完整藏文原文 · 德格版页 当前仅加载第 59 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
ཐབས་ཀྱིས་འཕགས་པ་མ་ཡིན་པར་གནས་པ་དང་། ཉེ་བར་ལེན་པ་ཐམས་ཅད་ལ་བདག་གིར་མེད་ཅིང་ཡོངས་སུ་འཛིན་པ་མེད་པ་དང་། སངས་རྒྱས་ཀྱི་ཆོས་ཐམས་ཅད་ལ་བདག་གིར་བྱེད་ཅིང་ཡོངས་སུ་འཛིན་པ་དང་། རང་གི་སེམས་ཀྱི་རྒྱུད་དག་ལ་ཟག་པ་མེད་
D161.059.0128a01.01པའི་སེམས་དང་ལྡན་པ་དང་། གཞན་གྱི་སེམས་ཀྱི་རྒྱུད་དག་ལ་ཟག་པ་མེད་པར་གནས་པར་བྱེད་པ་དང་། སྔོན་དམ་བཅས་པ་དག་ལ་བརྣག་པ་ཡོངས་སུ་རྫོགས་པ་དང་། ཚུ་རོལ་དང་ཕ་རོལ་ལ་གནས་པ་རྣམས་ཀྱི་ཕ་རོལ་ཏུ་སོན་པ་དང་། ཚུ་རོལ་གྱི་གནས་མ་སྤངས་པ་དང་།
D161.059.0128a02.01གཞན་གྱིས་སེམས་ཅན་གཞན་ཐར་བར་བྱེད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་དགྲ་བཅོམ་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཉན་ཐོས་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་
D161.059.0128a03.01ཅན་ཐམས་ཅད་ལ་མ་ཐོས་པའི་ཆོས་སྒྲོགས་པར་བྱེད་ཅིང་ཡུལ་རྣམས་ལ་སྤྱོད་པར་མི་བྱེད་པ་དང་། ཡང་དག་པའི་དམ་པའི་ཆོས་དང་། སྐྱེ་བ་མེད་པ་དང་། འགག་པ་མེད་པའི་ཆོས་སྒྲོགས་པར་བྱེད་པ་དང་། རྒྱུ་དང་། རྐྱེན་དང་། བདག་མེད་པ་དང་། སེམས་ཅན་མེད་པ་དང་།
D161.059.0128a04.01རང་བཞིན་གྱིས་གཡོ་བ་མེད་པར་སྒྲོགས་པར་བྱེད་པ་དང་། སངས་རྒྱས་ཀྱི་ཆོས་ཚད་མེད་པ་དང་། ནམ་མཁའ་དང་མཉམ་པའི་ཆོས་རྣམས་སྒྲོགས་པར་བྱེད་པ་དང་། སངས་རྒྱས་ཀྱི་ཡེ་ཤེས་དང་། ཡེ་ཤེས་ཆེན་པོ་ལ་ཆོས་ཐམས་ཅད་རྒྱུས་ཉེ་བར་འགྲོ་བར་རྩོམས་ཤིག་ཅེས་སྒྲོགས་
D161.059.0128a05.01པར་བྱེད་པ་དང་། སྒྲོགས་པ་ཡང་གཞན་གྱི་དྲིང་མི་འཇོག་པ་དང་། ཐོས་པས་ཀྱང་རློམ་སེམས་མི་བྱེད་པ་དང་། སྒྲོགས་པ་ཐམས་ཅད་ཀྱི་སྔོན་དང་ཕྱི་མའི་མཐའ་མི་ཆད་པ་ཡོངས་སུ་ཤེས་པ་དང་། སོ་སོ་ཡང་དག་པར་རིག་པ་མི་ཟད་པ་ཐོབ་པ་དང་། དོན་དང་ཚིག་དང་ཡིག་འབྲུ་མི་ཟད་པ་
D161.059.0128a06.01དང་། སེམས་ཅན་ཐམས་ཅད་ཀྱི་སེམས་དང་། སྤྱོད་པ་དང་། ཤེས་པར་སྟོན་པར་བྱེད་པ་དང་། སོ་སོ་ཅི་རིགས་པར་ཆོས་སྟོན་པར་བྱེད་པ་དང་། ཞི་བའི་ས་ལ་གནས་པ་དང་། སྤྲོས་པ་མེད་པ་དང་། སྔོན་གྱི་སྨོན་ལམ་གྱི་སྤྱོད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་ཉན་ཐོས་ཡིན་
D161.059.0128a07.01