完整藏文原文 · 德格版页 当前仅加载第 78 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
མེར་མེར་པོ་ནི་གཉིས་པ་ཡིན། །ལྟར་ལྟར་པོར་སྐྱེས་གསུམ་པ་སྟེ། །དེ་བཞིན་བཞི་པ་གོར་གོར་པོ། །རླུང་རྣམས་ཀྱིས་ནི་བསྐུལ་ཙམ་གྱིས། །ཤ་ཡི་རྣམ་པ་ལྟ་བུར་འགྱུར། །ཟླ་བ་ལྔར་གྱུར་ས་བོན་ལས། །ཡན་ལག་ལྔ་ནི་རབ་ཏུ་སྐྱེ། །ཟླ་བ་བདུན་ན་སྐྲ་དང་སྤུ། །སེན་མོ་རྟགས་ནི་
D373.078.0266b01.01སྐྱེ་བར་འགྱུར། །ཟླ་བ་བརྒྱད་ན་དབང་པོ་དང་། །ལུས་ཀྱི་ཡན་ལག་འབྱུང་བར་འགྱུར། །ཟླ་བ་དགུ་ན་ཡང་དག་རྫོགས། །ཟླ་བ་བཅུ་ན་སེམས་དང་ལྡན། །ནུར་ནུར་རང་བཞིན་མི་བསྐྱོད་པ། །མེར་མེར་པོ་ནི་རིན་ཆེན་འབྱུང་། །འོད་དཔག་མེད་མགོན་ལྟར་ལྟར་པོ། །གོར་གོར་
D373.078.0266b02.01པོ་ནི་དོན་ཡོད་གྲུབ། །མཁྲང་གྱུར་རྣམ་པར་སྣང་མཛད་དེ། །རྣམ་པ་ལྔར་ནི་བསྟན་པ་ཡིན། །དྲི་ཆུ་ཁྲག་ནི་མི་བསྐྱོད་པ། །ས་བོན་རང་བཞིན་འོད་དཔག་མེད། །གོང་བུ་རིན་ཆེན་འབྱུང་ལྡན་ཏེ། །རོ་གཅིག་འདྲེས་པ་རྣམ་སྣང་བཞུགས། །སྐྱེ་གནས་དབུས་སུ་རྩ་གཉིས་ཏེ། །གཡས་དང་
D373.078.0266b03.01གཡོན་ན་དེ་བཞིན་གནས། །གཡོན་ནས་ཁུ་བ་ཞེས་བཤད་དེ། །གཡས་ནས་དེ་བཞིན་ཁྲག་ཡིན་ནོ། །དེ་དག་གཅིག་ཏུ་འདུས་གྱུར་པ། །ཆོས་ཀྱི་དབྱིངས་ཀྱི་རང་བཞིན་ནོ། །ལས་ཀྱི་ས་བོན་དབང་ཐོབ་པས། །རླུང་གིས་ཡང་དག་བསྒྱུར་ནས་སུ། །ཆོས་ཀྱི་འབྱུང་གནས་སྒོ་རུ་
D373.078.0266b04.01ནི། །གདོང་ནི་ངེས་པར་ཕྱོགས་པར་འགྱུར། །དཀུ་གཡས་སུ་ནི་བརྟེན་ནས་སུ། །ཙོག་པུར་མངོན་པར་ཕྱོགས་ཏེ་གནས། །དཀུ་གཡོན་ཡང་དག་བརྟེན་ནས་ནི། །ཤེས་རབ་ལྟོར་ནི་མངོན་ཕྱོགས་འགྱུར། །མཁས་པས་ས་བོན་ལྟུང་བའི་རིམ། །དུས་ཀྱི་སྐད་ཅིག་ཡང་དག་མཚོན། །
D373.078.0266b05.01གཡས་ན་རླུང་ནི་རྒྱུ་བ་གང་། །ཐམས་ཅད་དུ་ནི་སྐྱེས་བུར་འགྱུར། །གཡོན་ནས་རླུང་ནི་རྒྱུ་བ་གང་། །ངེས་པར་བུད་མེད་རྣམས་སུ་འགྱུར། །གཉིས་ཀའི་དབུས་རྒྱུའི་ས་བོན་གང་། །རྟག་ཏུ་མ་ནིང་འགྱུར་བའོ། །ཆུ་ཁམས་ཕ་ཡིར་ཤེས་པར་བྱ། །མེ་ཡི་ཁམས་ནི་མ་ཡིའོ། །པགས་
D373.078.0266b06.01པ་ཤ་དང་ཁྲག་རྣམས་ནི། །མ་ལས་སྐྱེས་ཞེས་བཤད་པ་སྟེ། །རྒྱུས་པ་རྐང་དང་ཁུ་བ་རྣམས། །ཕ་ལས་སྐྱེས་ཞེས་བཤད་པ་ཡིན། །དྲུག་པོ་འདི་དག་བསྡུས་པའི་ལུས། །རྡོ་རྗེ་སེམས་དཔས་གང་གསུངས་པ། །གཟུགས་དང་ཚོར་བ་འདུ་ཤེས་དང་། །འདུ་བྱེད་རྣམ་ཤེས་དེ་བཞིན་
D373.078.0266b07.01