完整藏文原文 · 德格版页 当前仅加载第 59 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་མཐའ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་མཐའ་ནི་སྟོང་པ་ཉིད་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་གནས་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་གནས་
D161.059.0133b01.01ནི་ཆོས་ཐམས་ཅད་ཀྱི་གནས་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་སྒོ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་སྒོ་ནི་ཀུན་ནས་སྒོ་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་ཆུབ་ཀྱི་རྩོམ་པ་གང་ཡིན། འཇམ་དཔལ་གྱིས་སྨྲས་པ།
D161.059.0133b02.01ལྷའི་བུ་བྱང་ཆུབ་ཀྱི་རྩོམ་པ་ནི་སེམས་ཅན་ཐམས་ཅད་བདག་མེད་པའོ། །ལྷའི་བུས་སྨྲས་པ། འཇམ་དཔལ་བྱང་ཆུབ་ཅི་དང་མཉམ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ནི་ཆོས་ཐམས་ཅད་མི་སྐྱེ་བ་དང་མཉམ་མོ། །ལྷའི་བུས་སྨྲས་པ། འཇམ་དཔལ་བྱང་
D161.059.0133b03.01ཆུབ་ཀྱི་བགྲོད་པ་གང་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ཀྱི་བགྲོད་པ་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་ཡིན་ནོ། །བྱང་ཆུབ་ཀྱི་བགྲོད་པ་ནི་འགྲོ་བ་མེད་པར་འགྲོ་བ་དང་། རྒྱུ་བ་མེད་པར་འགྲོ་བ་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་
D161.059.0133b04.01ཆུབ་གང་གི་རྒྱུ་འཐུན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ནི་སྙིང་རྗེ་ཆེན་པོའི་རྒྱུ་འཐུན་པ་ཡིན་ནོ། །ལྷའི་བུས་སྨྲས་པ། འཇམ་དཔལ་སྙིང་རྗེ་ཆེན་པོ་གང་གི་རྒྱུ་འཐུན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་སྙིང་རྗེ་ཆེན་པོ་ནི་སེམས་ཅན་ཐམས་
D161.059.0133b05.01ཅད་རབ་ཏུ་ཐར་བར་བྱ་བའི་རྒྱུ་འཐུན་པ་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་ཆུབ་ག་ལས་བཙལ་བར་བྱ། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་ནི་སེམས་ཅན་ཐམས་ཅད་ཀྱི་ཉོན་མོངས་པ་རྗེས་སུ་རྟོགས་པ་ལས་བཙལ་བར་བྱའོ། །ལྷའི་བུས་སྨྲས་པ། འཇམ་
D161.059.0133b06.01དཔལ་ཉོན་མོངས་པ་རྣམས་ག་ལས་བཙལ་བར་བྱ། འཇམ་དཔལ་གྱིས་སྨྲས་པ། ལྷའི་བུ་ཉོན་མོངས་པ་རྣམས་ནི་འཕགས་པའི་ལམ་ཡན་ལག་བརྒྱད་པ་ལས་བཙལ་བར་བྱའོ། །ལྷའི་བུས་སྨྲས་པ། འཇམ་དཔལ་ཅི་འཕགས་པའི་ལམ་ཉོན་མོངས་པ་རྣམས་དང་ལྷན་ཅིག་གནས་
D161.059.0133b07.01