完整藏文原文 · 德格版页 当前仅加载第 78 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་གྲུབ་ཡོངས་སུ་རྫོགས་བགྲོད་པ། །ཚོས་མཁན་ཞེས་ནི་རབ་གྲགས་པའི། །དང་པོའི་མེ་ཏོག་རབ་ཏུ་བསྔགས། །དམ་ཚིག་ཅན་མའི་གདོལ་པ་མོ། །གལ་ཏེ་རྙེད་ན་རྟག་བསྟེན་བྱ། །ཤ་དང་ཚིལ་དང་དེ་བཞིན་ཁྲག །མཁས་པ་ཡིས་ནི་གཟུང་བར་བྱ། །སྒྲུབ་པོ་དངོས་གྲུབ་
D373.078.0284b01.01འདོད་པ་ཡིས། །ལྕགས་ཀྱུ་ལྔ་ནི་ཅི་རྙེད་པའམ། །འདིར་ནི་གསད་པ་གཙོར་བཤད་པས། །ཅི་སྟེ་ཡང་དག་རྙེད་ན་གཟུང་། །བ་ལང་ཤ་དང་རྟ་ཤ་དང་། །གླང་པོའི་ཤ་ཡང་དེ་བཞིན་ཏེ། །མི་ཡི་ཤ་དང་ཁྱི་ཡི་ཤ། །མཁས་པ་ཡིས་ནི་གཟུང་བར་བྱ། །རྡོ་རྗེ་སེམས་དཔས་གང་
D373.078.0284b02.01གསུངས་པའི། །སྒྲོན་མ་ལྔ་ཞེས་གྲགས་པའོ། །རྙེད་ནས་ཚེས་བཅུའི་དུས་སུ་ནི། །དངོས་པོ་འདི་དག་ཡང་དག་བསྡུ། །དྲི་ཞིམ་པ་དང་བསྲེས་ནས་ནི། །རབ་ཏུ་གསང་སྟེ་སྦྱར་བར་བྱ། །སྒྲུབ་པ་པོ་ཡིས་གསང་བ་ཡིས། །རིལ་བུའི་རྣམ་པ་ཡང་དག་བྱ། །དེ་ཡི་མོད་
D373.078.0284b03.01ལ་ཡོངས་རྫོགས་པའི། །བཟའ་དང་བཏུང་བའི་ཁྱད་པར་གྱིས། །ཚོགས་ཀྱི་དབུས་སུ་བྱིན་བརླབས་ནས། །ཕྱི་ནས་ལས་ནི་ཡང་དག་བརྩམ། །སྔགས་བཟླས་དེ་བཞིན་བསམ་གཏན་དང་། །འདོད་པ་ཀུན་གྱི་འབྲས་འབྱུང་ཞིང་། །ལུས་ཀྱི་བཅུད་ཀྱིས་ལེན་དང་ནི། །
D373.078.0284b04.01མཆོག་ཏུ་གྲོལ་བའི་དངོས་གྲུབ་སྟེར། །རྟག་ཏུ་རིལ་བུ་བསྟེན་བྱེད་པ། །འདོད་པ་ཀུན་གྱི་འབྲས་རབ་སྟེར། །ལས་རྣམས་ཀུན་ལ་རབ་སྦྱར་ན། །མཁའ་སྤྱོད་གོ་འཕང་འཐོབ་པར་འགྱུར། །འདི་ནི་བདུད་རྩི་ལྔ་སྒྲུབ་པ་ངེས་པར་བསྟན་པའི་རིམ་པར་ཕྱེ་བ་སྟེ། བཅུ་དྲུག་
D373.078.0284b05.01པའོ།། །།དེ་ནས་དཀྱིལ་འཁོར་བྲི་བ་ཡི། །ཆོ་ག་མཆོག་ནི་ཡང་དག་བཤད། །འདི་ལྟར་འགའ་ཞིག་གསོལ་འདེབས་པའམ། །རང་ཉིད་བསོད་ནམས་འདོད་པ་ཡིས། །དང་པོར་རང་ལྷའི་བདག་ཉིད་ཀྱི། །འཁོར་ལོ་ལ་གནས་སྔོན་བསྙེན་བྱ། །སྔོན་དུ་
D373.078.0284b06.01བསྙེན་པའི་དབང་བྱས་ནས། །དེར་ནི་གཏོར་མ་སྦྱིན་པར་བྱ། །བརྟན་ཞིང་ཟབ་མོའི་ཆོས་ཤེས་པ། །རབ་གནས་གཏོར་མའི་ཕ་རོལ་སོན། །སྦྱིན་སྲེག་དཀྱིལ་འཁོར་དེ་ཉིད་ཤེས། །རིག་པའི་གནས་ནི་ཐམས་ཅད་རིག །གསང་སྔགས་ཚུལ་ལ་དད་ཅིང་མོས། །
D373.078.0284b07.01