完整藏文原文 · 德格版页 当前仅加载第 78 函德格 279a 版页；藏文 NFD、目录标记与异常页序保留在来源切片中，重复版页行以稳定序号区分。
ཕཊ། །འབུམ་ཕྲག་གསུམ་དུ་བཟླས་ནས་ནི། །བཟླས་པའི་བཅུ་ཆའི་སྦྱིན་སྲེག་བྱ། །ཆར་དབབ་པ་དང་གཏེར་དང་ནི། །ངག་གི་དངོས་གྲུབ་བསྒྲུབ་པར་བྱ། །རི་སུལ་དྲི་མེད་ཆུར་བཅས་པར། །དཀྱིལ་འཁོར་དགེ་བ་བྲིས་ནས་ནི། །རྒྱུན་མི་འཆད་པར་
D373.078.0279a01.01སྔགས་བཟླས་ཏེ། །ཞལ་བཞི་པ་ཡི་གསང་སྔགས་བཟླས། །ཨོཾ་སུམྦྷ་ནི་སུམྦྷ་ཧཱུྃ་ཧཱུྃ་ཕཊ། གྲཱིཧྞ་གྲཱིཧྞ་ཧཱུྃ་ཧཱུྃ་ཕཊ། གྲཱིཧྞཱ་པ་ཡ་གྲཱིཧྞཱ་པ་ཡ་ཧཱུྃ་ཧཱུྃ་ཕཊ། ཨཱ་ན་ཡ་ཧོ་བིདྱཱ་རཱ་ཛ་ཧཱུྃ་ཧཱུྃ་ཕཊ། རྣལ་འབྱོར་པ་ཡིས་བཞི་འབུམ་བཟླས། །བཅུ་ཆ་ཡི་ནི་སྦྱིན་སྲེག་བྱ། །ཞི་དང་རྒྱས་དང་
D373.078.0279a02.01བཅུད་ཀྱིས་ལེན། །དེ་བཞིན་སེམས་ཅན་དོན་སྒྲུབ་པའོ། །རྒྱ་མཚོ་ཆེན་པོའི་འགྲམ་སོང་ནས། །དཀྱིལ་འཁོར་ཡང་དག་བྲིས་ནས་ནི། །ལྷ་མོའི་སྔགས་ནི་ཁྱད་པར་དུ། །འབུམ་ཕྲག་གསུམ་ནི་བཟླས་ནས་སུ། །ཇི་སྐད་གསུངས་བཞིན་ཆོ་ག་ནི། །རྫོགས་པས་བཅུ་ཆའི་
D373.078.0279a03.01སྦྱིན་སྲེག་བྱ། །ཨོཾ་བཛྲ་བཻ་རོ་ཙ་ནཱི་ཡེ་ཧཱུྃ་ཧཱུྃ་ཕཊ་སྭཱ་ཧཱ། འཇིག་རྟེན་དངོས་གྲུབ་ཐམས་ཅད་དང་། །དེ་བཞིན་མཁའ་སྤྱོད་དངོས་གྲུབ་བོ། །དུར་ཁྲོད་དུ་ནི་སྔར་བཤད་པའི། །ཆོ་གའི་རིམ་པས་དཀྱིལ་འཁོར་བྲི། །ཡི་གེ་བདུན་པའི་གསང་སྔགས་ནི། །འབུམ་ཕྲག་གསུམ་དུ་
D373.078.0279a04.01བཟླས་ལ་བསྒྲུབ། །བཅུ་ཆའི་སྦྱིན་སྲེག་བྱས་ནས་ལས། །རྣམ་པར་ངེས་པས་བསྒྲུབ་པར་བྱ། །དབྱེ་བ་དང་ནི་བསྐྲད་པའི་ལས། །ཁྱད་པར་དུ་ནི་བསད་པའི་ལས། །རྡོ་རྗེ་སེམས་དཔས་གང་གསུངས་བཞིན། །བཟླས་པ་ཙམ་གྱིས་འགྲུབ་པར་འགྱུར། །བཞི་མདོར་དཀྱིལ་
D373.078.0279a05.01འཁོར་བྲིས་ནས་ནི། །མནན་པའི་ཆོ་ག་བསྒྲུབ་པར་བྱ། །མཁའ་འགྲོ་མ་ཡི་གསང་སྔགས་ནི། །ཁྲི་བཟླས་པས་ནི་འགྲུབ་པར་འགྱུར། །ཨོཾ་ཌཱ་ཀི་ནཱི་ཡེ་ཧཱུྃ་ཧཱུྃ་ཕཊ། བཅུ་ཆའི་སྦྱིན་སྲེག་བསྒྲུབ་ན་ནི། །འབྱུང་པོ་རོ་ལངས་འགྲུབ་པར་འགྱུར། །གཙུག་ལག་ཁང་ངམ་འདུན་
D373.078.0279a06.01ཁང་དུ། །དཀྱིལ་འཁོར་མཆོག་ནི་བྲི་བར་བྱ། །ལཱ་མའི་སྔགས་ནི་ངེས་པར་ཡང་། །འབུམ་ཕྲག་གཅིག་ཏུ་བཟླས་ནས་ནི། །ལྷ་མོ་བཅུ་ཆའི་སྦྱིན་སྲེག་བྱ། །ཨོཾ་ལཱ་མེ་ཧཱུྃ་ཧཱུྃ་ཕཊ་སྭཱ་ཧཱ། མིག་སྨན་དང་ནི་རྐང་མགྱོགས་དང་། །དེ་བཞིན་དབང་དུ་བྱེད་པ་ནི། །འགྲུབ་པར་
D373.078.0279a07.01