完整藏文原文 · 德格版页 当前仅加载第 59 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་མི་ཁོམ་པ་ཐོབ་པ་ཡིན་ནམ། འོན་ཏེ་ཁོམ་པ་ཐོབ་པ་ཡིན། འཇམ་དཔལ་གྱིས་སྨྲས་པ། ལྷའི་བུ་ཁོ་བོ་ནི་ཁོམ་པ་ཐོབ་པ་ཡང་མ་ཡིན། མི་ཁོམ་པ་ཐོབ་པ་ཡང་མ་ཡིན་ནོ། །ལྷའི་བུས་སྨྲས་པ། འཇམ་དཔལ་ཅིའི་ཕྱིར། འཇམ་དཔལ་གྱིས་སྨྲས་
D161.059.0136a01.01པ། ལྷའི་བུ་ཁོ་བོ་ནི་ཐོབ་ཡང་མ་ཡིན། ཡང་དག་པར་ཐོབ་པ་ཡང་མ་ཡིན། ཁོམ་པ་ཡང་མ་ཡིན། མི་ཁོམ་པ་ཡང་མ་ཡིན་ལ། ཁོམ་པ་དང་མི་ཁོམ་པ་ལ་ཆགས་པར་ཡང་མི་བྱེད་པའི་ཕྱིར་རོ། །ལྷའི་བུས་སྨྲས་པ། འཇམ་དཔལ་ཆོས་ཀྱི་རྣམ་གྲངས་འདིས་ནི་བདུད་
D161.059.0136a02.01ཀྱི་དཀྱིལ་འཁོར་ཐམས་ཅད་ཚར་གཅོད་དོ། །འཇམ་དཔལ་གྱིས་སྨྲས་པ། ལྷའི་བུ་འདི་ལྟར་ཆོས་ཀྱི་རྣམ་གྲངས་འདི་ལ་ནི་ཕུང་པོ་ཡོངས་སུ་ཤེས་པ་ཡང་མེད། ཉོན་མོངས་པ་སེལ་བ་ཡང་མེད། བདུད་ལས་ཡང་དག་པར་འདས་པ་ཡང་མེད་པའི་ཕྱིར་རོ། །ལྷའི་བུས་སྨྲས་པ།
D161.059.0136a03.01འཇམ་དཔལ་ཉེ་བར་སྦྱར་བས་གཞན་མུ་སྟེགས་ཅན་རྣམས་ཕམ་པར་བྱས་སོ། །འཇམ་དཔལ་གྱིས་སྨྲས་པ། ལྷའི་བུ་འདི་ལྟར་འདི་ལ་མུ་སྟེགས་ཅན་ཐམས་ཅད་ཀྱི་སྤྱོད་པ་མེད་པའི་ཕྱིར་རོ། །ལྷའི་བུས་སྨྲས་པ། འཇམ་དཔལ་ཆོས་ཀྱི་ཏོག་བཙུགས་སོ། །འཇམ་དཔལ་
D161.059.0136a04.01གྱིས་སྨྲས་པ། ལྷའི་བུ་སྣང་བ་མེད་པ་དང་མུན་པ་མེད་པའི་ཕྱིར་རོ། །ལྷའི་བུས་སྨྲས་པ། འཇམ་དཔལ་འདིས་ནི་ཆོས་ཀྱི་འཁོར་ལོ་རབ་ཏུ་བསྐོར་ཏོ། །འཇམ་དཔལ་གྱིས་སྨྲས་པ། ལྷའི་བུ་ལྟ་བའི་མཐའ་ཐམས་ཅད་ཡོངས་སུ་གཅད་པའི་ཕྱིར་རོ། །ལྷའི་བུས་སྨྲས་པ། འཇམ་
D161.059.0136a05.01དཔལ་ཆོས་བསྟན་པ་འདིས་ཆོས་ཀྱི་སྣང་བ་ཇི་སྙེད་ཅིག་བྱས། འཇམ་དཔལ་གྱིས་སྨྲས་པ། ལྷའི་བུ་གང་དག་ལ་སྣང་བ་ཡང་མེད་ལ་མུན་པ་ཡང་མེད་པ་དེ་དག་ཆོས་ཀྱི་སྣང་བར་བྱས་སོ། །ལྷའི་བུས་སྨྲས་པ། འཇམ་དཔལ་སེམས་ཅན་གང་དག་ཆོས་ཀྱི་རྣམ་གྲངས་འདི་ཐོས་ནས་
D161.059.0136a06.01མོས་པར་འགྱུར་བ་དེ་དག་ནི་དཀོན་ནོ། །འཇམ་དཔལ་གྱིས་སྨྲས་པ། ལྷའི་བུས་སྨྲས་པ། འཇམ་དཔལ་འདི་ལ་སུ་དག་མོས་པར་འགྱུར། འཇམ་དཔལ་གྱིས་སྨྲས་པ། ལྷའི་བུ་གང་དག་འཆིང་བས་རྣམ་པར་འཁྲུག་པར་མི་འགྱུར་བ་རྣམས་སོ། །ལྷའི་
D161.059.0136a07.01