完整藏文原文 · 德格版页 当前仅加载第 78 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
ནུབ་ཀྱི་བ་ལང་སྤྱོད། །གླིང་ནི་གསུམ་པོ་དེ་དག་རྣམས། །འབྲས་བུའི་ས་པར་ཡང་དག་གནས། །འཛམ་བུའི་གླིང་དུ་ལེགས་སྐྱེས་པ། །དངོས་གྲུབ་ས་པར་ཤེས་པར་བྱ། །གླིང་གསུམ་པོར་ནི་སྐྱེ་བ་ཡི། །འབྲས་བུ་འབྱུང་བའི་བསོད་ནམས་གནས། །འཛམ་
D373.078.0290a01.01བུའི་གླིང་པས་གྲོལ་བ་དང་། །དངོས་གྲུབ་ཉིད་ནི་སྒྲུབ་པ་སྟེ། །དེ་དག་སྔོན་གྱི་སངས་རྒྱས་ཀྱིས། །གསུངས་པའི་གླིང་དུ་ཤེས་པར་བྱ། །འདི་ནི་དུས་བཞི་པོ་ངེས་པར་བསྟན་པའི་རིམ་པར་ཕྱེ་བ་སྟེ་ཉི་ཤུ་པའོ།། །།དེ་ནས་སྦྱོར་བ་ཕ་རོལ་སོན། །མཆོག་ནི་
D373.078.0290a02.01ཡང་དག་རབ་བཤད་བྱ། །སྒྲུབ་པོ་དངོས་གྲུབ་རྒྱུ་ཉིད་ཀྱིས། །གང་གི་དངོས་གྲུབ་མཐར་བགྲོད་པའོ། །ཐུན་མོང་རྣལ་འབྱོར་རྒྱུད་རྣམས་སུ། །གསང་བ་རྣམ་པར་མ་བཤད་པ། །དངོས་གྲུབ་རྣམས་ལས་མཆོག་དངོས་གྲུབ། །བརྟུལ་ཞུགས་རྣམས་ལས་མཆོག་བརྟུལ་ཞུགས། །
D373.078.0290a03.01བླ་མ་དམ་པ་བསྙེན་བཀུར་ནས། །བླ་མེད་རྒྱུད་ནི་མང་ཐོས་ཏེ། །དེ་ཉིད་ཇི་བཞིན་བླ་མ་ཡི། །ཞལ་ལས་ཐོས་ནས་རྟག་ཏུ་བསྒོམ། །ནོར་དང་ཆུང་མ་དེ་བཞིན་སྲོག །སྦྱིན་པ་ཉིད་དུ་གཏང་བར་བྱ། །མདུད་པ་འདི་གསུམ་ལས་གྲོལ་ན། །རྟག་ཏུ་སྤྱོད་པ་སྤྱད་པར་འགྱུར། །སྤྲོ་བ་ཆེན་
D373.078.0290a04.01པོས་རིག་པ་བཟླས། །དེ་བཞིན་བདེན་པར་སྨྲ་ལ་དགའ། །དམ་བཅས་པ་ལ་རབ་གནས་ཏེ། །ཇི་ལྟར་དད་པས་སྔོན་དུ་བརྩམས། །འདོད་དང་ཁྲོ་བ་འཇིགས་པ་དང་། །སྲེད་དང་གཏི་མུག་ང་རྒྱལ་སྤང་། །སློབ་མ་བརྟག་དང་བཤད་དེ་བཞིན། །གཞུང་རྣམས་བསྡུ་བ་རྟག་ཏུ་
D373.078.0290a05.01སྤང་། །གཙང་དང་མི་གཙང་དག་བྱེད་དང་། །བཏུང་དང་བཏུང་མིན་བརྟག་མི་བྱ། །སྨད་དང་བསྟོད་ལ་ཁྲོ་བ་དང་། །མངོན་པའི་ང་རྒྱལ་རྣམ་པར་སྤང་། །རྟག་ཏུ་མི་ཆགས་དགའ་མེད་པར། །ཐམས་ཅད་ལ་ནི་མཉམ་པར་གནས། །སྦྱིན་སྲེག་མེད་ཅིང་མཆོད་པ་མེད། །
D373.078.0290a06.01ཕྲེང་བ་མེད་ཅིང་བཟླས་པ་མེད། །ཉི་མ་གཟའ་དང་སྐར་མ་དང་། །ཚེས་གྲངས་ཀྱང་ནི་བརྟག་མི་བྱ། །བདག་གཞན་བདག་ཉིད་གཟུགས་ཀྱིས་ནི། །ཐེ་ཚོམ་མེད་པར་གནས་པར་བྱ། །འདོད་པ་མེད་པར་མི་སྤྱད་དེ། །ཀུན་ལ་འདོད་པ་ཅུང་ཟད་སྤྱད། །སྟག་གི་པགས་པ་གོས་
D373.078.0290a07.01