完整藏文原文 · 德格版页 当前仅加载第 59 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མི་བྱེད། སྐྱོད་པར་མི་བྱེད་ཅིང་། ཆོས་ཀྱི་རང་བཞིན་གྱིས་འགོག་པ་ལ་སྙོམས་པར་འཇུག་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་གཏི་མུག་གི་ཆོས་ཅན་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་འཁོར་བའི་ཆོས་ཅན་
D161.059.0131a01.01ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་འཁོར་བ་ལས་ཀྱང་མི་གཡོ་ལ་དེ་ཉིད་ལས་ཀྱང་སངས་རྒྱས་ཀྱི་ཆོས་རྣམས་ཚོལ་བར་ཡང་བྱེད་པ་དང་། བདུད་ཐམས་ཅད་དང་ཐུན་མོང་མ་ཡིན་ཞིང་སྤྱོད་པ་དམན་པ་རྣམས་དང་། མ་འདྲེས་པ་དང་།
D161.059.0131a02.01སེམས་ཅན་རྣམས་སྤྱོད་པ་དམན་པ་ལས་ཕྲལ་ཞིང་སྤྱོད་པ་རྒྱ་ཆེན་པོ་ལ་འགོད་པར་བྱེད་པ་དང་། དོན་འཐུན་པར་བྱེད་པ་དང་། མི་དགེ་བ་ཐམས་ཅད་ལ་མི་བསྔགས་པ་རྗོད་པར་བྱེད་ཅིང་འདུན་པ་བཟློག་པ་དང་། ཕྱིར་ཟློག་པར་བྱེད་པ་དང་། བྱང་ཆུབ་འཁོར་བ་ལ་གཞོལ་བར་ཤེས་པར་
D161.059.0131a03.01བྱེད་པ་དང་། འཁོར་བ་མཉམ་པ་ཉིད་ཀྱིས་སངས་རྒྱས་མཉམ་པ་ཉིད་དུ་ལྟ་བར་བྱེད་པ་དང་། འཁོར་བ་ལས་མི་གཡོ་ཞིང་གནས་པ་ཡང་མི་བྱེད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་འཁོར་བའི་ཆོས་ཅན་ཡིན་ནོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་
D161.059.0131a04.01ཡོངས་སུ་མྱ་ངན་ལས་འདས་པའི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སེམས་ཅན་ཐམས་ཅད་རང་བཞིན་གྱིས་ཡོངས་སུ་མྱ་ངན་ལས་འདས་པར་ལྟ་བར་བྱེད་པ་དང་། ཆོས་ཐམས་ཅད་རང་བཞིན་གྱིས་ཉེ་བར་ཞི་བར་ཤེས་པར་བྱེད་པ་
D161.059.0131a05.01དང་། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བ་དང་ཉེ་བར་ཞི་བར་བྱ་བའི་ཕྱིར་ཆོས་སྟོན་པར་བྱེད་པ་དང་། སེམས་ཅན་དཔག་ཏུ་མེད་པ་མེ་གསུམ་གྱིས་འབར་བར་གྱུར་པ་རྣམས་ཉེ་བར་ཞི་བར་བྱེད་ཅིང་ཡོངས་སུ་མྱ་ངན་ལས་འདའ་བར་བྱེད་པ་དང་། ཡོངས་སུ་མྱ་ངན་ལས་
D161.059.0131a06.01འདས་པ་ལ་ཡང་སྤྱོད་པར་བྱེད་ལ། གཏན་དུ་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན་ལས་འདའ་བར་ཡང་མི་བྱེད་པ་དེ་ལྟ་ན་ལྷའི་བུ་བྱང་ཆུབ་སེམས་དཔའ་ཡོངས་སུ་མྱ་ངན་ལས་འདའ་བའི་ཆོས་ཅན་ཡིན་ཏེ། ཐབས་ལ་མཁས་པ་དང་། ཐབས་ཤེས་པ་ལ་ངེས་པར་སྐྱེས་པ་དང་།
D161.059.0131a07.01