完整藏文原文 · 德格版页 当前仅加载第 78 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་ཕྱུག །གཞན་ཡང་སྣ་ཚོགས་དུ་མ་ཡི། །ཁྭ་དང་འུག་པ་བྱ་རྒོད་དང་། །ཅེ་སྤྱང་ཅེ་སྤྱང་མོ་དང་ནི། །འོལ་པ་དང་ནི་འོལ་པ་མོ། །སེང་གེའི་གདོང་དང་སྟག་གི་གདོང་། །དྲག་ཅིང་འཇིགས་པའི་གདོང་ཅན་མ། །སྦྲུལ་ནི་བ་ལང་མགོ་ཅན་དང་། །གདོང་གཉིས་ལ་
D373.078.0286b01.01སོགས་ཕྱོགས་སུ་རྒྱུ། །ཀེང་རུས་དང་ནི་མདུང་གིས་ཕུག །འཕྱང་དང་ཕྱེད་ཚིག་པ་དང་མགོ། །ཐོད་པ་བྱིན་པ་མགོ་རྡུམ་དང་། །གཙིགས་པའི་མགོ་དང་རུས་པ་དང་། །རིགས་འཛིན་གྲུབ་པ་སྣ་ཚོགས་དང་། །དམ་ཚིག་སྤྱོད་པའི་རྣལ་འབྱོར་པ། །རྣལ་འབྱོར་མ་
D373.078.0286b02.01ཡི་ཚོགས་རྣམས་དང་། །གནོད་སྦྱིན་རོ་ལངས་སྲིན་པོ་སོགས། །ཀི་ལི་ཀི་ལིའི་སྒྲ་ཆེན་བདག །དངོས་གྲུབ་རྫུ་འཕྲུལ་ཡང་དག་པར། །ཐོབ་པའི་སློབ་དཔོན་གྱི་ནི་ཚོགས། །དུར་ཁྲོད་དབུས་སུ་བལྟ་བར་བྱ། །འདི་ནི་དཀྱིལ་འཁོར་གྱི་ཐིག་གདབ་པའི་མཚན་ཉིད་བསྟན་
D373.078.0286b03.01པའི་རིམ་པར་ཕྱེ་བ་སྟེ་བཅུ་བདུན་པའོ།། །།དེ་ནས་སློབ་དཔོན་མཚན་ཉིད་ནི། །ཡང་དག་རབ་ཏུ་བཤད་པར་བྱ། །ཞི་ཞིང་དུལ་བའི་ཆ་ལུགས་ཅན། །སེམས་ཅན་ཀུན་རབ་མི་འཇིགས་སྟེར། །སྔགས་དང་རྒྱུད་ཀྱི་རབ་སྦྱོར་ཤེས། །བསྟན་བཅོས་རིག་ཅིང་སྙིང་
D373.078.0286b04.01རྗེར་ལྡན། །སེམས་ཅན་ཀུན་ལ་བུ་བཞིན་ལྟ། །ཐམས་ཅད་དུ་ནི་སྙན་པར་སྨྲ། །སྦྱིན་ལ་སོགས་ལ་རྟག་ཏུ་དགའ། །བསམ་གཏན་རྣལ་འབྱོར་མངོན་པར་བརྩོན། །ཀུན་ལ་མི་འཚེ་བདེན་པར་སྨྲ། །སྙིང་རྗེ་དང་ནི་ཕན་སེམས་ལྡན། །མཉམ་སེམས་དང་ནི་ཕྱག་རྒྱར་ལྡན། །སེམས་ཅན་རྣམས་ཀྱི་མགོན་གྱུར་ཞིང་། །
D373.078.0286b05.01སེམས་ཅན་བསམ་པའི་ཁྱད་པར་ཤེས། །མགོན་མེད་པ་ནི་རྣམས་ཀྱི་གཉེན། །དབང་པོ་ཡོངས་སུ་རྫོགས་པའི་ལུས། །གཟུགས་དང་ལྡན་ཞིང་བལྟ་ན་སྡུག །དབང་བསྐུར་དོན་གྱི་དེ་ཉིད་ཤེས། །ཚིག་གསལ་ཡོན་ཏན་རྒྱ་མཚོ་ཆེ། །རྟག་པར་རྒྱུན་དུ་གནས་བརྟེན་པ། །དེ་ནི་སློབ་
D373.078.0286b06.01དཔོན་རིག་པར་བྱ། །སློབ་མ་རིགས་བཟང་ཆོས་ལ་སྤྲོ། །སློབ་དཔོན་གྱིས་ནི་ཡང་དག་བསྡུ། །སྙིང་རྗེ་མེད་ཅིང་ཁྲོ་དང་གདུག །ཁེངས་དང་བརྐམ་ཆགས་རྣམ་གཡེངས་ཅན། །དྲག་དང་རྨོངས་དང་སྙོམ་ལས་ཅན། །གཞན་གྱི་སྲོག་ལ་སྙིང་བརྩེ་མེད། །གཞན་གྱི་ནོར་
D373.078.0286b07.01