完整藏文原文 · 德格版页 当前仅加载第 78 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་བཟང་བལྟ་ན་སྡུག་པ་དང་། །བླ་མ་ལ་གུས་བརྩེར་ལྡན་ན། །སྡོམ་པ་འབྱུང་བར་རབ་བཤད་བྱ། །གཙུག་ལག་ཁང་དང་མཆོད་རྟེན་གནས། །གནས་ཁང་འདུན་ཁང་ས་ཕྱོགས་གཙང་། །གདོད་ནས་གྲུབ་པའི་དུར་ཁྲོད་དུ། །དེར་ནི་དཀྱིལ་
D373.078.0285a01.01འཁོར་བརྩམ་པར་བྱ། །སྔོན་དུ་ལས་ནི་བྱས་པའི་སར། །བརྐོ་བ་ལ་སོགས་མི་བྱ་སྟེ། །ལག་པས་རེག་ནས་ཧཱུྃ་ཡིག་གེ། །སྔགས་བཟླས་པས་ནི་ས་སྦྱང་བྱ། །དཀྱིལ་འཁོར་གྱི་ནི་ས་ཡི་ཆའི། །ཉིས་འགྱུར་ས་ནི་སྦྱང་བར་བྱ། །རང་གི་སེམས་ནི་ཡོངས་དག་
D373.078.0285a02.01པ། །དེ་ཉིད་ཀྱིས་ན་ས་དག་འགྱུར། །སློབ་དཔོན་སངས་རྒྱས་ཀུན་རང་བཞིན། །ལྷ་ཡི་སྐུ་ཡི་བདག་ཉིད་ཅན། །དཔའ་བོ་རྡོ་རྗེ་དྲིལ་འཆང་བ། །མཁའ་འགྲོར་བཅས་ལ་གསོལ་བ་གདབ། །བློ་ལྡན་རྡོ་རྗེ་གསོར་བྱེད་ཅིང་། །དྲིལ་བུ་འཁྲོལ་བར་བརྩོན་པ་ཡིས། །
D373.078.0285a03.01ལྷ་དང་ལྷ་མིན་གསང་བ་དང་། །རབ་ཏུ་གདུག་པའི་བགེགས་ཚོགས་བསྐྲད། །ང་ནི་དཔལ་ལྡན་སྙིང་རྗེའི་སྟོབས། །སྲུང་བའི་འཁོར་ལོ་རབ་སྦྱོར་བས། །ལུས་སྲུལ་ལ་སོགས་གང་ཅིའང་རུང་། །བགེགས་ཀྱི་ཚོགས་རྣམས་གཞན་དུ་དེངས། །ཇི་སྟེ་ངས་བསྒོ་སུ་
D373.078.0285a04.01ཞིག་འདའ། །རྡོ་རྗེའི་བདག་པོའི་སྐུ་ཡིས་ནི། །ལུས་གསུམ་ལས་བྱུང་དགས་བྱ་སྟེ། །འདིར་ནི་བརླག་འགྱུར་གཞན་དུ་མིན། །ས་ནི་ཡོངས་སུ་བཟུང་བྱས་ནས། །ར་བས་མཚམས་ནི་བཅིང་བར་བྱ། །ལག་གཡས་དམ་བཅས་ཕྱག་རྒྱ་ཡིས། །ཡི་གེ་བྃ་བྱུང་སའི་
D373.078.0285a05.01ལྷ་མོ། །མདོག་སེར་གསེར་གྱི་བུམ་འཛིན་ལ། །བསྟོད་ནས་རབ་ཏུ་བསྐུལ་བར་བྱ། །ཆེ་གེ་ཞེས་བྱ་བདག་དཀྱིལ་འཁོར། །འདྲི་ལ་ལྷ་མོ་ཁྱེད་དབང་གྱུར། །མེ་ཏོག་བདུག་པ་སོགས་པས་མཆོད། །མཁས་པས་མཆོད་ཡོན་ཕུལ་བྱས་ལ། །བཅོམ་ལྡན་ཁྲོ་མཆོད་རྡོ་རྗེ་
D373.078.0285a06.01ཅན། །དེ་བཞིན་གཤེགས་ལ་གསོལ་བ་གདབ། །རྫོགས་སངས་རྒྱས་རྣམས་དགོངས་སུ་གསོལ། །སློབ་མ་རྣམས་ལ་བརྩེ་བ་དང་། །ཁྱེད་རྣམས་ལ་ཡང་མཆོད་པའི་ཕྱིར། །མགོན་པོ་ལྷན་ཅིག་སྐྱེས་འབྱུང་བའི། །དཀྱིལ་འཁོར་འདྲི་བར་འཚལ་ལགས་ན། །དེ་བས་
D373.078.0285a07.01