完整藏文原文 · 德格版页 当前仅加载第 59 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྦྱིན་གནས་སུ་འགྱུར་རོ། །དེ་ཅིའི་ཕྱིར་ཞེ་ན། ལྷའི་བུ་བྱང་ཆུབ་སེམས་དཔའ་ནི་འདུ་བྱེད་ལས་ཡིད་བསྐྱོད་པ་དང་། འདུས་མ་བྱས་ལ་མི་གནས་པ་ཡིན་པས་འདུས་བྱས་ཀྱི་སྐྱོན་དང་བྲལ་བ་དང་། འདུས་མ་བྱས་ཤེས་པ་རྟོགས་པ་ཡིན་ཏེ། དེ་འདུས་བྱས་ཀྱི་སྐྱོན་དང་བྲལ་བས་ནི་འདུས་བྱས་
D161.059.0121b01.01ལ་མི་གནས་ལ། འདུས་མ་བྱས་ཤེས་པ་རྟོགས་པས་ནི་འདུས་མ་བྱས་སུ་མི་ལྟུང་བའི་ཕྱིར་རོ། །ལྷའི་བུ་འདི་ལྟ་སྟེ་དཔེར་ན། ཚན་པོ་ཆེ་ཆེན་པོས་སྟེང་གི་བར་སྣང་ལ་མདའ་འཕངས་པར་གྱུར་ལ། དེ་ནས་མདའ་དེ་ནམ་མཁའ་ལ་མི་གནས་པར་འདུག་ཅིང་ས་ལ་ཡང་མི་ལྟུང་ན། ལྷའི་བུ་དེ་ལ་དཀའ་བ་ཅུང་
D161.059.0121b02.01ཟད་ཡོད་དམ། ལྷའི་བུས་སྨྲས་པ། འཇམ་དཔལ་དཀའོ། །འཇམ་དཔལ་གྱིས་སྨྲས་པ། ལྷའི་བུ་དེ་བས་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་འདུས་བྱས་ཀྱང་མི་སྤོང་ཞིང་། འདུས་མ་བྱས་ཀྱང་ཐོབ་པར་བྱེད་ལ། འདུས་མ་བྱས་སུ་ཡང་མི་ལྟུང་ཞིང་། འདུས་བྱས་
D161.059.0121b03.01ཐོབ་པ་རྣམས་ཀྱང་ཡོངས་སུ་སྨིན་པར་བྱེད་པ་ནི་ཆེས་དཀའ་བ་ཡིན་ནོ། །ལྷའི་བུས་སྨྲས་པ། འཇམ་དཔལ་བྱང་ཆུབ་སེམས་དཔའི་འཇིག་པ་འདུས་བྱས་སམ། འོན་ཏེ་འདུས་མ་བྱས་སམ། གང་ལས་འབྱུང་བར་འགྱུར། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའི་འཇིག་པ་ནི་འདུས་
D161.059.0121b04.01བྱས་ལས་ཀྱང་འབྱུང་བར་འགྱུར། འདུས་མ་བྱས་ལས་ཀྱང་འབྱུང་བར་འགྱུར་རོ། །དེ་ཅིའི་ཕྱིར་ཞེ་ན། ལྷའི་བུ་འདུས་བྱས་ལས་ནི་ཉོན་མོངས་པའི་འཇིག་པ་འབྱུང་ལ། འདུས་མ་བྱས་ལས་ནི་ཉོན་མོངས་པ་མེད་པའི་འཇིག་པ་འབྱུང་བའི་ཕྱིར་རོ། །ལྷའི་བུས་སྨྲས་པ། འཇམ་དཔལ་ཉོན་
D161.059.0121b05.01མོངས་པ་མེད་པས་འཇིག་པ་ཅི་ཡོད། འཇམ་དཔལ་གྱིས་སྨྲས་པ། ལྷའི་བུ་ཁམས་གསུམ་ན་ནི་ཉོན་མོངས་པའི་འཇིག་པ་ཡོད་ལ། བྱང་ཆུབ་སེམས་དཔའ་གང་ཁམས་གསུམ་དུ་ཉོན་མོངས་པར་མི་བྱེད་ན། དེ་ནི་ཉན་ཐོས་སུ་འགྱུར་རོ། །ལྷའི་བུས་སྨྲས་པ། འཇམ་དཔལ་ཇི་ལྟར་ན་བྱང་ཆུབ་
D161.059.0121b06.01སེམས་དཔའ་འཇིག་པ་མེད་པ་ཡིན། འཇམ་དཔལ་གྱིས་སྨྲས་པ། ལྷའི་བུ་བྱང་ཆུབ་སེམས་དཔའ་གང་ཤེས་རབ་ཀྱི་ཤེས་པས་འདུས་བྱས་ལ་སྤྱོད་པར་བྱེད་ཅིང་། ཐབས་ཀྱི་ཤེས་པས་འདུས་མ་བྱས་སུ་མི་ལྟུང་བ་དེ་ལྟ་ན། ལྷའི་བུ་བྱང་ཆུབ་སེམས་དཔའ་འཇིག་པ་མེད་པ་ཡིན་ནོ། །ལྷའི་
D161.059.0121b07.01