完整藏文原文 · 德格版页 当前仅加载第 59 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྗོད་པར་བྱེད་ཅིང་། ཉན་ཐོས་ཀྱི་ཐེག་པ་པའི་བསྔགས་པ་མ་ཡིན་པར་རྗོད་པར་བྱེད་པ་དང་། ཇི་ལྟར་སེམས་ཅན་རྣམས་བྱང་ཆུབ་ཏུ་སེམས་སྐྱེད་པར་འགྱུར་སྙམ་ནས་བདག་ཉིད་ཀྱི་ཡོན་ཏན་གྱི་ཆོས་རྗོད་པར་བྱེད་ཅིང་། འདི་ལ་དགའ་བའི་སེམས་སྐྱེད་པར་མི་འགྱུར་བར་བྱའོ། །
D161.059.0119a01.01སྙམ་ནས་ཐེག་པ་དམན་པ་ལ་རྣམ་པར་སྡང་བར་བྱེད་པ་ཡིན་པས་ལྷའི་བུ་དེ་ལྟར་ན་བྱང་ཆུབ་སེམས་དཔའ་ནི་ཐེག་པ་ཆེན་པོ་ལ་སྟོད་པར་བྱེད་པ་དང་། ཉན་ཐོས་ཀྱི་ཐེག་པ་ལ་སྨོད་པར་བྱེད་པ་ཡིན་ནོ། །ལྷའི་བུས་སྨྲས་པ། འཇམ་དཔལ་དེ་ལྟར་ན་བྱང་ཆུབ་སེམས་དཔའ་ལྟུང་བ་དང་བཅས་པར་མི་འགྱུར་
D161.059.0119a02.01རམ། འཇམ་དཔལ་གྱིས་སྨྲས་པ། ལྷའི་བུ་གང་གིས་ནོར་བུ་མཆིང་བུའི་བསྔགས་པ་མ་ཡིན་པར་རྗོད་ཅིང་། ནོར་བུ་རིན་པོ་ཆེ་བཻ་དཱུརྱའི་བསྔགས་པ་བརྗོད་པར་གྱུར་ན་དེ་ཡང་ལྟུང་བ་དང་བཅས་པར་འགྱུར་རམ། ལྷའི་བུས་སྨྲས་པ། འཇམ་དཔལ་དེ་ནི་མི་འགྱུར་རོ། །འཇམ་དཔལ་གྱིས་སྨྲས་
D161.059.0119a03.01པ། ལྷའི་བུ་དེ་བཞིན་དུ་བྱང་ཆུབ་སེམས་དཔའི་ཐེག་པ་ཆེན་པོའི་བསྔགས་པ་རྗོད་པར་བྱེད་ཅིང་ཉན་ཐོས་ཀྱི་ཐེག་པའི་བསྔགས་པ་མ་ཡིན་པ་རྗོད་པར་བྱེད་པ་ཡང་ལྟུང་བ་དང་བཅས་པར་མི་འགྱུར་རོ། །ལྷའི་བུ་འདི་ལྟ་སྟེ་དཔེར་ན། སྐྱེས་བུ་ཤིན་ཏུ་སྟོབས་དང་ལྡན་པ་གང་ཞིག་གིས་འཁོར་ལོས་སྒྱུར་
D161.059.0119a04.01བའི་རྒྱལ་པོའི་བསྔགས་པ་རྗོད་ཅིང་ཁམས་ཀྱི་རྒྱལ་པོ་ལ་དེ་ལྟ་མ་ཡིན་ན། དེ་སྨད་པའི་འོས་སུ་འགྱུར་བ་ཡིན་སྙམ་མམ། ལྷའི་བུས་སྨྲས་པ། འཇམ་དཔལ་དེ་ལྟ་མ་ཡིན་ནོ། །འཇམ་དཔལ་གྱིས་སྨྲས་པ། ལྷའི་བུ་དེ་བཞིན་དུ་བྱང་ཆུབ་སེམས་དཔའ་ཐེག་པ་ཆེན་པོ་ལ་སྟོད་པར་བྱེད་
D161.059.0119a05.01ཅིང་ཉན་ཐོས་ཀྱི་ཐེག་པ་ལ་སྨོད་པར་བྱེད་པ་ཡང་སྨད་པའི་འོས་སུ་མི་འགྱུར་རོ། །དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། འཇམ་དཔལ་ལེགས་སོ་ལེགས་སོ། །ཁྱོད་ཀྱི་ཚིག་དེ་ནི་ལེགས་པར་སྨྲས་ཏེ། འཇམ་དཔལ་ཐེག་
D161.059.0119a06.01པ་ཆེན་པོའི་བསྔགས་པ་བརྗོད་པས་ནི་ཐེག་པ་ཐམས་ཅད་ཀྱི་བསྔགས་པ་བརྗོད་པར་འགྱུར་རོ། །དེ་ཅིའི་ཕྱིར་ཞེ་ན། འཇམ་དཔལ་ཐེག་པ་ཐམས་ཅད་ནི་དེ་ལས་ངེས་པར་བྱུང་བ་ཡིན་པའི་ཕྱིར་རོ། །གཞན་ཡང་ལྷའི་བུ་རབ་རྩལ་སེམས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་
D161.059.0119a07.01