完整藏文原文 · 德格版页 当前仅加载第 59 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུ་གང་དག་ཆོས་རྣམས་ཀྱི་རང་བཞིན་མི་ཤེས་པ་དག་གོ། །ལྷའི་བུས་སྨྲས་པ། འཇམ་དཔལ་རང་བཞིན་ཤེས་པ་དག་གང་ཡིན། འཇམ་དཔལ་གྱིས་སྨྲས་པ། ལྷའི་བུ་གང་དག་དེ་དག་གི་རང་བཞིན་ཤེས་པ་དག་གོ། །ལྷའི་བུས་སྨྲས་པ། འཇམ་དཔལ་དད་པ་དང་ལྡན་པའི་
D161.059.0121a01.01མཚན་ཉིད་གང་ཡིན། འཇམ་དཔལ་གྱིས་སྨྲས་པ། ལྷའི་བུ་དད་པ་དང་ལྡན་པའི་མཚན་ཉིད་ནི་ཆགས་པ་ཐམས་ཅད་ལས་ཡང་དག་པར་འདས་པ་ཡིན་ནོ། །ལྷའི་བུས་སྨྲས་པ། འཇམ་དཔལ་དགེ་སློང་དད་པ་དང་མི་ལྡན་པ་ཇི་ལྟར་དད་པས་བྱིན་པ་ལ་དད་པར་བྱེད། འཇམ་དཔལ་གྱིས་སྨྲས་པ། ལྷའི་བུ་
D161.059.0121a02.01དད་པ་དང་མི་ལྡན་པ་ཞེས་བྱ་བ་ནི་གང་མངོན་སུམ་དུ་གྱུར་པའི་ཆོས་ཐམས་ཅད་ལ་གཞན་གྱི་དྲིང་མི་འཇོག་ཅིང་། གཞན་གྱི་དད་པས་ཡང་དང་ཡང་དུ་མི་འགྲོ་བ་ཡིན་པས་དེའི་ཕྱིར་དད་པ་དང་མི་ལྡན་པ་ཞེས་བྱ་སྟེ། དེ་ནི་དད་པས་བྱིན་པ་སྤྱོད་པར་མི་བྱེད་དོ། །དེ་ཅིའི་ཕྱིར་ཞེ་ན། གཟོད་མ་ནས་དག་པའི་ཕྱིར་རོ། །
D161.059.0121a03.01ལྷའི་བུས་སྨྲས་པ། འཇམ་དཔལ་དགེ་སློང་གང་། དགེ་འདུན་དང་ལྷན་ཅིག་མི་གནས་པ་དེ་ལ་ཇི་སྐད་ཅེས་བྱ། འཇམ་དཔལ་གྱིས་སྨྲས་པ། ལྷའི་བུ་དགེ་སློང་གང་དགེ་འདུན་དང་ལྷན་ཅིག་མི་གནས་པ་དེ་ནི་དེས་ན་འཇིག་རྟེན་གྱི་སྦྱིན་གནས་སུ་འགྱུར་རོ། །དེ་ཅིའི་ཕྱིར་ཞེ་ན། ལྷའི་བུ་དགེ་འདུན་ནི་
D161.059.0121a04.01འདུས་མ་བྱས་པ་ཡིན་ལ། བྱང་ཆུབ་སེམས་དཔའ་ནི་འདུས་མ་བྱས་དང་ལྷན་ཅིག་མི་གནས་པས་དེའི་ཕྱིར་དེ་ནི་འཇིག་རྟེན་གྱི་སྦྱིན་གནས་སུ་འགྱུར་བ་ཡིན་པའི་ཕྱིར་རོ། །ལྷའི་བུས་སྨྲས་པ། འཇམ་དཔལ་གལ་ཏེ་བྱང་ཆུབ་སེམས་དཔའ་འདུས་མ་བྱས་དང་ལྷན་ཅིག་གནས་པར་གྱུར་ན་ཉེས་པ་ཅིར་འགྱུར།
D161.059.0121a05.01འཇམ་དཔལ་གྱིས་སྨྲས་པ། ལྷའི་བུ་འདུས་མ་བྱས་ཐོབ་ནས་སེམས་ཅན་རྣམས་སྐྱོབ་པར་མི་བྱེད་ཅིང་ཉན་ཐོས་སུ་འགྱུར་བས་དེའི་ཉེས་པ་ནི་དེར་འགྱུར་རོ། །ལྷའི་བུས་སྨྲས་པ། འཇམ་དཔལ་འདུས་བྱས་ནི་སོ་སོ་སྐྱེ་བོའི་ས་ཡིན་ལ། འདུས་མ་བྱས་ནི་འཕགས་པ་རྣམས་ཀྱི་ས་ཡིན་ན། འོ་ན་
D161.059.0121a06.01ཇི་ལྟར་བྱང་ཆུབ་སེམས་དཔའ་འཕགས་པའི་ས་སྤངས་ཤིང་། སོ་སོ་སྐྱེ་བོའི་ས་ལ་གནས་པ་འཇིག་རྟེན་གྱི་སྦྱིན་གནས་སུ་འགྱུར། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་འདུས་བྱས་ལ་ཡང་མི་གནས། འདུས་མ་བྱས་ལ་ཡང་མི་གནས་པས་དེའི་ཕྱིར་དེ་ནི་འཇིག་རྟེན་
D161.059.0121a07.01