完整藏文原文 · 德格版页 当前仅加载第 59 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ལ་མངོན་སུམ་དུ་བྱེད་ཀྱང་སེམས་ཅན་ཡོངས་སུ་སྨིན་པར་བྱ་བའི་ཕྱིར། ཉོན་མོངས་པ་དེ་དག་གི་རང་བཞིན་གང་ཡིན་པའི་ཉོན་མོངས་པ་དེ་དག་ཀྱང་སྤོང་བར་མི་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་ཆགས་པ་མེད་པའི་ཤེས་རབ་དང་ལྡན་པ་ཡིན་ནོ། །མཽད་གལ་
D161.059.0117a01.01གྱི་བུ་ཆེན་པོས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་རྫུ་འཕྲུལ་ཆེ་བ་ཡིན། འཇམ་དཔལ་གྱིས་སྨྲས་པ། བཙུན་པ་མཽད་གལ་གྱི་བུ་ཆེན་པོ་བྱང་ཆུབ་སེམས་དཔའ་གང་འདུས་བྱས་ཀྱང་མ་ཐོབ། འདུས་མ་བྱས་ཀྱང་མ་ཐོབ་ལ། སློབ་པ་དང་མི་སློབ་པ་རྣམས་
D161.059.0117a02.01ཀྱང་འདུལ་བར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་རྫུ་འཕྲུལ་ཆེ་བ་ཡིན་ནོ། །རབ་འབྱོར་གྱིས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཉོན་མོངས་པ་མེད་པར་གནས་པ་ཡིན། འཇམ་དཔལ་གྱིས་སྨྲས་པ། བཙུན་པ་རབ་འབྱོར་གང་གི་ཚེ་བྱང་ཆུབ་
D161.059.0117a03.01སེམས་དཔའ་ཆོས་ཐམས་ཅད་སྒྲིབ་པ་མེད་པར་ཤེས་པར་བྱེད་ལ། ཕ་རོལ་དང་ཚུ་རོལ་དང་བྲལ་བར་བྱེད་ཅིང་། བྱང་ཆུབ་ཀྱི་སྒྲིབ་པ་ཡང་མི་སྤོང་ལ་ཏིང་ངེ་འཛིན་ལས་ཀྱང་མི་ལྡང་ཞིང་། བྱ་བ་ཐམས་ཅད་ཀྱང་སྟོན་པར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་ཉོན་མོངས་པ་
D161.059.0117a04.01མེད་པར་གནས་པ་ཡིན་ནོ། །བྱམས་མའི་བུ་གང་པོས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ཆོས་སྨྲ་བ་ཡིན། འཇམ་དཔལ་གྱིས་སྨྲས་པ། བཙུན་པ་གང་པོ་གང་གི་ཚེ་བྱང་ཆུབ་སེམས་དཔའ་དབང་པོ་ཐམས་ཅད་ཀྱིས་སྤོབས་པར་བྱེད་ཅིང་། འདུ་བྱེད་ཐམས་
D161.059.0117a05.01ཅད་མི་རྟག་གོ་ཞེས་འབྲས་བུ་ཡོད་པར་ཆོས་སྟོན་པར་བྱེད་ལ། བསྐལ་པ་སྟོང་ཕྲག་རྣམས་སུ་དོན་དང་། ཚིག་དང་། ཡི་གེ་སྟོན་པ་རྣམས་ཀྱིས་རྒྱས་པར་སྟོན་པར་བྱེད་ཀྱང་མཐར་ཐུག་པར་མི་འགྱུར་ན། དེ་ཙམ་གྱིས་ན་བྱང་ཆུབ་སེམས་དཔའ་ཆོས་སྟོན་པ་ཡིན་ནོ། །ནམ་གྲུས་སྨྲས་པ།
D161.059.0117a06.01འཇམ་དཔལ་ཇི་ལྟར་ན་བྱང་ཆུབ་སེམས་དཔའ་བསམ་གཏན་པ་ཡིན། འཇམ་དཔལ་གྱིས་སྨྲས་པ། བཙུན་པ་ནམ་གྲུ་གང་གི་ཚེ་བྱང་ཆུབ་སེམས་དཔའ་ཆོས་ཐམས་ཅད་རང་བཞིན་གྱིས་མཉམ་པར་གཞག་པ་ཉིད་ཡིན་པར་ཡང་ཤེས་པར་བྱེད་ལ། སེམས་རྣམ་པར་གཡེངས་པ་རྣམས་
D161.059.0117a07.01