完整藏文原文 · 德格版页 当前仅加载第 78 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་བསྐུར་གཙོ་བོ་ཐོབ་པས་ནི། །བྱ་བ་བྱས་པའི་བློ་ཆེན་གྱིས། །གཞན་ཡང་རབ་དགས་འདི་སྐད་དུ། །སྨྲ་ཞིང་མཇུག་ནི་རྫོགས་པར་བྱ། །དེང་དུ་བདག་ཚེ་འབྲས་བུ་ཡོད། །བདག་གི་གསོན་པར་འབྲས་བུར་བཅས། །དེ་རིང་སངས་རྒྱས་རིགས་སུ་
D373.078.0288a01.01སྐྱེས། །སངས་རྒྱས་སྲས་པོར་བདག་གྱུར་ཏོ། །སྦྱིན་སྲེག་གིས་ནི་རྫོགས་བྱ་ཞིང་། །དགེ་འདུན་ལ་ནི་སྟོན་མོ་དྲང་། །དེ་ནས་ཚོགས་ཀྱི་འཁོར་ལོ་བྱ། །ནད་པའམ་མགོན་མེད་རྣམས་ལའང་སྦྱིན། །ཕྱི་ནས་མན་ངག་ཇི་བཞིན་དུ། །དམ་ཚིག་སྤྱོད་པ་ལ་བརྩོན་པས། །སྣོད་
D373.078.0288a02.01དུ་བྱས་པའི་རྒྱུན་གྱིས་ནི། །འཁོར་ལོ་ལ་སོགས་བསྒོམ་པའི་རིམ། །ཡང་དག་མན་ངག་ཕུན་ཚོགས་པས། །དངོས་གྲུབ་འགྱུར་གྱིས་གཞན་དུ་མིན། །འདི་ནི་དབང་བསྐུར་བའི་རིམ་པར་ཕྱེ་བ་སྟེ་{བཅྭ་,བཅོ་}བརྒྱད་པའོ།། །།དེ་ནས་འཆི་བར་ངེས་པ་ཡི། །མཚན་ཉིད་
D373.078.0288a03.01མཆོག་ཏུ་བཤད་པར་བྱ། །རང་གི་ལུས་སམ་ཕྱི་རོལ་གྱི། །ལྟས་ནི་མཁས་པས་བརྟག་པར་བྱ། །རྐང་མཐིལ་དག་ཏུ་ཕུག་སྙམ་དང་། །གང་ཚེ་ལྟེ་བར་ཕུག་སྙམ་གྱུར། །དེ་ཚེ་ཉིན་ཞག་གསུམ་ཕ་རོལ། །ལྔ་ཡི་གོང་དུ་འགྲོ་བར་འགྱུར། །བཤང་དང་གཅི་བའི་དུས་དག་ཏུ། །
D373.078.0288a04.01དུས་མཚུངས་སྦྲིད་པ་བྱུང་གྱུར་ན། །ལོ་གཅིག་ན་དུས་དེ་ཉིད་ཀྱི། །དུས་ཚོད་ལ་ནི་འཆི་ཞིང་བརླག །མཚན་གཉིས་མཉམ་པར་སྦྱོར་བ་ཡི། །བར་དང་ཐ་མར་སྦྲིད་པ་ནི། །དུས་མཚུངས་བྱུང་ན་དེ་ཡི་ཚེ། །ཟླ་བ་ན་ནི་ངེས་པར་འཆི། །སྙིང་ག་ལྐོག་མའི་དབུས་དག་ཏུ། །དུས་
D373.078.0288a05.01མཚུངས་གལ་ཏེ་ཟུག་གཟེར་གྱུར། །ཅི་སྟེ་ཆོས་ལ་མི་བརྟེན་ན། །ཟླ་བ་ཕྱེད་དང་གཉིས་ན་འཆི། །གལ་ཏེ་མིག་གཡོན་འབྲས་བུ་ཡི། །གཟུགས་བརྙན་མེ་ལོང་ལ་མ་མཐོང་། །ཅི་སྟེ་ཟློག་པར་མི་བྱེད་ན། །ཞག་བདུན་ན་ནི་ངེས་པར་འཆི། །རྣ་རྩ་དང་ནི་སྨིན་མའི་དབུས། །
D373.078.0288a06.01སྤྱི་བོའི་རྩེ་མོར་ཟུག་པ་སྟེ། །བཞི་པོ་མཚུངས་པར་ཟུག་གྱུར་ན། །དེ་ཚེ་འཕྲལ་དུ་འཆི་བར་འགྱུར། །གློ་བུར་དུ་ནི་ཚོར་གྱུར་ཅིང་། །རིད་དང་ཁྲོ་དང་འཇིགས་པས་འཁྲུགས། །གལ་ཏེ་ཆོས་ནི་མ་བསྟེན་གང་། །དེ་ནི་ལོ་གཅིག་དག་ན་འཆི། །ཡར་ངོ་ཡི་ནི་ཚེས་གཅིག་ལ། །
D373.078.0288a07.01