完整藏文原文 · 德格版页 当前仅加载第 78 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
དགུག་པའི་རབ་སྦྱོར་ལ། །གུར་གུམ་ལ་སོགས་དྲིའི་རིལ་བུ། །བྱི་རུ་ཙནྡན་དམར་པོའི་འབྲུ། །རྟག་ཏུ་རིལ་བུ་ལྔ་བཅུའོ། །རུ་དྲཱཀྵ་དང་ལུང་ཏང་འབྲས། །དེ་བཞིན་མི་རུས་རྔ་མོ་དང་། །བོང་བུ་མ་ཧེའི་རུས་པ་ནི། །དྲག་སྤྱོད་ལྐུགས་དང་གནོན་པ་དང་། །
D373.078.0280a01.01དབྱེ་བས་དགྲ་ནི་ཚར་གཅད་དང་། །གསད་དང་བསྐྲད་ལ་སྦྱར་བྱ་སྟེ། །ལས་ཀྱི་ཁྱད་པར་ཇི་ལྟ་བར། །བཟླས་པའི་ཕྲེང་བའང་བྱ་བ་ཡིན། །བོང་བུ་རྔ་མོའི་སྤུ་དང་ནི། །ཁྭ་ཡི་སྒྲོར་ནི་བསྲེ་བྱས་ལ། །མནན་དང་བསྐྲད་པའི་ལས་ལ་ནི། །དེ་ཡི་སྲད་བུས་བརྒྱུ་བར་བྱ། །རྟ་དང་
D373.078.0280a02.01མ་ཧེའི་སྤུ་ཡིས་ནི། །རྣམ་པར་སྡང་ལ་སྲད་བུ་བྱ། །དུར་ཁྲོད་སྐྲ་ཡི་སྲད་བུ་དང་། །ཁྱི་ཡི་སྤུ་ནི་བསྲེ་བྱ་སྟེ། །དེ་ཡི་སྲད་བུ་དྲག་པོ་ཡི། །ལས་ལ་བསྔགས་ཕྱིར་སྦྱར་བར་བྱ། །དགེ་བའི་ལས་ལ་གཞོན་ནུ་མས། །བཀལ་བའི་སྲད་བུས་བརྒྱུ་བར་བྱ། །ཞི་བ་ལ་ནི་མཛུབ་ལ་
D373.078.0280a03.01གཞག །རྒྱས་པ་རྟག་ཏུ་གུང་མོ་ཡིས། །མིང་མེད་ཀྱིས་ནི་དབང་ཞེས་གསུངས། །ཐ་མ་ཡིས་ནི་མངོན་སྤྱོད་ཡིན། །མཐེ་བོ་ལྷ་ཡི་རང་བཞིན་གྱིས། །ལས་ཀུན་ལས་ནི་སྦྱར་བར་བྱ། །རིལ་བུ་དགྲ་བཅོམ་མདོ་འཛིན་ནི། །ཆོས་ཀྱི་དབྱིངས་ཀྱི་རང་བཞིན་ཏེ། །བཟླས་པའི་ཕྲེང་
D373.078.0280a04.01བའི་ཁྱད་པར་གྱིས། །མཉམ་གཞག་བསྒོམ་ཞིང་བཟླས་པར་བྱ། །རྫོགས་ལྡན་དུས་སུ་གཅིག་བཟླས་པ། །གསུམ་ལྡན་དུས་སུ་ཉིས་འགྱུར་བཟླས། །གཉིས་ལྡན་དུས་ན་སུམ་འགྱུར་བཤད། །རྩོད་དུས་བཞི་འགྱུར་དུ་ནི་བཟླ། །སྔགས་ཀྱི་གྲངས་ནི་བཞི་པོ་ཡིས། །རྒྱུན་
D373.078.0280a05.01མི་འཆད་པར་གསང་སྔགས་བཟླས། །བཟླས་པའི་ཕྲེང་བ་སོགས་བསྡུས་པ། །འདི་ནི་ངག་གི་བཟླས་པ་སྟེ། །ལྷ་ཡི་གཟུགས་སུ་དམིགས་པ་ཡིས། །སྤྲོ་དང་བསྡུ་བའི་བདག་ཉིད་ཅན། །སྔགས་ཀྱི་དེ་ཉིད་བརྡ་ཡིས་ནི། །འགྲོ་དང་འོང་བ་ཡང་དག་བསམ། །མཐའ་གསུམ་
D373.078.0280a06.01ལས་ནི་རྣམ་གྲོལ་བ། །དོན་དམ་དེ་བཞིན་ཉིད་ཀྱི་དོན། །འདི་རྣམས་སྔགས་ཀྱི་བཟླས་པ་ཡི། །ཆོ་གའི་མཚན་ཉིད་གསུངས་པ་ཡིན། །འདི་ནི་སྔགས་ཀྱི་བཟླས་པའི་བགྲང་ཕྲེང་ངེས་པར་བསྟན་པའི་རིམ་པར་ཕྱེ་བ་སྟེ་བཅུ་གཉིས་པའོ།། །།དེ་ནས་
D373.078.0280a07.01