完整藏文原文 · 德格版页 当前仅加载第 59 函德格 117b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྙིང་རྗེ་ཆེན་པོ་བསྐྱེད་དེ། ཕྱི་མའི་མཐའི་མུར་ཐུག་པའི་བར་དུ་སྤྱོད་པར་བྱེད་ཅིང་། བསམ་གཏན་ལ་གནས་པ་ལས་གཡོ་བར་མི་འགྱུར་ན། དེ་ཙམ་གྱིས་ན་བྱང་ཆུབ་སེམས་དཔའ་བསམ་གཏན་པ་ཡིན་ནོ། །ཉེ་བར་འཁོར་གྱིས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་
D161.059.0117b01.01འདུལ་བ་འཛིན་པ་ཡིན། འཇམ་དཔལ་གྱིས་སྨྲས་པ། བཙུན་པ་ཉེ་བར་འཁོར་གང་གི་ཚེ་བྱང་ཆུབ་སེམས་དཔའ་ཆོས་རྣམས་གཏན་དུལ་བ་ཉིད་དུ་ཡང་ཤེས་པར་བྱེད་ཅིང་ལྟུང་བ་དང་ཉོན་མོངས་པ་དང་བྲལ་ལ། ལྟུང་བ་དང་ཉོན་མོངས་པ་གདུལ་བའི་ཕྱིར་ཆོས་སྟོན་པར་ཡང་བྱེད་ཅིང་།
D161.059.0117b02.01དེ་ལྟར་ཉོན་མོངས་པ་རྣམས་རྟོགས་པར་ཡང་བྱེད་ལ་བྱང་ཆུབ་ཀྱང་ཚོལ་བར་བྱེད་ན་དེ་ཙམ་གྱིས་ན་བྱང་ཆུབ་སེམས་དཔའ་འདུལ་བ་འཛིན་པ་ཡིན་ནོ། །མ་འགགས་པས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་ལྷའི་མིག་དང་ལྡན་པ་ཡིན། འཇམ་དཔལ་གྱིས་སྨྲས་པ།
D161.059.0117b03.01བཙུན་པ་མ་འགགས་པ་གང་གི་ཚེ་བྱང་ཆུབ་སེམས་དཔའ་ཕྱོགས་བཅུའི་གཟུགས་སྣང་བ་ཐམས་ཅད་ཀྱང་མཐོང་བར་བྱེད་ལ། གཟུགས་དབེན་པར་མཐོང་བས་ཆོས་ཐམས་ཅད་དབེན་པར་མཐོང་བ་རྗེས་སུ་རྟོགས་པར་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་ལྷའི་མིག་དང་ལྡན་པ་
D161.059.0117b04.01ཡིན་ནོ། །བ་ཀུ་ལས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དབང་པོ་བསྲུང་བ་ཡིན། འཇམ་དཔལ་གྱིས་སྨྲས་པ། གང་གི་ཚེ་བྱང་ཆུབ་སེམས་དཔའ་ཡུལ་ཐམས་ཅད་སངས་རྒྱས་ཀྱི་ཡུལ་ཡིན་པར་ལྟ་ཞིང་། སངས་རྒྱས་ཀྱི་ཡུལ་ཡང་ཡུལ་མེད་པར་ལྟ་ན་དེ་ཙམ་གྱིས་
D161.059.0117b05.01ན་བྱང་ཆུབ་སེམས་དཔའ་དབང་པོ་བསྲུང་བ་ཡིན་ནོ། །སོར་མོའི་ཕྲེང་བས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དབང་པོ་རྣོ་བ་ཡིན། འཇམ་དཔལ་གྱིས་སྨྲས་པ། གང་གི་ཚེ་བྱང་ཆུབ་སེམས་དཔའ་བྱང་ཆུབ་རང་བཞིན་གྱིས་མ་སྐྱེས་པའི་ཕྱིར། མཚམས་མེད་པ་དང་
D161.059.0117b06.01མཉམ་པར་ལྟ་བར་བྱེད་ན་དེ་ཙམ་གྱིས་ན་བྱང་ཆུབ་སེམས་དཔའ་དབང་པོ་རྣོ་བ་ཡིན་ནོ། །ཀཱ་ཏྱཱའི་བུ་ཆེན་པོས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་མདོ་སྡེ་རྣམ་པར་འབྱེད་པ་ལ་མཁས་པ་ཡིན། འཇམ་དཔལ་གྱིས་སྨྲས་པ། བཙུན་པ་ཀཱ་ཏྱཱའི་བུ་ཆེན་པོ་གང་གི་ཚེ་
D161.059.0117b07.01