完整藏文原文 · 德格版页 当前仅加载第 78 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པར་བྱ། །གང་ལ་དངོས་དང་དངོས་མེད་ཀྱི། །བྱེ་བྲག་རྣམ་སྤངས་བདག་ཉིད་ནི། །དགའ་བའི་བདག་ཉིད་བརྟན་གསལ་བས། །ནམ་མཁའི་མཐའ་ཀླས་ཁྱབ་པར་ནི། །བདག་ཉིད་ཆེན་པོ་རྟོགས་པར་བྱ། །རྣམ་པ་སྣ་ཚོགས་དྲི་མེད་པའི། །དཀྱིལ་འཁོར་
D373.078.0304b01.01དག་ནི་འཕྲོ་བར་སྣང་། །ལྷན་ཅིག་སྐྱེས་དགའ་བཞི་པའི་མིང་། །བདེ་བ་ཀུན་གྱི་གནས་དེ་ཡིན། །ཡང་དག་དེ་ཉིད་རིག་པ་ལ། །འདིར་ནི་ཐབས་མེད་ཤེས་རབ་མེད། །སྒྲུབ་པོ་ས་གསུམ་དཀྱིལ་འཁོར་ནི། །རྣམ་རྟོག་ཉིད་དུ་ཤེས་པར་བྱ། །ཆོས་དང་ལོངས་
D373.078.0304b02.01སྤྱོད་རྫོགས་སྤྲུལ་པ། །བདེ་བ་ཆེན་པོ་ཞེས་པའི་རིམ། །བདེ་བ་ཆེན་པོ་རང་བཞིན་གྱིས། །འཁོར་ལོ་བཞི་པོ་མཉམ་པ་ཡིན། །རྟག་ཏུ་དངོས་པོ་ཐམས་ཅད་ལ། །སྒྲུབ་པོས་ཆགས་པ་མེད་པར་སྤྱད། །འཁོར་བའི་འདམ་གྱི་དབུས་སུ་ནི། །གོས་མེད་
D373.078.0304b03.01མྱ་ངན་འདས་པའོ། །མཛེས་པའི་ཡོན་ཏན་ལེགས་འཐོབ་པ། །ཡེ་ཤེས་ལྡན་ཞིང་བརྩོན་འགྲུས་ལྡན། །དེ་ནས་བླ་མའི་སྐྱེ་བོ་ལ་གུས་སངས་རྒྱས་དང་ནི་མཉམ་ལྟ་ཞིང་། །རྒྱལ་བའི་ཆོས་ནི་ཤིན་ཏུ་རྟོགས་ཤིང་བརྟན་ལ་ལེགས་པར་རབ་དང་བ། །དེ་འདིར་
D373.078.0304b04.01སྣོད་དུ་གྱུར་པ་ཡིན་ཕྱིར་དེ་ལ་བཀའ་དྲིན་སྦྱིན་པར་བྱ། །དེ་ནས་གཟུགས་སོགས་དབྱེར་མེད་ཅིང་། །ཁམས་གསུམ་གཅིག་ཏུ་ཤེས་པས་ན། །རྒྱུན་མི་འཆད་པར་སྒྲུབ་པོ་དེས། །དགའ་བས་ཀྱང་ནི་མཆོད་ཆེན་བྱ། །ཇི་སྲིད་བྱང་ཆུབ་ཚོགས་ལྡན་པ། །དེ་སྲིད་དྲི་
D373.078.0304b05.01མ་མེད་ཉིད་འགྱུར། །སྒྲུབ་པོ་ཐབས་དང་ཤེས་རབ་དག །བླ་མེད་འབྲས་བུ་འཐོབ་པར་འགྱུར། །འདི་ནི་དེ་ཁོ་ན་ཉིད་བསྟན་པའི་རིམ་པར་ཕྱེ་བ་སྟེ་ཉི་ཤུ་རྩ་དགུ་པའོ།། །།དེ་ནས་ཡང་དག་བཤད་བྱ་བ། །རི་མོའི་ལྷ་ཡི་གཟུགས་རྣམས་
D373.078.0304b06.01ཀྱི། །སྐུ་ཡི་ཚད་ཀྱི་མཚན་ཉིད་ནི། །གསང་བ་པ་ཡི་བདག་པོ་ཉོན། །ཚངས་པའི་རི་མོ་སོགས་གཟུགས་ཀྱི། །ཆ་ལྔ་ཡང་ནི་གདན་ཡིན་ནོ། །དུམ་བུ་གསུམ་ཅན་སྐུ་ལུས་ཀྱི། །ཆ་མཉམ་པས་ནི་ཞལ་བྱས་ཏེ། །ཞལ་ནི་བཅུ་གཉིས་ཆ་ཡིན་ནོ། །མགྲིན་པ་
D373.078.0304b07.01