完整藏文原文 · 德格版页 当前仅加载第 78 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེར་དགྱེས་པའོ། །མཁའ་འགྲོ་དེ་བཞིན་ལཱ་མ་དང་། །ཁཎྜ་རོ་ཧཱ་གཟུགས་ཅན་མ། །དངོས་གྲུབ་ཀུན་གྱི་བདེ་འབྱུང་བ། །པདྨའི་ཕྱོགས་ཀྱི་གནས་སུ་དགོད། །གནག་དང་ལྗང་དང་དམར་བ་དང་། །སེར་སྐྱའི་མདོག་ཅན་སྤྱན་གསུམ་མ། །ཞལ་གཅིག་ཕྱག་ནི་གཉིས་
D373.078.0281b01.01མ་སྟེ། །ཁ་ཊྭཱྃ་ཐོད་པའི་ཕྱག་ལྡན་མ། །གཡས་པས་རྡོ་རྗེ་གྲི་གུག་སྟེ། །གཅེར་བུ་གཡས་བརྐྱང་བ་ཡི་ཞབས། །སྐྲ་གྲོལ་མཆེ་བ་གཙིགས་པའི་ཞལ། །ཕྱག་རྒྱ་ལྔས་ནི་རྣམ་པར་བརྒྱན། །མཚམས་ཀྱི་འདབ་མ་བཞི་ལ་ནི། །བྱང་ཆུབ་སེམས་ལ་སོགས་པའི་སྣོད། །
D373.078.0281b02.01བདུད་རྩི་ལྔ་དང་ལྡན་པ་དང་། །གླུ་དང་གར་གྱི་དགའ་བདེས་མཆོད། །སྒོ་བཞིར་ལྷ་ཚོགས་གནས་པ་སྟེ། །རྟག་ཏུ་ལྷ་རྣམས་བསྒོམ་པར་བྱ། །ཤར་གྱི་སྒོར་ནི་ཁྭ་གདོང་མ། །ཕྱག་གཉིས་སྔོན་མོར་བསྒོམ་པར་བྱ། །བྱང་གི་སྒོར་ནི་འུག་གདོང་མ། །ལྗང་གུ་སྐྲ་ནི་གྲོལ་
D373.078.0281b03.01བའོ། །དེ་བཞིན་ཁྱི་གདོང་མ་ནི་དམར། །ནུབ་ཀྱི་སྒོར་ནི་ཡང་དག་གནས། །ཕག་གདོང་མ་ནི་སེར་མོ་སྟེ། །ལྷོ་སྒོར་{ཡི་དགས་,ཡི་དྭགས་}གདན་ལ་གནས། །མེ་དང་དེ་བཞིན་བདེན་བྲལ་དང་། །རླུང་དང་དབང་ལྡན་མཚམས་སུ་ནི། །གཤིན་རྗེ་བརྟན་མ་ཕོ་ཉ་མོ། །གཤིན་རྗེ་
D373.078.0281b04.01མཆེ་བ་འཇོམས་མ་སྟེ། །དེ་བཞིན་ཟུར་གནས་ལྷ་མོ་ནི། །ཡིད་འཕྲོག་གཟུགས་ནི་གཉིས་མ་སྟེ། །{ཡི་དགས་,ཡི་དྭགས་}ལ་གནས་དྲག་མོ་ཆེ། །ཕྱག་རྒྱ་ལྔས་ནི་རྣམ་བརྒྱན་པའོ། །གཡོན་ན་ཐོད་པ་ཁ་ཊྭཱྃ་ག །གཡས་ན་རྡོ་རྗེ་གྲི་གུག་སྟེ། །རྣལ་འབྱོར་མ་ནི་དེ་རྣམས་ཀུན། །དངོས་
D373.078.0281b05.01གྲུབ་ཐམས་ཅད་རབ་སྩོལ་བའོ། །དེ་ནས་གོ་ཆ་གཉིས་ཤེས་ནས། །ཡེ་ཤེས་འཁོར་ལོ་རྣམ་པར་བསྒོམ། །སྔགས་དང་ཕྱག་རྒྱའི་སྦྱོར་བ་ཡིས། །དམ་ཚིག་འཁོར་ལོར་མཉམ་པར་གཞུག །དེ་ནས་གོ་ཆ་གཉིས་བཤད་པར་བྱ་སྟེ། ཨོཾ་ཧ་སྙིང་གར་རོ། །ན་མཿཧི་མགོ་བོ་ལའོ། །
D373.078.0281b06.01སྭཱ་ཧཱ་ཧུ་སྤྱི་གཙུག་ཏུའོ། །བཽ་ཥཊ་ཧེ་ཕྲག་པ་གཉིས་ལའོ། །ཧཱུྃ་ཧཱུྃ་ཧོཿམིག་གཉིས་ལའོ། །ཕཊ་ཧྃ་ཡན་ལག་ཐམས་ཅད་ལ་སྟེ་མཚོན་ཆའོ། །དང་པོ་རྡོ་རྗེ་སེམས་དཔའ་སྟེ། །གཉིས་པ་རྣམ་པར་སྣང་མཛད་བཞུགས། །གསུམ་པ་པདྨ་གར་དབང་སྟེ། །དཔལ་ཧེ་རུ་ཀ་བཞི་པར་
D373.078.0281b07.01