完整藏文原文 · 德格版页 当前仅加载第 59 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
བུས་སྨྲས་པ། འཇམ་དཔལ་འཆིང་བས་རྣམ་པར་འཁྲུག་པར་མི་འགྱུར་བ་དག་གང་ཡིན། འཇམ་དཔལ་གྱིས་སྨྲས་པ། ལྷའི་བུ་གང་དག་འདོད་ཆགས་དང་། ཞེ་སྡང་དང་། གཏི་མུག་དང་། ཉོན་མོངས་པ་བསལ་བའི་སྒོ་ནས་ཐར་པ་ཚོལ་བར་མི་བྱེད་པ་དང་། གང་དག་
D161.059.0136b01.01འདོད་ཆགས་དང་། ཞེ་སྡང་དང་། གཏི་མུག་དང་། ཉོན་མོངས་པ་མཉམ་པ་ཉིད་ཀྱི་རྣམ་པར་གྲོལ་བ་མཉམ་པར་འགྱུར་བ་དག་སྟེ། དེ་དག་གིས་ནི་འཆིང་བ་མ་དམིགས་པས་རྣམ་པར་འཁྲུག་པ་ཡང་མི་འགྱུར་བའི་ཕྱིར་རོ། །འཇམ་དཔལ་གཞོན་ནུར་གྱུར་པས་བསྟན་པ་འདི་བཤད་
D161.059.0136b02.01པ་ན་སྲོག་ཆགས་ལྔ་འབུམ་ཙམ་གྱིས་བྱང་ཆུབ་ཏུ་སེམས་བསྐྱེད་ནས་ཚིག་འདི་སྐད་ཅེས་བདག་ཅག་གིས་ཀྱང་ཅི་ལྟར་འཇམ་དཔལ་གཞོན་ནུར་གྱུར་པ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཆོས་འདི་དག་བརྙེས་པ་དེ་བཞིན་དུ་ཐོབ་པར་
D161.059.0136b03.01གྱུར་ཅིག་ཅེས་ཀྱང་སྨྲས་སོ། །ལྷ་དང་མི་རྣམས་ཀྱི་སྐྱེ་དགུ་ལས་སྲོག་ཆགས་འབུམ་ལྷག་ཙམ་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། །གནས་གཙང་མའི་རིས་ཀྱི་ལྷའི་བུ་དྲུག་ཁྲི་ནི་ལེན་པ་མེད་པར་ཟག་པ་རྣམས་ལས་སེམས་རྣམ་
D161.059.0136b04.01པར་གྲོལ་ལོ། །འདོད་པ་ན་སྤྱོད་པའི་ལྷའི་བུ་བརྒྱད་ཁྲི་ཡང་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །སྲོག་ཆགས་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ཉི་ཁྲི་ཡང་ལེན་པ་མེད་པར་ཟག་པ་རྣམས་ལས་སེམས་རྣམ་
D161.059.0136b05.01པར་གྲོལ་ལོ། །བྱང་ཆུབ་སེམས་དཔའ་སྔོན་དགེ་བའི་རྩ་བ་བསྐྱེད་པ་བདུན་ཁྲི་ཉིས་སྟོང་གིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། །ཐམས་ཅད་དང་ལྡན་པའི་འཁོར་རྣམས་ཀྱང་དགའ་བ་དང་། མགུ་བ་དང་། ཡི་རངས་པ་དང་། རབ་ཏུ་དགའ་བ་དང་། དགའ་བ་
D161.059.0136b06.01དང་། ཡིད་བདེ་བ་སྐྱེས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ་ཀུན་ནས་ཡོངས་གྲོལ་བའི། །དམིགས་མེད་ཆོས་ནི་ལེགས་པར་བཤད། །འཇམ་དཔལ་གཞོན་ནུར་གྱུར་པ་ཡིས། །ཤིན་དུ་ལེགས་པར་བཤད་པར་བྱས། །དེ་ནས་བྱང་ཆུབ་སེམས་དཔའ་དེ་དག་དང་།
D161.059.0136b07.01