完整藏文原文 · 德格版页 当前仅加载第 59 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དགེ་བའི་ཆོས་ཐམས་ཅད་ཡོངས་སུ་མི་གཏོང་བ་སྟེ། བྱང་ཆུབ་སེམས་དཔའ་ནི་ཆོས་བཞི་པོ་དེ་དག་ཡོངས་སུ་མི་གཏོང་བས། སྦྱིན་པའི་ཕ་རོལ་ཏུ་ཕྱིན་པ་སྒྲུབ་པར་བྱེད་དོ། །ལྷའི་བུ་ཚུལ་ཁྲིམས་ལས་ཡང་དག་པར་འདའ་བ་ཞེས་བྱ་བ་དེ་ནི་དེའི་རང་བཞིན་མ་ཡིན་པའི་ཚིག་{བླ་དགས་,བླ་དྭགས་}ཏེ།
D161.059.0123b01.01ཚུལ་ཁྲིམས་ལས་ཡང་དག་པར་འདའ་བས་ཏིང་ངེ་འཛིན་དང་། ཏིང་ངེ་འཛིན་ལས་ཡང་དག་པར་འདའ་བས་ཤེས་རབ་དང་། ཤེས་རབ་ལས་ཡང་དག་པར་འདའ་བས། རྣམ་པར་གྲོལ་བ་ཤེས་པ་སྒྲུབ་པར་བྱེད་དེ། ལྷའི་བུ་ཁྱོད་ཀྱིས་རྣམ་གྲངས་དེས། གང་ཚུལ་ཁྲིམས་ལས་ཡང་
D161.059.0123b02.01དག་པར་འདའ་བ་དེ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་པར་རིག་པར་བྱའོ། །ལྷའི་བུ་བྱང་ཆུབ་སེམས་དཔའ་གང་གནོད་སེམས་ལ་ཞུགས་པ་ནི། ཉན་ཐོས་ཀྱི་ཐེག་པ་ལས་ལོག་པར་ཞུགས་པ་དང་། རང་སངས་རྒྱས་ཀྱི་ཐེག་པ་ལས་ལོག་པར་ཞུགས་
D161.059.0123b03.01པ་ཡིན་པས། དེ་ནི་ཐེག་པ་ཆེན་པོ་ལ་ལེགས་པར་ཞུགས་པ་ཡིན་ཏེ། གང་ཐེག་པ་ཆེན་པོ་ལ་ལེགས་པར་ཞུགས་པ་དེ་ནི་བཟོད་པའི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་ནོ། །ལྷའི་བུ་གང་གི་ཚེ། བྱང་ཆུབ་སེམས་དཔའ་ལུས་ཀྱི་རྟུལ་བར་མི་བྱེད་ཅིང་། ངག་དང་། སེམས་ཀྱིས་རྟུལ་
D161.059.0123b04.01བར་མི་བྱེད་པ་དེ་ནི་ལེ་ལོ་ཅན་ཡིན་ལ། གང་དེ་ལྟར་ཆོས་ལ་མངོན་པར་བརྩོན་པ་དེ་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་ནོ། །ལྷའི་བུ་གཞན་ཡང་བྱང་ཆུབ་སེམས་དཔའ་ནི། རྨི་ལམ་ན་ཡང་ས་གཉིས་པོ་དག་ལ་དགའ་བའི་སེམས་སྐྱེད་པར་མི་བྱེད་པས། དེ་ནི་བརྗེད་ངས་པ་ཡིན་
D161.059.0123b05.01ལ། གང་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་བརྗེད་ངས་པ་དེ་ནི། ཐེག་པ་ཆེན་པོ་ལ་མཉམ་པར་བཞག་པ་ཡིན་པས། དེ་ནི་བསམ་གཏན་གྱི་ཕ་རོལ་ཏུ་ཕྱིན་པ་སྒྲུབ་པར་བྱེད་པ་ཡིན་ནོ། །ལྷའི་བུ་ཆོས་ཐམས་ཅད་ནི་བེམས་པོ་སྟེ། རྩྭ་དང་། ཤིང་དང་། རྩིག་པ་དང་། ལམ་དང་། མིག་ཡོར་
D161.059.0123b06.01དང་། ལུག་ལྟར་ལྐུགས་པ་དང་འདྲ་བར། རང་བཞིན་གྱིས་ནུས་པ་མེད་པ་ཡིན་པས། གང་གི་ཚེ། བྱང་ཆུབ་སེམས་དཔའ་ཤེས་རབ་དང་། ཡེ་ཤེས་ཀྱིས་དེ་ལྟར་ཆོས་ཐམས་ཅད་བེམས་པོ་དང་། ལུག་ལྟར་ལྐུགས་པ་ལྟ་བུས་བྱང་ཆུབ་སྒྲུབ་པར་བྱེད་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་
D161.059.0123b07.01