完整藏文原文 · 德格版页 当前仅加载第 78 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
ལ། །རྟག་ཏུ་མཉམ་གཞག་གནས་པར་བྱ། །ཡང་ན་བུམ་པའི་རྣལ་འབྱོར་གྱིས། །རྟག་ཏུ་འཆི་བདག་ལས་རྒྱལ་བྱ། །བདག་ཉིད་རིག་པས་རྐང་མཐིལ་བར། །ཀུན་དུ་རླུང་གིས་དགང་བྱ་སྟེ། །བུམ་པ་ཅན་ལ་བརྟན་བྱས་ནས། །དབྱེ་བ་གསུམ་གྱིས་གཞོམ་པར་བཤད། །
D373.078.0271b01.01ཐ་མ་སུམ་ཅུ་རྩ་དྲུག་ཙམ། །དེ་ཡི་ཉིས་འགྱུར་འབྲིང་དེ་བཞིན། །སུམ་འགྱུར་ཆེན་པོར་ཤེས་བྱ་སྟེ། །བུམ་པ་ཅན་དེས་རྒྱལ་བར་བྱ། །བུམ་པ་ཅན་སྔར་ཤེས་བྱས་ནས། །བདག་ཉིད་སྐྱིལ་མོ་ཀྲུང་བཅས་ཏེ། །ལག་པ་ལན་གསུམ་མཉེས་ནས་ནི། །དེ་ནས་ལན་དྲུག་སེ་གོལ་
D373.078.0271b02.01བརྡབ། །ཇི་སྲིད་སུམ་ཅུ་རྩ་དྲུག་བར། །དེ་སྲིད་བུམ་པ་ཅན་གྱིས་བྱ། །སུམ་འགྱུར་ཆེན་པོས་གཞོམ་པ་ནི། །བརྒྱ་ལས་རྩ་བརྒྱད་ལྷག་པས་སོ། །བརྟན་པའི་གོ་འཕང་འདོད་པས་ནི། །བརྩོན་པས་དེ་ཉིད་ཀྱིས་རྒྱལ་བྱ། །བུམ་པའི་སྦྱོར་བས་རྒྱལ་བས་ན། །འཆི་བདག་
D373.078.0271b03.01ལས་ནི་རིང་དུ་འཇུག །བུམ་པ་ཅན་ནི་ཤེས་བྱས་ནས། །འགོག་ལ་བརྟན་པར་གནས་པ་ན། །དེ་ལ་བསྐལ་པ་སྟོང་དུ་ཡང་། །འཆི་བདག་ཉེ་བར་འོང་མི་འགྱུར། །སྙིང་གི་ཆུ་སྐྱེས་དབུས་སོན་རླུང་། །ཧཱུྃ་ཡིག་དཀར་པོའི་རྣམ་པར་ནི། །གང་གིས་མཉམ་པར་གཞག་བསམས་
D373.078.0271b04.01ན། །དེ་ལ་ཡུལ་སོགས་དམིགས་མི་འགྱུར། །རླུང་གིས་འཁོར་བའི་སྟེང་དུ་འགྲོ། །མྱ་ངན་འདས་པའི་འོག་ཏུ་བགྲོད། །སྙིང་ག་ཡི་ནི་ཆུ་སྐྱེས་ལ། །མི་གནས་མྱ་ངན་འདས་པར་གནས། །སྟེང་དང་འོག་ཏུ་རྒྱུ་བའི་རླུང་། །ཁ་སྦྱར་དུ་ནི་ཡིད་ཀྱིས་བྱས། །དེ་ཡི་སྦྱོར་བས་
D373.078.0271b05.01གོམས་བྱེད་ན། །དེས་ནི་བརྟན་པའི་གོ་འཕང་འཐོབ། །རླུང་གི་རྣལ་འབྱོར་མི་ཤེས་པའམ། །གང་ཞིག་ཤེས་ཀྱང་མི་བྱེད་པ། །དེ་ནི་འཁོར་བའི་སྡུག་བསྔལ་ཚོགས། །དུ་མས་གཙེས་པའི་སྲིན་བུར་འགྱུར། །གང་ཞིག་འགྲོ་དང་འོང་བའི་རླུང་། །བློ་དང་ལྡན་པས་
D373.078.0271b06.01བརྟག་བྱ་སྟེ། །རླུང་གིས་ཐམས་ཅད་བྱིན་གྱིས་བརླབས། །རླུང་ནི་ཀུན་དུ་འགྲོ་འགྱུར་བའོ། །འདི་ནི་ཟླ་བ་དང་ཉི་མའི་མན་ངག་གི་རིམ་པར་ཕྱེ་བ་སྟེ་ལྔ་པའོ།། །།དེ་ནས་ལམ་ལྔ་བཟང་པོ་མཆོག །རྣམ་པར་ངེས་པར་རབ་བཤད་བྱ། །བདག་
D373.078.0271b07.01