
D161.059.0108b07.01