完整藏文原文 · 德格版页 当前仅加载第 59 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། ཆོས་འདིའི་དགབ་པ་ནི་གང་ལ་ལུས་དང་། ངག་དང་། སེམས་ཀྱིས་རྟུལ་བ་མེད་པ་དེ་ལྟ་བུ་ཡིན་ནོ། །དེ་ཅིའི་ཕྱིར་ཞེ་ན། ཆོས་འདི་ནི་གསལ་བ་རྙོག་པ་མེད་པ་ཡིན་པས། དེ་ནི་སེམས་རྙོག་པ་ཅན་གྱིས་མཆོད་པར་མི་ནུས་པའི་ཕྱིར་རོ། །ལྷའི་བུས་སྨྲས་པ། འཇམ་
D161.059.0115a01.01དཔལ་ཇི་ལྟར་ན་སེམས་རྙོག་པ་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གཟུགས་ཀྱི་མཚན་མ་རྗེས་སུ་དྲན་པས་སངས་རྒྱས་རྗེས་སུ་དྲན་པར་བྱེད་པའི་སེམས་ནི་སེམས་རྙོག་པ་ཅན་ཡིན་ནོ། །སྒྲ་དང་། སྐད་དང་། དབྱངས་དང་། ཚིག་གི་ལམ་གྱིས་ཆོས་རྗེས་སུ་དྲན་པར་
D161.059.0115a02.01བྱེད་པའི་སེམས་ནི་སེམས་རྙོག་པ་ཅན་ཡིན་ནོ། །འབྲས་བུ་ཐོབ་པ་མངོན་དུ་བྱེད་པས། དགེ་འདུན་རྗེས་སུ་དྲན་པར་བྱེད་པའི་སེམས་ནི་སེམས་རྙོག་པ་ཅན་ཡིན་ནོ། །ཉོན་མོངས་པ་གཏན་སྤང་བ་རྗེས་སུ་དྲན་པར་བྱེད་པའི་སེམས་ནི་སེམས་རྙོག་པ་ཅན་ཡིན་ནོ། །སྐྱེ་བ་ལ་རྟེན་པས་ལྷ་རྗེས་
D161.059.0115a03.01སུ་དྲན་པར་བྱེད་པའི་སེམས་ནི་སེམས་རྙོག་པ་ཅན་ཡིན་ནོ། །མ་དུལ་བའི་སྦྱིན་པའི་སེམས་ནི་སེམས་རྙོག་པ་ཅན་ཡིན་ནོ། །མ་ཞི་བའི་ཚུལ་ཁྲིམས་ཀྱི་སེམས་ནི་སེམས་རྙོག་པ་ཅན་ཡིན་ནོ། །སེམས་ཅན་ལ་བརྟེན་པའི་བཟོད་པའི་སེམས་ནི་སེམས་རྙོག་པ་ཅན་ཡིན་ནོ། །སྤྲོས་པ་དང་བཅས་པའི་ཤེས་
D161.059.0115a04.01རབ་ཀྱི་སེམས་ནི་སེམས་རྙོག་པ་ཅན་ཡིན་ནོ། །བདག་ཏུ་འཛིན་པ་ལ་གནས་པའི་བྱམས་པའི་སེམས་ནི་སེམས་རྙོག་པ་ཅན་ཡིན་ནོ། །སེམས་ལ་ངེས་པར་མ་བསམས་པའི་བསམ་གཏན་གྱི་སེམས་ནི་སེམས་རྙོག་པ་ཅན་ཡིན་ནོ། །ཐེ་ཙོམ་ཅན་གྱི་སྙིང་རྗེའི་སེམས་ནི་སེམས་རྙོག་པ་ཅན་ཡིན་ནོ། །
D161.059.0115a05.01མྱ་ངན་ལས་འདས་པའི་ལམ་དང་བྲལ་བའི་དགའ་བའི་སེམས་ནི་སེམས་རྙོག་པ་ཅན་ཡིན་ནོ། །གཉིས་ལ་གནས་པའི་བཏང་སྙོམས་ཀྱི་སེམས་ནི་སེམས་རྙོག་པ་ཅན་ཡིན་ནོ། །ལུས་སུ་འདུ་ཤེས་པའི་ཚོར་བའི་སེམས་ནི་སེམས་རྙོག་པ་ཅན་ཡིན་ནོ། །ཆོས་སུ་འདུ་ཤེས་པའི་དྲན་པ་ཉེ་བར་
D161.059.0115a06.01གཞག་པའི་སེམས་ནི་སེམས་རྙོག་པ་ཅན་ཡིན་ནོ། །སྐྱེ་བ་དང་འཇིག་པར་འདུ་ཤེས་པའི་ཡང་དག་པར་སྤོང་བའི་སེམས་ནི་སེམས་རྙོག་པ་ཅན་ཡིན་ནོ། །ལུས་དང་སེམས་ལ་རྟེན་པའི་རྫུ་འཕྲུལ་གྱི་རྐང་པའི་སེམས་ནི་སེམས་རྙོག་པ་ཅན་ཡིན་ནོ། །དབང་པོ་དྲུག་ལ་རྟེན་པའི་དབང་
D161.059.0115a07.01