完整藏文原文 · 德格版页 当前仅加载第 78 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
མྱོས་བྱེད་གཏོར་མ་ཅི། །བདུད་རྩི་ལྔ་སོགས་ཇི་ལྟར་ལྷ། །ལྕགས་ཀྱུ་ལྔ་སོགས་ཇི་ལྟར་འགྱུར། །དཀྱིལ་འཁོར་བྲི་བ་བཤད་དུ་གསོལ། །ཐིག་གདབ་པ་ནི་ཇི་ལྟར་འགྱུར། །ཇི་ལྟར་ས་ནི་ཡོངས་སུ་སྦྱང་། །སྲུང་བའི་འཁོར་ལོ་ཇི་ལྟར་འགྱུར། །སློབ་དཔོན་གྱི་ནི་བྱ་བ་གང་། །ཇི་
D373.078.0265b01.01ལྟར་སློབ་མ་ཡོངས་སུ་གཟུང་། །དབང་བསྐུར་བ་ཡི་གྲངས་ནི་དུ། །བཞི་པ་ཡང་ནི་ཇི་ལྟར་འགྱུར། །དུས་ཀྱི་ངེས་པ་ཇི་ལྟ་བུ། །དེ་བཞིན་འཆི་བ་བླུ་བ་གང་། །དུས་བཞིའི་མིང་ནི་དུ་ཞིག་མཆིས། །གླིང་བཞི་པ་ནི་ཇི་ལྟར་ལགས། །དུས་དང་དུས་མིན་དངོས་གྲུབ་ཅི། །སྤྱོད་པ་ཇི་ལྟར་སྤྱད་
D373.078.0265b02.01པར་བགྱི། །རྣལ་འབྱོར་མ་ཡི་རྒྱུད་ནི་དུ། །རྣལ་འབྱོར་རྒྱུད་ནི་ཇི་ལྟར་འགྱུར། །མདོ་སྡེའི་གྲངས་ནི་ཇི་ལྟ་བུ། །དེ་བཞིན་ཕ་རོལ་ཕྱིན་པ་དུ། །རབ་གནས་སྦྱིན་སྲེག་མཆོད་སྦྱིན་དང་། །སྔགས་ཀྱི་དངོས་གྲུབ་ཇི་ལྟར་འགྱུར། །བཅུད་ཀྱིས་ལེན་ནི་ཇི་ལྟར་ལྷ། །མྱོས་བྱེད་བཏུང་བ་ཇི་ལྟར་
D373.078.0265b03.01འགྱུར། །གསང་སྔགས་ཇི་ལྟར་འབྱུང་འགྱུར་ལྷ། །སྔགས་བཏུ་བ་ནི་ཇི་ལྟར་འགྱུར། །ཚར་གཅད་པ་ནི་ཅི་ཞིག་ལྷ། །གཙོ་བོ་རྗེས་གཟུང་ཇི་ལྟ་བུ། །བཅོམ་ལྡན་དེ་ཉིད་རྣམས་ནི་ཅི། །སྟོང་པ་ཉིད་དང་སྙིང་རྗེ་གང་། །སྟོང་པ་ཉིད་ཀྱི་རང་བཞིན་ཅི། །ཇི་ལྟར་དེ་བཞིན་ཉིད་རང་བཞིན། །
D373.078.0265b04.01ཆོས་རྣམས་ཐམས་ཅད་ཡོངས་ཤེས་པའི། །སྒོམ་པའི་མཚན་ཉིད་གཙོ་བོས་གསུངས། །དཔལ་བདེ་མཆོག་འབྱུང་བའི་རྒྱུད་ལས་ཞུས་པའི་ལེའུ་སྟེ་དང་པོའོ།། །།བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་གསང་བ་འབྱུང་བ་འདི་ཞུས་པ་ལེགས་སོ་ལེགས་
D373.078.0265b05.01སོ། །དེ་ནས་དེའི་ཕྱིར་སྐྱེད་པ་ཡི། །རིམ་པའི་སྒོམ་པ་ཡང་དག་བཤད། །སྣ་ཚོགས་ལས་ཀྱི་རང་བཞིན་གྱིས། །སྐྱེ་གནས་བཞི་པོ་རྣམས་སུ་འགྱུར། །སྒོང་སྐྱེས་མངལ་ནས་སྐྱེས་པ་དང་། །དྲོད་གཤེར་དང་ནི་རྫུས་སྐྱེས་རྣམས། །ངང་པ་ཁྲུང་ཁྲུང་རྨ་བྱ་དང་། །ནེ་ཙོ་བཞད་སོགས་
D373.078.0265b06.01སྒོང་སྐྱེས་ཏེ། །གླང་པོ་མ་ཧེ་བ་ལང་རྟ། །བོང་བུ་མི་སོགས་མངལ་ནས་སྐྱེས། །སྲིན་བུ་འབུ་དང་ཕྱེ་མ་ལེབ། །ཉ་ལ་སོགས་པ་དྲོད་གཤེར་སྐྱེས། །ལྷ་དང་དམྱལ་བའི་སེམས་ཅན་རྣམས། །དེ་བཞིན་བར་དོའི་སྲིད་པ་དང་། །བསྐལ་པ་དང་པོ་པ་ལ་སོགས། །འདི་རྣམས་རྫུས་
D373.078.0265b07.01