完整藏文原文 · 德格版页 当前仅加载第 78 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་ནམས་ཕྱིར་ནི་བྱ་བ་སྟེ། །རྣམ་རྟོག་མེད་པའི་རང་བཞིན་གྱིས། །རབ་གནས་ལྷ་ནི་བཞུགས་པ་ཡིན། །འཇིག་རྟེན་སྐྱོང་བའི་ལྷ་ལ་སོགས། །གང་ཚེ་རྟག་ཏུ་གནས་གྱུར་པ། །མཆོད་དང་མཆོད་བྱ་མཉམ་ལྡན་པར། །དེ་ཚེ་ལྷ་ཡང་ཡང་དག་བཞུགས། །
D373.078.0292a01.01འདི་ནི་ལྷ་རྣམས་རབ་ཏུ་གནས་པའི་རིམ་པར་ཕྱེ་བ་སྟེ་ཉི་ཤུ་རྩ་གཉིས་པའོ།། །།དེ་ནས་མེ་ཡི་ལས་སོགས་པའི། །མཚན་ཉིད་ཡང་དག་བཤད་པར་བྱ། །ས་ནི་སྦྱང་བ་བྱས་རྗེས་ལ། །མེ་ཐབ་དག་ནི་བྱ་བ་སྟེ། །སོར་བརྒྱད་པ་ནས་བརྩམས་ནས་ནི། །
D373.078.0292a02.01ཇི་སྲིད་ཁྲུ་ནི་སྟོང་གི་བར། །སོར་བརྒྱད་པས་ནི་དགྲ་རྣམས་གསོད། །སོར་བཅུས་དེ་བཞིན་རྒྱས་པ་སྟེ། །བཅུ་གཉིས་སོར་གྱིས་དབང་དང་དགུག །བཅུ་བཞིས་དེ་བཞིན་ཞི་བའོ། །ཐབ་ཁུང་སོར་ནི་བཅུ་དྲུག་པས། །རིགས་ནི་མངོན་པར་འཕེལ་བར་བྱེད། །སོར་ནི་
D373.078.0292a03.01{བཅྭ་,བཅོ་}བརྒྱད་བདག་ཉིད་ཀྱིས། །ཡུལ་དང་བ་ལང་རིགས་འཕེལ་འགྱུར། །ཐབ་ཁུང་སོར་ནི་ཉི་ཤུ་པས། །ཡམས་ཀྱི་ནད་ནི་ཞི་བར་བྱེད། །འདི་དག་ཐབ་ཀྱི་ངེས་པ་སྟེ། །བསྲེག་བྱའི་རྫས་ཀྱི་ཚད་རྣམས་ནི། །ལས་དང་རྗེས་སུ་མཐུན་བྱ་བར། །མཁས་པ་ཡིས་ནི་ཤེས་
D373.078.0292a04.01པར་བྱ། །རྒྱ་ཡི་ཚད་ཀྱི་ཆ་གསུམ་གྱི། །ཆ་གཉིས་ཟབས་སུ་བརྐོ་བྱ་སྟེ། །མེ་ཐབ་དག་ནི་ཐམས་ཅད་ཀྱི། །བརྐོ་བའི་ཐུན་མོང་མཚན་ཉིད་དོ། །ཐབ་ཁུང་གི་ནི་བརྒྱད་ཆ་ཡིས། །ཁ་ཆེར་ཉིད་ནི་མཐོ་བར་བྱ། །ཁ་ཁྱེར་དཔངས་ཀྱི་ཕྱེད་ཚད་ཉིད། །དེ་ཉིད་དུ་ནི་དམའ་བར་
D373.078.0292a05.01སྦྱར། །ཇི་ལྟར་ཕྱི་རོལ་དམའ་བའི་ཚད། །དེ་བཞིན་ཁ་ཁྱེར་ནང་ཉིད་དོ། །དེ་ཡི་ཕྱི་ཡི་ཁར་ན་ཡང་། །དཔངས་ཀྱི་ཚད་ནི་ཇི་བཞིན་བྱ། །ཐབ་ཁུང་ནང་གི་ཁྱད་པར་དུ། །རྡོ་རྗེ་ཡིས་ནི་མཚན་པར་བྱ། །དཀར་དང་སེར་དང་དམར་བ་དང་། །དེ་བཞིན་གནག་དང་ལྗང་བ་
D373.078.0292a06.01སྟེ། །ཇི་ལྟར་ལས་ཀྱི་རྗེས་འགྲོ་བས། །ཐབ་ཀྱི་ཁ་དོག་མཚན་ཉིད་ཡིན། །འོན་ཀྱང་ལས་ཀུན་བྱེད་པའི་ཐབ། །ཞི་བའི་ཐབ་ཀྱི་ཁྱད་པར་མཚུངས། །ཁ་ཁྱེར་པདྨའི་རྣམ་པར་ཏེ། །དམའ་བ་རྡོ་རྗེའི་ཕྲེང་བས་བསྐོར། །དེ་ཡི་ཕྱི་རོལ་ཁ་ཁྱེར་ནི། །གྲུ་བཞི་ཁ་ཁྱེར་
D373.078.0292a07.01