完整藏文原文 · 德格版页 当前仅加载第 78 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
དཔངས་ཚད་བྱ། །ཞི་ལ་ཟླུམ་པོའི་རྣམ་པ་སྟེ། །ཤར་བལྟས་ཁ་དོག་དཀར་པོར་འགྱུར། །རྒྱས་པ་ལ་ནི་གྲུ་བཞི་སྟེ། །བྱང་དུ་བལྟས་པས་སེར་པོས་བྱ། །བསྐྲད་དང་མངོན་པར་སྤྱོད་པ་ལ། །ཟླ་བ་ཕྱེད་པ་ནུབ་བལྟས་བྱ། །དབྱེ་དང་གསད་པའི་ལས་ལ་ནི། །ཟུར་གསུམ་
D373.078.0292b01.01ལྷོར་ནི་བལྟས་ཏེ་བྱ། །དབང་དང་དགུག་དང་དབྱེ་བ་གསུམ། །ཁ་དོག་དམར་པོ་ཟུར་གསུམ་པའོ། །མནན་དང་རྨོངས་པའི་ལས་ལ་ནི། །བདེན་བྲལ་དུ་ནི་བལྟས་ཏེ་བྱ། །བསྐྲད་ལ་དུད་པའི་མདོག་ལྟ་བུ། །དེ་བཞིན་རླུང་ཕྱོགས་བལྟས་ཏེ་བྱ། །རིམས་ཀྱིས་གདུངས་སོགས་
D373.078.0292b02.01མནན་པའི་ལས། །རྟག་ཏུ་མེ་ཕྱོགས་བལྟས་ཏེ་བྱ། །ལྷ་དང་གདན་དང་མདོག་རྣམས་ནི། །ལས་ཀྱི་གཟུགས་ཀྱིས་འགྱུར་བ་ཡིན། །ཡི་གེ་ཧཱུྃ་གི་སྦྱོར་བ་ཡིས། །ཕྱག་གཉིས་པ་ཡི་རྣམ་པར་བསྒོམ། །སྐད་ཅིག་རྣམ་པས་གསང་སྔགས་བརྗོད། །སྐད་ཅིག་རྣམ་པས་ལྷའི་བདག་ཉིད། །རྒྱས་ལ་དགའ་
D373.078.0292b03.01བའི་སེམས་ཀྱིས་བྱ། །ཞི་ལ་ཞི་བའི་སེམས་ཀྱིས་བྱ། །དབང་ལ་རྗེས་ཆགས་སེམས་ཀྱིས་སོ། །ཁྲོ་བའི་སེམས་ཀྱིས་གསང་བ་སྟེ། །རྣམ་འགྱུར་དྲག་པོའི་སེམས་ཀྱིས་ནི། །བསྐྲད་པ་དང་ནི་མངོན་སྤྱོད་འགྱུར། །མཆོད་ཡོན་ཞབས་ལ་བསིལ་སོགས་གཞག །
D373.078.0292b04.01དེ་ནས་མེ་ནི་སྤྱན་དྲང་བྱ། །རང་སྙིང་ཆུ་སྐྱེས་ཧཱུྃ་ཡིག་ལས། །རྡོ་རྗེ་སེམས་དཔའ་རྣམ་པར་བསྒོམ། །ཡིག་གསུམ་ལས་བྱུང་གཞུའི་རྣམ་པ། །དེར་དབུས་རྃ་གྱི་ས་བོན་ལས། །ཁ་དོག་དམར་པོ་མཛེས་པའི་ཞལ། །དབྱུག་གུ་རིལ་བ་སྤྱི་བླུགས་གཡོན། །གཡས་ཀྱིས་
D373.078.0292b05.01བགྲང་ཕྲེང་མི་འཇིགས་སྦྱིན། །གསུས་འཕྱང་རལ་པའི་ཅོད་པན་ཅན། །རྒྱན་རྣམས་ཀུན་གྱིས་བརྒྱན་པ་ནི། །སྔགས་པ་མཁས་པས་བལྟ་བར་བྱ། །ཨོཾ་ཛཿཧཱུྃ་གི་ཡི་གེས་ནི། །ཐབ་ཁུང་ལོགས་སུ་བལྟ་བྱ་སྟེ། །བསང་གཏོར་འཐོར་འཐུང་མཆོད་ཡོན་སོགས། །
D373.078.0292b06.01བྱིན་ནས་ཐབ་ཀྱི་དབུས་སུ་གཞག །དམ་ཚིག་སེམས་དཔའ་བསམས་ནས་ནི། །ཡེ་ཤེས་སེམས་དཔའ་གཞུག་པར་བྱ། །མེ་ཏོག་སྤོས་དང་མར་མེ་དང་། །དེ་བཞིན་དྲི་དང་ཞལ་ཟས་མཆོད། །ལག་གཉིས་པུས་མོའི་ནང་གཞག་སྟེ། །དགང་གཟར་དང་ནི་བླུགས་
D373.078.0292b07.01