完整藏文原文 · 德格版页 当前仅加载第 78 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ནི་ཐེ་ཚོམ་མེད། །དབེན་ཞིང་ཉམས་དགའི་གནས་སུ་ནི། །རྟག་ཏུ་དཀྱིལ་འཁོར་བྲི་བྱས་ལ། །ཁཎྜ་རོ་ཧཱ་ལ་སོགས་སྔགས། །ཆོ་ག་སྔོན་བཞིན་བསྒྲུབ་པར་བྱ། །ཨོཾ་ཁཎྜ་རོ་ཧེ་ཧཱུྃ་ཧཱུྃ་ཕཊ་སྭཱ་ཧཱ། འབུམ་ཕྲག་གཉིས་ནི་བཟླས་ནས་ཀྱང་། །བཅུ་ཆ་ཡི་ནི་སྦྱིན་སྲེག་
D373.078.0279b01.01བྱ། །རྒྱུན་མི་འཆད་པར་སྔགས་བཟླས་ཏེ། །གནོད་སྦྱིན་གནོད་སྦྱིན་མོ་རྣམས་བསྒྲུབ། །གཟུགས་ཅན་མ་ཡི་གསང་སྔགས་ནི། །ངེས་པར་འབུམ་ཕྲག་བཞི་བཟླས་ནས། །ལྷ་མོ་བཅུ་ཆའི་སྦྱིན་སྲེག་བྱ། །འགྲུབ་པར་འགྱུར་བར་ཐེ་ཚོམ་མེད། །ཨོཾ་རཱུ་པི་ཎཱི་ཡེ་ཧཱུྃ་ཧཱུྃ་ཕཊ་སྭཱ་ཧཱ།
D373.078.0279b02.01མེ་ཏོག་དང་ནི་སྤོས་དང་དྲི། །ལྷ་བཤོས་གཏོར་མ་དེ་བཞིན་ཏེ། །བཟའ་དང་བཏུང་བས་ཁྱད་པར་དུ། །དཀྱིལ་འཁོར་མཆོག་ནི་མཆོད་བྱ་ཞིང་། །གླུ་དང་གར་གྱི་ཁྱད་པར་གྱིས། །ཕྱག་རྒྱ་སྔགས་ནི་བསྒྲགས་པར་བྱ། །ཡིད་འོང་དམ་ཚིག་རྙེད་ནས་ནི། །ཕྱོགས་སུ་བཞག་
D373.078.0279b03.01ནས་བསྒྲུབ་བྱ་སྟེ། །ལས་ནི་གང་གིས་ཁྱད་པར་གྱིས། །དེ་ཡི་རིགས་སོགས་བརྟག་པར་བྱ། །ལྷ་ཡི་རྣམ་པ་ལ་གནས་ཏེ། །ཆོ་ག་ཇི་བཞིན་བཟླས་ཞིང་མཆོད། །དུས་གང་ཚེ་ན་མི་སྨྲ་ཞིང་། །དེར་ནི་སྔོན་དུ་བསྙེན་པ་བྱ། །མྱོས་བྱེད་གཏོར་མར་མཉམ་ལྡན་པས། །
D373.078.0279b04.01སྔགས་ཀྱི་ནུས་པ་བསྒྲུབ་བྱ་སྟེ། །བརྒྱ་དང་སྟོང་དང་འབུམ་གྱི་བར། །དེར་ནི་གྲངས་ཉིད་མཚོན་པར་བྱ། །གྲངས་མེད་སྔགས་ནི་བཟླས་པ་ཡིས། །བླ་ན་མེད་པའི་དགེ་བ་འབྱུང་། །དེ་དག་ངེས་པར་སྦྱོར་བ་ཡིས། །བསྒྲུབས་ན་དངོས་གྲུབ་འཐོབ་པར་འགྱུར། །འདི་ནི་སྔགས་
D373.078.0279b05.01ཀྱི་བཟླས་པའི་ངེས་པ་བསྟན་པའི་རིམ་པར་ཕྱེ་བ་སྟེ་བཅུ་གཅིག་པའོ།། །།ཡང་དག་ཆོ་ག་གང་གིས་འདིར། །འགྲུབ་པར་ཐེ་ཚོམ་མེད་པ་ཡི། །བཟླས་པའི་ཕྲེང་བའི་མཚན་ཉིད་ནི། །གནོད་སྦྱིན་བདག་པོ་ལེགས་པར་ཉོན། །གསེར་དང་དངུལ་དང་ཟངས་
D373.078.0279b06.01མ་དང་། །དེ་བཞིན་ཤེལ་དང་དུང་ལ་སོགས། །ཞི་དང་རྒྱས་པ་དག་ལ་སྦྱར། །ཞི་ལ་རིལ་བུ་བརྒྱ་པ་སྟེ། །རིལ་བུ་བརྒྱ་རྩ་བརྒྱད་པ་ནི། །རྒྱས་པའི་ལས་ལ་རབ་བསྔགས་ཏེ། །མཁས་པས་རྒྱལ་སྲིད་ཆེད་དམ་དཔལ། །བདེ་སྤྲོ་ཕུན་སུམ་ཚོགས་ཕྱིར་བཟླས། །དབང་དང་
D373.078.0279b07.01