完整藏文原文 · 德格版页 当前仅加载第 78 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
གི་ནི་དགེ་བ་བསམ། །རྣལ་འབྱོར་རྣལ་འབྱོར་མ་འདུས་པས། །སྐད་ཅིག་ཤིས་པ་བརྗོད་པ་སྦྱིན། །བདེ་བ་ཕུན་ཚོགས་ལྡན་པ་དང་། །ནད་མེད་པ་དང་དགེ་བའི་སེམས། །འདོད་དང་གྲོལ་སོགས་ཡང་དག་འཐོབ། །དངོས་གྲུབ་ཕུན་སུམ་ཚོགས་པར་འགྱུར། །
D373.078.0275a01.01དཀྱིལ་འཁོར་རྣམ་པར་སྤྲོས་པ་ནི། །ཆོ་ག་བཤད་བཞིན་བསྡུ་བར་བྱ། །ལྷག་མའི་གཏོར་མ་བསྡུས་ནས་ནི། །འབྱུང་པོ་འཚོལ་བ་རྣམས་ལ་སྦྱིན། །གནས་དང་ཞིང་གནས་རྣལ་འབྱོར་མའི། །ཚོགས་ལ་དྲི་ཞིམ་ཚིམ་པར་བྱ། །སྤྱན་དྲངས་དཔའ་བོ་ཐམས་ཅད་ནི། །བདེ་བ་
D373.078.0275a02.01ཆེན་པོར་གཤེགས་སུ་གསོལ། །འདི་ནི་དམ་ཚིག་གི་བརྡའི་ཆོ་ག་རིམ་པར་ཕྱེ་བ་སྟེ་བརྒྱད་པའོ།། །།དེ་ནས་ལག་པ་གཡོན་པའི་བརྡ། །ཅུང་ཟད་ཙམ་ནི་བཤད་བྱ་སྟེ། །སྒྲུབ་པོས་གང་ཞིག་ཤེས་ཙམ་གྱིས། །མྱུར་དུ་དངོས་གྲུབ་འགྱུར་བའོ། །གང་
D373.078.0275a03.01ཞིག་སོར་མོ་གཅིག་སྟོན་པ། །དེ་ལ་གཉིས་བསྟན་ལེགས་འོངས་ལན། །གང་ཞིག་གཡོན་པའི་སོར་མོ་བསྡམས། །བདེ་འམ་ཞེས་པའི་རྒྱར་ཤེས་བྱ། །གང་ཞིག་མིང་མེད་སྟོན་བྱེད་པ། །དེ་ལ་མཐེའུ་ཆུང་བསྟན་པར་བྱ། །གང་ཞིག་གུང་མོ་སྟོན་བྱེད་པ། །དེ་ལ་མཐེ་བོ་བསྟན་
D373.078.0275a04.01པར་བྱ། །གང་ཞིག་སྲིན་ལག་སྟོན་བྱེད་པ། །དེ་ལ་མགྲིན་པ་རབ་བསྟན་བྱ། །གང་ཞིག་བ་ཏི་ས་སྟོན་པ། །དེ་ལ་རྩེ་གསུམ་བསྟན་པར་བྱ། །གང་ཞིག་ནུ་མ་སྟོན་བྱེད་པ། །དེ་ལ་སྐྲ་མཚམས་བསྟན་པར་བྱ། །གང་ཞིག་སོ་ནི་སྟོན་བྱེད་པ། །དེ་ལ་འཁོར་ལོ་བསྟན་པར་བྱ། །
D373.078.0275a05.01གང་ཞིག་ཁྲོ་གཉེར་སྟོན་བྱེད་པ། །དེ་ལ་གཙུག་ཕུད་བསྟན་པར་བྱ། །གང་ཞིག་དཔྲལ་བ་སྟོན་བྱེད་པ། །དེ་ལ་རོལ་པ་བསྟན་པར་བྱ། །བུད་མེད་གང་ཞིག་གཡོན་ནས་འགྲོ། །རྣལ་འབྱོར་མ་རྟག་གཡོན་ནས་ཏེ། །སྐད་ནི་ཆེན་པོས་རབ་ཏུ་སྨྲ། །གཡོན་པའི་ལྟ་བས་རྣམ་
D373.078.0275a06.01ལྟ་ཞིང་། །བུད་མེད་རྣམས་ལ་དགར་སྨྲ་བ། །དེ་ནི་དམ་ཚིག་ལྡན་ཤེས་བྱ། །བུད་མེད་རྣམས་ལ་གསོལ་བཏབ་ན། །རིགས་ཀྱི་ས་བོན་རབ་སྨྲ་ཞིང་། །རིགས་ཀྱི་བྱ་བ་མི་འདོར་ལ། །རང་གི་རིགས་ཀྱི་རིག་པ་ཟློས། །གང་ཞིག་རིག་པ་རྣམ་པར་འདྲི། །ལག་པ་གཡོན་པས་
D373.078.0275a07.01