完整藏文原文 · 德格版页 当前仅加载第 78 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པས་དུས་ནི་མཚོན་པར་བྱ། །དུས་ཀྱི་སྐད་ཅིག་གང་ལ་རླུང་། །བགྲོད་པ་གཞན་དུ་འཇུག་འགྱུར་ན། །དུས་དེའི་སྐད་ཅིག་རྫོགས་པ་ན། །འཆི་འགྱུར་འདི་ལ་ཐེ་ཚོམ་མེད། །ཉིན་ཕྱེད་དང་པོར་བྱས་ཏེ་ཉི་མ་རྫོགས་དང་དེ་བཞིན་ཉིན་ཞག་གཅིག་གི་བར། །དེ་
D373.078.0270a01.01ལས་ཞག་གཉིས་ཞག་གསུམ་དང་ནི་དེ་བཞིན་ཞག་ནི་བཞི་ཡི་བར་དག་ཏུ། །རླུང་ནི་གང་ཞིག་རྩ་ལ་བརྟེན་ཏེ་གཡོན་པ་མིན་པའི་ཉི་མའི་ལམ་ནས་རྒྱུ། །དེ་ལས་ས་དང་ཉི་མ་ཕྱོགས་དང་བཀྲ་ཤིས་དྲུག་བཞི་འདི་དག་ཤེས་པར་བྱ། །ལྔ་ནས་ཉི་ཤུ་རྩ་ལྔར་ཉིན་ཞག་འདི་དག་ལྔ་ལྔར་
D373.078.0270a02.01སྤེལ་བས་བགྲོད་པར་འགྱུར། །དེ་ལས་རེ་རེས་སྤེལ་བས་བཅུ་ནི་སུམ་འགྱུར་ཇི་སྲིད་གསུམ་གྱིས་ལྷག་པའི་བར། །དེ་ལས་རྒྱས་པའི་དུས་སུ་གསུམ་མིག་ཟླ་བའི་ལོ་དང་དྲུག་གསུམ་ཟུང་ཟླའི་ཟླ། །ལྷག་མ་ཚེས་དང་ཕྱོགས་མདའ་ཡོན་ཏན་ཟུང་དང་ཟླ་བའི་ཞག་ཏུ་འཚོ་བ་
D373.078.0270a03.01ཡིན། །རེའུ་མིག་སུམ་ཅུ་བདུན་བཅས་པའི། །འཁོར་ལོ་རིམ་གསུམ་བྲིས་ནས་ནི། །ཚེ་དང་སྲོག་གི་རླུང་དག་དང་། །ཉིན་ཞག་མཚན་མ་རིམ་བཞིན་བྲི། །ཞག་ལྔ་ནས་ནི་ཉི་ཤུ་ལྔའི། །བར་བར་གྱི་ནི་ཉིན་ཞག་ལ། །གྲངས་ནི་བཅུ་དྲུག་མ་བཤད་གང་། །དེ་རྣམས་
D373.078.0270a04.01ཚང་བར་བརྗོད་པར་བྱ། །ཞག་ནི་དྲུག་བདུན་བརྒྱད་དགུ་ཡི། །རིམ་པས་གལ་ཏེ་རླུང་རྒྱུ་ན། །ཡོན་ཏན་ལྡན་ཡང་ཉིན་ཞག་ནི། །ཉེར་བཞིས་མ་ཚང་ལོ་གསུམ་ནའོ། །དྲག་པོ་ཉི་མ་ཡན་ལག་སའི། །ཞག་ནི་རིམ་པས་རྒྱུ་ན་ནི། །ཡོན་ཏན་ལྡན་པའང་ཉིན་ཞག་ནི། །ཉེར་
D373.078.0270a05.01བཞིས་མ་ཚང་ལོ་གཉིས་ནའོ། །ཞག་ནི་བཅུ་དྲུག་དེ་བཞིན་དུ། །བཅུ་བདུན་དང་ནི་{བཅྭ་,བཅོ་}བརྒྱད་དང་། །བཅུ་དགུ་ཡི་ནི་རིམ་པ་ཡིས། །རླུང་རྒྱུ་ཡོན་ཏན་ཅན་ཡང་ཞག །བཅུ་གཉིས་གཉིས་འགྱུར་མ་ཚང་བའི། །ལོ་གཅིག་ན་ནི་སྐྱབས་མེད་གང་། །དེ་ནི་གཤིན་རྗེའི་གྲོང་ཁྱེར་
D373.078.0270a06.01དུ། །ཐེ་ཚོམ་མེད་པར་འགྲོ་བར་འགྱུར། །ཉི་མ་ཉི་ཤུ་གཅིག་གཉིས་གསུམ། །ཉེར་བཞིའི་རིམ་པས་རླུང་རྒྱུ་ན། །ཡོན་ཏན་ལྡན་པའང་ཞག་དྲུག་ནི། །མ་ཚང་ཟླ་བ་དྲུག་ན་འཆི། །རེའུ་མིག་སུམ་ཅུ་གཉིས་ལྡན་པའི། །རིམ་གཉིས་འཁོར་ལོ་བྲིས་ནས་ནི། །དེར་ནི་ཚེ་
D373.078.0270a07.01