完整藏文原文 · 德格版页 当前仅加载第 59 函德格 126a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའི་སྤྱོད་པ་དེ་ནི་ཉན་ཐོས་དང་རང་སངས་རྒྱས་ཐམས་ཅད་ལས་ཡང་དག་པར་འདས་པ་ཡིན་ནོ། །འཇམ་དཔལ་གྱིས་སྨྲས་པ། ལྷའི་བུ་དེ་དེ་བཞིན་ཏེ། ལྷའི་བུ་ཁོ་བོ་ནི་བྱང་ཆུབ་སེམས་དཔའ་གང་དད་པས་
D161.059.0126a01.01རྗེས་སུ་འབྲང་བ་མ་ཡིན་པ་དང་། ཆོས་ཀྱི་རྗེས་སུ་འབྲང་བ་མ་ཡིན་པ་དང་། གང་བརྒྱད་པ་མ་ཡིན་པ་དང་། རྒྱུན་དུ་ཞུགས་པ་མ་ཡིན་པ་དང་། ལན་ཅིག་ཕྱིར་འོང་བ་མ་ཡིན་པ་དང་། ཕྱིར་མི་འོང་བ་མ་ཡིན་པ་དང་། དགྲ་བཅོམ་པ་མ་ཡིན་པ་དང་། གང་ཉན་ཐོས་མ་ཡིན་པ་དང་། རང་སངས་
D161.059.0126a02.01རྒྱས་མ་ཡིན་པ་དང་། གང་སངས་རྒྱས་བཅོམ་ལྡན་འདས་མ་ཡིན་པ་དང་། དེ་བཞིན་གཤེགས་པ་མ་ཡིན་པ་དང་། ཡང་དག་པར་རྫོགས་པའི་སངས་རྒྱས་མ་ཡིན་པ་དང་། སྟོན་པ་མ་ཡིན་པ་དེ་ནི་བྱང་ཆུབ་སེམས་དཔའ་ཡིན་པར་མི་སྨྲའོ། །ལྷའི་བུ་ཁོ་བོ་ནི་བྱང་ཆུབ་སེམས་དཔའ་
D161.059.0126a03.01གང་སོ་སོ་སྐྱེ་བོའི་ཆོས་ཅན་མ་ཡིན་པ་དང་། འདོད་ཆགས་ཀྱི་ཆོས་ཅན་མ་ཡིན་པ་དང་། ཞེ་སྡང་གི་ཆོས་ཅན་མ་ཡིན་པ་དང་། གཏི་མུག་གི་ཆོས་ཅན་མ་ཡིན་པ་དང་། གང་འཁོར་བའི་ཆོས་ཅན་མ་ཡིན་པ་དང་། ཡོངས་སུ་མྱ་ངན་ལས་འདའ་བའི་ཆོས་ཅན་མ་ཡིན་པ་དེ་ནི་བྱང་ཆུབ་
D161.059.0126a04.01སེམས་དཔའ་ཡིན་པར་མི་སྨྲའོ། །ལྷའི་བུས་སྨྲས་པ། འཇམ་དཔལ་ཇི་ལས་བསམས་ཏེ་དེ་སྐད་སྨྲ། འཇམ་དཔལ་ཇི་ལྟར་ན་བྱང་ཆུབ་སེམས་དཔའ་དད་པས་རྗེས་སུ་འབྲང་བ་དང་། ཆོས་ཀྱི་རྗེས་སུ་འབྲང་བ་དང་། བརྒྱད་པ་དང་། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་
D161.059.0126a05.01དང་། ཕྱིར་མི་འོང་བ་དང་། དགྲ་བཅོམ་པ་དང་། ཉན་ཐོས་དང་། རང་སངས་རྒྱས་དང་། སངས་རྒྱས་བཅོམ་ལྡན་འདས་དང་། དེ་བཞིན་གཤེགས་པ་དང་། ཡང་དག་པར་རྫོགས་པའི་སངས་རྒྱས་དང་། སྟོན་པ་དང་། སོ་སོ་སྐྱེ་བོའི་ཆོས་ཅན་དང་། འདོད་ཆགས་ཀྱི་ཆོས་ཅན་དང་།
D161.059.0126a06.01ཞེ་སྡང་གི་ཆོས་ཅན་དང་། གཏི་མུག་གི་ཆོས་ཅན་དང་། འཁོར་བའི་ཆོས་ཅན་དང་། ཡོངས་སུ་མྱ་ངན་ལས་འདའ་བའི་ཆོས་ཅན་ཡིན། འཇམ་དཔལ་གྱིས་སྨྲས་པ། ལྷའི་བུ་གང་གི་ཚེ་བྱང་ཆུབ་སེམས་དཔའ་སངས་རྒྱས་ཀྱི་ཆོས་ཐམས་ཅད་ལ་དད་པར་བྱེད་པ་དང་། ཆགས་པ་ཐམས་ཅད་
D161.059.0126a07.01