完整藏文原文 · 德格版页 当前仅加载第 78 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་མ་རྟག་གཡོན་ལ་སྤྱོད། །རྐང་པ་གཡོན་པ་སྔོན་དུ་འདོར། །ལག་པ་གཡོན་གྱིས་མཆོད་པར་བྱ། །གཡོན་པ་ཡིས་ནི་ཚིམ་དང་ཟ། །རིགས་ལྔ་ལ་ནི་ཀུན་སྤྱོད་པ། །རིགས་གཅིག་ཏུ་ནི་རྣམ་པར་བརྟག །ཀུན་རྟོག་ཀུན་ལས་རྣམ་གྲོལ་ཞིང་། །
D373.078.0302b01.01གཉིས་པ་ཐམས་ཅད་རྣམ་པར་སྤངས། །བླ་མ་སངས་རྒྱས་བླ་མ་ཆོས། །བླ་མ་དགེ་འདུན་དེ་བཞིན་ཏེ། །སངས་རྒྱས་ཀུན་དང་མཉམ་སྦྱོར་བའི། །མཁའ་འགྲོ་མ་ཡི་དྲ་བ་སྡོམ། །དེའི་ཕྱིར་སངས་རྒྱས་གོ་འཕང་ནི། །འདོད་པས་བླ་མ་མཉེས་པར་བྱ། །
D373.078.0302b02.01འདི་ནི་སྔགས་བཏུ་བའི་ཆོ་ག་རིམ་པར་ཕྱེ་བ་སྟེ་ཉི་ཤུ་རྩ་བདུན་པའོ།། །།དེ་ནས་དེ་ཕྱིར་སྦྱིན་སྲེག་གི། །ལས་ཀྱི་ཁྱད་པར་རབ་བཤད་བྱ། །སྒྲུབ་པོས་རྒྱལ་སྲིད་ཆེད་དུ་ནི། །སྔགས་ནི་སྟོང་ཕྲག་བཅུ་རུ་བཟླས། །སྔར་བཤད་པ་ཡི་
D373.078.0302b03.01ཆོ་ག་ཡིས། །སྦྱིན་སྲེག་ལས་ནི་བརྩམ་པར་བྱ། །བསྒྲུབ་བྱའི་མིང་དང་རྣམ་སྤེལ་ཏེ། །ཤ་ཆེན་འོ་མར་སྦྱར་བ་ཡིས། །རྣམ་རྟོག་མེད་པས་སྦྱིན་སྲེག་བྱས། །ཡོངས་རྫོགས་རྒྱལ་པོ་ཉིད་དུ་འགྱུར། །བ་ལང་མི་དང་ཅེ་སྤྱང་ཤ། །ཆང་དང་འོ་མར་མཉམ་བསྲེས་
D373.078.0302b04.01པས། །སྲེག་བླུགས་མཆོག་ནི་སྦྱིན་བྱས་ཏེ། །རྟག་ཏུ་འབུམ་གཅིག་སྦྱིན་སྲེག་བྱས། །གྲོང་ཁྱེར་མཆོག་ནི་འཐོབ་འགྱུར་ཏེ། །དཔལ་ལྡན་རྒྱལ་པོ་ཆེན་པོར་འགྱུར། །ཚེར་མའི་མེ་ནི་རབ་སྦར་ལ། །དུག་ཁྲག་འབྲུ་མར་ཚ་བ་དང་། །དེ་བཞིན་སྐྲ་དང་ཕུབ་མར་
D373.078.0302b05.01ལྡན། །མི་ཡི་རུས་པས་སྦྱིན་སྲེག་བྱ། །སྐྲ་གྲོལ་ཁྲོས་པའི་དབང་གྱུར་པས། །ལྷོ་ཕྱོགས་ཁ་བལྟས་གཅེར་བུ་འམ། །སྔགས་པ་གོས་ནི་ནག་པོ་གྱོན། །དྲག་པོའི་ལས་ལ་ཉིན་ཕྱེད་དམ། །མཚན་ཕྱེད་ན་སྟེ་གདོལ་པའི་མེར། །བསྒྲུབ་བྱའི་མིང་དང་སྦྱར་བའི་
D373.078.0302b06.01སྔགས། །ང་རོ་དྲག་པོས་བརྗོད་བྱ་ཞིང་། །རྩེ་གཅིག་སེམས་ཀྱིས་སྦྱིན་སྲེག་བྱས། །དཔུང་བཅས་སྟོབས་ཀྱང་བརླག་འགྱུར་ན། །གཞན་རྣམས་ལ་ནི་སྨོས་ཅི་དགོས། །དེ་ནས་སྟོབས་ཀྱིས་དྲེགས་པ་ཡི། །དགྲ་བོ་བསྐྲད་པ་ཤེས་པར་བྱ། །རླུང་གི་
D373.078.0302b07.01