完整藏文原文 · 德格版页 当前仅加载第 78 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
སོར་ནི་བཞི་པ་སྟེ། །མཁས་པས་སྐྲ་མཚམས་དབུས་དང་ནི། །སྙན་གཉིས་ལ་ཡང་དེ་ཉིད་སྦྱར། །དཔྲལ་བ་ཞལ་དང་ཤངས་ཀྱི་ཚད། །ཆ་གསུམ་ཞལ་གྱི་དཀྱིལ་འཁོར་རོ། །སྨིན་མའི་དབུས་དང་ཞལ་གྱི་སྟེང་། །སྤྱན་གྱི་ཞེང་ཡང་སོར་གཉིས་སོ། །དེ་དག་དཀྱུས་ནི་སོར་
D373.078.0305a01.01བཞི་ཡི། །ཚད་ཉིད་དུ་ནི་ཤེས་པར་བྱ། །མགྲིན་པའི་རྩ་བའི་དབུས་ཀྱི་ཚད། །དཔུང་པ་གཉིས་ཀྱིའང་ཆ་ཡིན་ནོ། །ཐམས་ཅད་དུ་ནི་ཐུགས་ཀ་དང་། །ལྟེ་བའི་གནས་ཀྱི་ཚད་གཅིག་གོ། །ནུ་མའི་བར་གྱི་ཚད་ཀྱིས་ནི། །ནུ་མ་དཔུང་པའི་བར་གྱི་ཚད། །ལག་ངར་གཉིས་ཀྱི་ཚད་ཀྱིས་ནི། །
D373.078.0305a02.01དཔུང་པ་གཉིས་ཀྱིའང་ཚད་དེ་ཉིད། །བརླ་དང་བྱིན་པའི་མཚམས་སུ་ནི། །སོར་བཞི་པ་དང་ཡང་དག་ལྡན། །པུས་མོའི་ལྷ་ང་སོར་བཞིའི་ཚད། །ཞབས་ཀྱི་བོལ་གྱིའང་དེ་ཉིད་དོ། །ཆ་ནི་བཅུ་གཉིས་ཚད་ཀྱིས་ནི། །ལྷ་ཡི་སྐུ་གཟུགས་བྲི་བར་བྱ། །ལྷག་མ་སོར་ནི་བཞི་པ་སྟེ། །གདན་ནི་གཙོ་བོའི་
D373.078.0305a03.01བརྒྱད་ཆ་ཡིན། །གདན་གྱི་དགུ་ཆ་ཉིད་ཀྱིས་ནི། །སོར་ནི་གཉིས་གཉིས་བྱ་བ་སྟེ། །ཟླ་བའི་དཀྱིལ་འཁོར་སྙིང་པོར་ནི། །ཕྱག་མཚན་ན་བཟའ་ལ་སོགས་བྱ། །ཟབ་མོ་རྡོ་རྗེ་ཅན་གྱི་ལྷ། །ཆ་ནི་བཅུ་གཉིས་མཚན་ཉིད་དོ། །དམན་པའི་ཆ་སོགས་ཆ་རྣམས་ནི། །ཉེ་བར་མཛེས་བཞིན་ལེགས་པར་བྲི། །
D373.078.0305a04.01དེར་ཡང་ཞལ་གྱི་ཚད་མཚུངས་པའི། །ཕྱག་གཉིས་ཅུང་ཟད་བྲི་བར་བྱ། །སོར་གཉིས་དོར་བར་བྱས་ནས་ནི། །ཞི་བའི་ལྷ་ནི་བྲི་བར་བྱ། །དེར་ཡང་ཞལ་ནི་མཐོ་གང་ཚད། །བྱས་ཏེ་ཕྱག་ནི་རྟག་མཛེས་བྲི། །ཡན་ལག་ཉིང་ལག་ཐམས་ཅད་ལ། །སོར་ནི་གཉིས་གཉིས་དོར་བར་བྱ། །ཁྲོ་བོ་
D373.078.0305a05.01ཁྲོ་མོའི་དབང་ཕྱུག་མ། །བྲན་ཕོ་བྲན་མོ་ཅི་བགྱི་མ། །དྲག་ཅིང་འཇིགས་པའི་གཟུགས་རྣམས་ནི། །ཆ་བཅུ་པར་ནི་རྣམ་པར་བྲི། །ཡིད་དུ་འོང་བའི་རང་གཟུགས་ནི། །ཆ་དགུ་པར་ནི་མངོན་པར་བྲི། །དཀྱིལ་འཁོར་འཁོར་ལོའི་ལྷ་རྣམས་ནི། །རིམ་བཞིན་རིམ་གྱིས་སྦྱར་བར་བྱ། །དབུས་ཀྱི་རྡོ་རྗེ་
D373.078.0305a06.01རྒྱལ་པོ་ནི། །མཚན་ཉིད་གཅིག་ཏུ་རྣམ་པར་བྲི། །ཀོས་ཀོ་མགྲིན་པ་བྱིན་པ་རྣམས། །གསུམ་པོ་རིང་ན་སྐྱོན་ཆེན་པོ། །སྔགས་པ་བདག་ཉིད་ངེས་པར་ནི། །གནས་ལས་ཉམས་ཤིང་བསྐྲད་པར་འགྱུར། །ཤངས་དང་སྙན་དང་ཕྱག་སོར་རྣམས། །གསུམ་པོ་ཐུང་ན་སྐྱོན་ཆེན་པོ། །
D373.078.0305a07.01