完整藏文原文 · 德格版页 当前仅加载第 78 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷོ་ཕྱོགས་འགྲོ་བར་ནི། །གང་གིས་རྨི་ལམ་མཐར་མཐོང་ན། །བུད་མེད་གང་ཞིག་གོས་གནག་ཅིང་། །མདོག་གནག་མི་ནི་འདོད་སྤྱོད་པ། །དེ་ནི་དུས་མཚན་ཡིན་ཞེས་བྱ། །གཤིན་རྗེའི་ལྟོ་བར་འགྲོ་བར་འགྱུར། །བྱ་རྒོད་ཅེ་སྤྱང་ཁྱི་དང་ཁྭ། །དྲེད་
D373.078.0289a01.01དང་{ཡི་དགས་,ཡི་དྭགས་}ཤ་ཟ་ཡིས། །ཟ་བར་རྨི་ལམ་མཐོང་ན་ནི། །ལོ་གཅིག་ན་ནི་ངེས་པར་འཆི། །གོས་ནི་དམར་པོས་གཡོགས་པ་དང་། །ཕྲེང་བ་དམར་པོས་བརྒྱན་པ་དང་། །ཏིལ་མར་གྱིས་བསྐུས་རྨི་ལམ་མཐོང་། །ཟླ་བ་དྲུག་ན་གསོན་མི་འགྱུར། །མན་ངག་ཇི་བཞིན་
D373.078.0289a02.01ལྡན་པ་ཡིས། །འཆི་བ་བླུ་བར་འགྱུར་བ་སྟེ། །དེ་ཉིད་ཀྱིས་ནི་འཆི་ལས་རྒྱལ། །ཆོས་ཀྱིས་འཆི་ལས་རྒྱལ་བ་སྟེ། །རྫོགས་པའི་བྱང་ཆུབ་རིམ་སྒྲུབ་པས། །དེ་བས་ཆོས་ནི་མཆོག་ཏུ་བསམ། །གཞན་ཡང་བསྒོམ་པའི་ཁྱད་པར་ནི། །མཛེས་པས་ཡང་དག་བཤད་
D373.078.0289a03.01པར་བྱ། །དབུགས་ནི་སྐད་ཅིག་འཆད་པ་དང་། །སྣ་ཚོགས་ལྟས་ནི་ཡང་དག་མཐོང་། །འཐོར་དང་དགང་བའི་སྦྱོར་བ་ཡིས། །ལུས་ཀྱི་དཀྱིལ་འཁོར་སྦྱང་བར་བྱ། །འཆི་བའི་དུས་ལ་ཡང་དག་བབ། །འཕོ་བའི་རྣལ་འབྱོར་མཆོག་བྱ་སྟེ། །བུ་ག་དགུར་ནི་སོན་པའི་རྩ། །
D373.078.0289a04.01པཱུ་རི་ཀས་ནི་དགང་བར་བྱ། །རེ་ཙ་ཀས་ནི་དབུགས་མནན་བྱ། །ཀུམ་པ་ཀས་ནི་བསྡམ་བྱས་ཏེ། །བུ་གའི་སྒོ་ནི་སྦྱང་བར་བྱ། །རབ་ཏུ་ཞི་བས་ཞི་བར་འགྱུར། །རྣམ་ཤེས་དབྲོག་པའི་སྦྱོར་བ་དང་། །གཞན་ཡང་ཕ་རོལ་བགྲོད་པ་ལ། །ཨཱ་ལི་ཀཱ་ལི་མཉམ་ལྡན་པར། །མཁས་
D373.078.0289a05.01པ་ཡིས་ནི་སྦྱར་བར་བྱ། །སྙིང་ཁར་ཡི་གེ་ཧཱུྃ་སྦྱར་ཏེ། །ཡི་གེ་ཕྱེད་དང་གཉིས་པོ་ནི། །འོག་དང་སྟེང་དུ་གཞག་པར་བྱ། །དེ་ཡི་འོག་གི་ཆར་རླུང་གི། །ས་བོན་འོག་ཏུ་བལྟས་པའོ། །རླུང་གི་ས་བོན་གཉིས་བྱས་ཏེ། །རྣལ་འབྱོར་ལྡན་པས་ཁ་སྦྱར་བྱ། །ཉི་ཤུ་རྩ་གཅིག་རིམ་པ་
D373.078.0289a06.01ཡིས། །ཡི་གེ་ཕྱེད་དང་གཉིས་སྔགས་བརྗོད། །རྣམ་ཤེས་བཞོན་པ་རླུང་ཡིན་ཏེ། །གང་དང་གང་དུ་བགྲོད་པ་ཡི། །རླུང་གི་སྒོར་ནི་བསམ་བྱས་ན། །གྲོལ་བའི་དངོས་གྲུབ་སྟེར་བྱེད་པའོ། །མཆོག་དང་ཐ་མའི་དབྱེ་བ་ནི། །བཤད་ཀྱིས་གསང་བའི་བདག་པོ་ཉོན། །ལྟེ་བས་འདོད་
D373.078.0289a07.01