完整藏文原文 · 德格版页 当前仅加载第 78 函德格 299a 版页；藏文 NFD、目录标记与异常页序保留在来源切片中，重复版页行以稳定序号区分。
མ། །མཆོད་ཅིང་རྗེས་སུ་སྤྱད་པར་བྱ། །ཨོཾ་ཨཿཧཱུྃ་ཞེས་བྱ་སྔགས་ཀྱིས། །རྟག་ཏུ་བྱིན་གྱིས་བརླབ་པར་བྱ། །ཧ་ཧོཿཧྲཱིཿཞེས་བྱ་སྔགས་ཀྱིས། །སྦྱང་བ་དང་ནི་རྟོགས་བྱ་སྟེ། །ཡི་གེ་ཧས་ནི་ཁ་དོག་འཕྲོག །ཧོཿཡིས་དྲི་ནི་འཇོམས་པ་སྟེ། །ཡི་གེ་ཧྲཱིཿཡིས་
D373.078.0299a01.01ནུས་པའང་བཅོམ། །བདུད་རྩི་རྣམ་པར་བསྟེན་པར་བྱ། །ལྷ་གསུམ་ལ་སོགས་དང་བྲལ་བར། །ཅི་སྟེ་དམ་ཚིག་ཅན་གྱིས་འཐུངས། །དེ་ལས་དུག་འགྱུར་ཐེ་ཚོམ་མེད། །སྔགས་ཀྱི་དངོས་གྲུབ་མི་སྐྱེའོ། །སུ་ཞིག་ཆང་གིས་མྱོས་འགྱུར་བ། །དེ་ལ་བགེགས་ནི་མང་པོ་འབྱུང་། །
D373.078.0299a02.01སྔགས་པ་ཆང་གིས་རྣམ་འགྱུར་བས། །འདོད་ལ་བརྐམ་ཞིང་འཁྲིག་པར་སྲེད། །དགོད་ཅིང་གླུ་ནི་དེ་བཞིན་ལེན། །ཐབ་མོ་ལ་སྤྲོ་རྣམ་པར་འཁྲུལ། །སྨོད་ཅིང་ཉམས་པར་བྱེད་པས་ཀྱང་། །ངུ་འབོད་དམྱལ་བར་འཚེད་པར་འགྱུར། །རྣལ་འབྱོར་མ་རྣམས་ཁྲོས་ནས་ནི། །དེ་ལ་ནད་དང་
D373.078.0299a03.01མྱ་ངན་འཇིགས། །འཇིགས་པར་བྱེད་པས་རྣམ་གཙེས་ནས། །སྡིག་ཅན་དམྱལ་བར་འཁྲིད་པར་འགྱུར། །བླ་མ་ལ་འཁུ་བླ་མ་སྨོད། །སེམས་ཅན་འཁུ་ལ་སྦྱིན་མི་བྱ། །བདུད་རྩི་དེ་ཉིད་དུག་དེ་ཉིད། །དངོས་གྲུབ་སྒྲུབ་པ་འབྲས་བུ་མེད། །སྔགས་པས་འདི་དག་སྤང་བར་ནི། །སྔོན་གྱི་
D373.078.0299a04.01སངས་རྒྱས་རྣམས་ཀྱིས་གསུངས། །ཙ་རུའི་བཟའ་བར་ལྡན་པ་དང་། །ཆོ་གར་ཡང་དག་ལྡན་པས་སྤྱད། །རྣལ་འབྱོར་རྣལ་འབྱོར་མའི་འདུས་པ། །ཆོ་གར་གསུངས་བཞིན་མི་བསླུ་སྟེ། །དངོས་པོ་ཐམས་ཅད་མཉམ་པས་ན། །སྐལ་དང་སྐལ་མིན་བརྟག་མི་བྱ། །དེས་ན་འདུས་པ་
D373.078.0299a05.01ཞེས་གསུངས་ཏེ། །དངོས་གྲུབ་དང་ནི་རྗེས་གནང་འཐོབ། །ཤེས་རབ་བློ་དང་སྟོབས་དང་ནི། །བདེ་དང་སྐལ་བཟང་འབྲས་རབ་སྟེར། །དབང་ཕྱུག་བརྒྱད་ཀྱི་ཡོན་ཏན་ཀུན། །བླ་མེད་འབྲས་བུ་ཐོབ་པར་འགྱུར། །རྫས་སྐྱེས་དེ་བཞིན་རྩ་བ་སྐྱེས། །གཽཎྜཱི་པཻཥྚ་ཆང་གི་རིགས། །ཤིང་སྐྱེས་
D373.078.0299a06.01དེ་བཞིན་བུར་ཤིང་སྐྱེས། །ས་སྟེང་གང་དག་སྐྱེས་རྣམས་ཏེ། །མཱ་ངྷྲཱི་རྣམ་པ་ལྔར་བཤད་དེ། །པཻཥྚི་རྣམ་པ་བརྒྱད་དུ་བརྗོད། །གཽཎྜཱི་རྣམ་པ་བདུན་ཡིན་ཏེ། །རིམ་པ་འདི་དག་ཤེས་པར་བྱ། །རྣོ་དང་ཁ་དང་ཚ་བ་དང་། །མངར་དང་འཇམ་པར་སྐྱེ་བ་སྟེ། །སྣ་ཚོགས་ཡུལ་དུ་རྣམ་
D373.078.0299a07.01