完整藏文原文 · 德格版页 当前仅加载第 59 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཁོམ་པ་བརྒྱད་དུ་སྐྱེས་པའི་སེམས་ཅན་རྣམས་དལ་བ་ཕུན་སུམ་ཚོགས་པ་དག་ལ་འགོད་པར་བྱེད་པ་དང་། སྐྱེས་བུ་དམ་པའི་རྣམ་པར་རྟོགས་པ་བརྒྱད་ལ་གནས་པ་དང་། རྣམ་པར་ཐར་པ་བརྒྱད་ལ་བསམ་གཏན་བྱེད་པ་དང་། བྱང་ཆུབ་སེམས་དཔའི་ལྷག་
D161.059.0127a01.01པའི་བསམ་པ་མི་སྤོང་བ་དེ་ལྟ་ན་ལྷའི་བུ་བྱང་ཆུབ་སེམས་དཔའ་བརྒྱད་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་རྒྱུན་དུ་ཞུགས་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་ཅན་རྒྱུན་ཕྱོགས་སུ་
D161.059.0127a02.01དད་པ་རྣམས་རྒྱུན་ལས་ཟློག་པར་བྱེད་པ་དང་། འཁོར་བའི་རྒྱུན་ཐམས་ཅད་ཀྱང་གཅོད་པར་བྱེད་ལ་འཁོར་བ་མི་གཅོད་པ་དང་། ངན་སོང་ཐམས་ཅད་རྒྱུན་གཅོད་པར་བྱེད་པ་དང་། སེམས་ཅན་རྣམས་བདེ་འགྲོ་དང་མྱ་ངན་ལས་འདས་པ་མངོན་དུ་བྱ་བའི་ལམ་ལ་འགོད་པར་བྱེད་པ་དང་།
D161.059.0127a03.01མཚམས་བཅད་པ་དང་། ལྷ་དང་མི་ལ་གཞོལ་བ་དང་། བདེན་པ་སྟོན་པར་བྱེད་པ་དང་། རློམ་སེམས་སུ་མི་ལྟུང་བ་དང་། ཐེ་ཙོམ་དང་བྲལ་བ་དང་། ངེས་པ་དང་། སངས་རྒྱས་ཀྱི་ཆོས་ལ་གཞོལ་བ་དང་། སོ་སོ་སྐྱེ་བོའི་ལམ་ལས་ཡང་དག་པར་འདས་པ་དང་། སངས་རྒྱས་ཀྱི་ཆོས་ཀྱི་ལམ་
D161.059.0127a04.01ལ་རབ་ཏུ་གནས་པ་དང་། འཁོར་བའི་གཏིང་རྙེད་པ་དང་། མྱ་ངན་ལས་འདས་པ་ལ་མངོན་དུ་ཕྱོགས་པར་གྱུར་པ་དང་། འཇིག་རྟེན་གྱི་སྦྱིན་གནས་སུ་གྱུར་པ་དང་། འདུས་བྱས་ལ་སྣང་བ་དང་། འདུས་མ་བྱས་པས་རབ་ཏུ་ཕྱེ་བ་དང་། ཕྱིར་ལྡོག་པར་མི་འགྱུར་བ་དང་། དགེ་འདུན་ལ་
D161.059.0127a05.01ཡང་དག་པར་གཞོལ་བ་དེ་ལྟ་ན་ལྷའི་བུ་བྱང་ཆུབ་སེམས་དཔའ་རྒྱུན་དུ་ཞུགས་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ལན་ཅིག་ཕྱིར་འོང་བ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་འོང་
D161.059.0127a06.01བ་མེད་པ་དང་འགྲོ་བ་མེད་པར་ཤེས་ནས་སེམས་ཅན་ཡོངས་སུ་སྨིན་པར་བྱ་བའི་ཕྱིར་བསམ་བཞིན་དུ་འོང་བ་དང་། སེམས་ཅན་རྣམས་ཡོངས་སུ་སྨིན་པར་བྱེད་པ་དང་། འོང་བ་དང་། འགྲོ་བར་སྟོན་པར་བྱེད་པ་དང་། ཆོས་ཉིད་ལ་འོང་བ་དང་འགྲོ་བ་མེད་པར་མཐོང་བ་དང་། འོང་ཡང་ཉོན་མོངས་
D161.059.0127a07.01