完整藏文原文 · 德格版页 当前仅加载第 59 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་པ་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་གང་ལ་སྟོན་པ་དང་། རབ་ཏུ་སྟོན་པ་དང་། རྗེས་སུ་སྟོན་པར་བྱེད་པ་དེ་དག་ཐམས་ཅད་མི་གཡོས་པའི་ཆོས་ཅན་དུ་འགྱུར་བ་དང་། བསྟན་པ་ཡོངས་སུ་འཛིན་པར་འགྱུར་བ་དང་།
D161.059.0130a01.01སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སྟོན་པ་དང་། རབ་ཏུ་སྟོན་པ་དང་། སྟོན་པ་གཅིག་པུར་འགྱུར་བ་དང་། སེམས་ཅན་ཐམས་ཅད་ཀྱི་སྐྱབས་དང་། གླིང་དང་། དཔུང་གཉེན་དུ་འགྱུར་བ་དང་། མཚན་མ་ཐམས་ཅད་ཞི་བ་དང་རབ་ཏུ་ཞི་བ་དང་། ཉེ་བར་ཞི་བར་འགྱུར་བ་དང་།
D161.059.0130a02.01ཐེ་ཙོམ་དང་བྲལ་བ་དང་། སེམས་ཅན་ཐམས་ཅད་ཀྱི་ཐེ་ཙོམ་གཅོད་པ་ལ་མཁས་པ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་གིས་ཕྱག་བྱས་པ་དང་། ཡང་དག་པར་སྨྲ་བ་དང་། ཁམས་གསུམ་པས་ཕྱག་བྱས་པ་དང་། སེམས་ནམ་མཁའ་དང་མཉམ་ཞིང་ཁེངས་པ་
D161.059.0130a03.01མེད་པ་དང་། ཡང་དག་པའི་མཐའ་ལེགས་པར་མཐོང་བའི་ཕྱིར་སྨད་པ་དང་། བརྡེག་པ་དང་། དགོད་པ་དང་། བཤུང་བ་དང་། ཁྲོ་བ་དང་། སྐྱོ་བ་དང་། བསྡིགས་པ་ཐམས་ཅད་དང་། རློམ་སེམས་ཐམས་ཅད་ཀྱིས་ཞུམ་པར་མི་འགྱུར་བ་དང་། སེམས་ཅན་གྱི་རང་བཞིན་ལེགས་པར་
D161.059.0130a04.01མཐོང་བའི་ཕྱིར་སེམས་ཅན་ཐམས་ཅད་ལ་ཕན་ཞིང་སྙིང་བརྩེ་བ་དང་། འཇིག་རྟེན་ལ་སྟོན་པར་གྲགས་པར་འགྱུར་བ་དེ་ལྟ་ན་ལྷའི་བུ་བྱང་ཆུབ་སེམས་དཔའ་སྟོན་པ་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་སོ་སོ་སྐྱེ་བོའི་ཆོས་ཅན་ཡིན། འཇམ་
D161.059.0130a05.01དཔལ་གྱིས་སྨྲས་པ། ལྷའི་བུ་གང་གི་ཚེ། བྱང་ཆུབ་སེམས་དཔའ་ཐབས་ཀྱི་སོ་སོ་སྐྱེ་བོའི་སྤྱོད་པ་ཐམས་ཅད་ཀྱང་སྟོན་པར་བྱེད་ལ་ཤེས་པས་སོ་སོ་སྐྱེ་བོའི་སྤྱོད་པ་ཐམས་ཅད་ལ་ཆགས་པར་ཡང་མི་འགྱུར་བ་དེ་ལྟ་ན་ལྷའི་བུ་བྱང་ཆུབ་སེམས་དཔའ་སོ་སོ་སྐྱེ་བོའི་ཆོས་ཅན་ཡིན་ནོ། །ལྷའི་
D161.059.0130a06.01བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་འདོད་ཆགས་ཀྱི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་རྟག་ཏུ་སངས་རྒྱས་ཀྱི་ཆོས་རྣམས་ལ་རྗེས་སུ་ཆགས་པར་འགྱུར་བ་དང་། རྟག་ཏུ་སངས་རྒྱས་ཀྱི་སྐུ་ལ་ཀུན་ཏུ་ཆགས་
D161.059.0130a07.01