完整藏文原文 · 德格版页 当前仅加载第 78 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དོན་ནི་ཕུན་ཚོགས་པའི། །སྒྲུབ་པོས་དགེ་དང་མི་དགེ་བརྟག །མེ་དང་རླུང་ནི་ཉིད་དག་དང་། །དེ་བཞིན་དབང་ཆེན་དང་ནི་ཆུའི། །དཀྱིལ་འཁོར་ཡང་དག་རྒྱུ་བ་ལས། །ཞི་དང་རྒྱས་དང་དབང་དང་དགུག །དེ་བཞིན་བསད་དང་བསྐྲད་པ་ཡི། །
D373.078.0272a01.01མཚན་ཉིད་མཁས་པས་བརྟག་པར་བྱ། །དེ་ཡི་སྦྱོར་བ་མི་ཤེས་པ། །དེ་ནི་ངལ་བ་དོན་མེད་འགྱུར། །མེས་ནི་འཆི་བར་འགྱུར་བ་སྟེ། །རླུང་གིས་ནོར་རྣམས་ཉམས་པར་འགྱུར། །དབང་ཆེན་གྱིས་ནི་རྒྱལ་སྲིད་འགྱུར། །ཆུས་ནི་ནོར་དང་འབྲུ་རྣམས་སྟེར། །གཡས་པ་
D373.078.0272a02.01ནས་ནི་རྒྱུ་བའི་ཁམས། །བྱིན་ཟའི་དཀྱིལ་འཁོར་ཉིད་ཡིན་ཏེ། །ཁ་དོག་དམར་ཞིང་གསལ་བ་ནི། །པདྨའི་མགོན་པོའི་འབྱུང་བའོ། །གཡོན་པ་ནས་ནི་རྒྱུ་བའི་ཁམས། །རླུང་གི་དཀྱིལ་འཁོར་ཉིད་ཡིན་ཏེ། །ཁ་དོག་ལྗང་ཞིང་གསལ་བ་ནི། །ལས་ཀྱི་མགོན་པོའི་
D373.078.0272a03.01འབྱུང་བའོ། །གཉི་ག་ནས་ནི་རྒྱུ་བའི་ཁམས། །གསེར་གྱི་མདོག་ལྟར་གསལ་བ་ནི། །དབང་ཆེན་དཀྱིལ་འཁོར་ཉིད་ཡིན་ཏེ། །རིན་ཆེན་མགོན་པོའི་རྒྱུ་བའོ། །དལ་ཞིང་རྒྱུ་བ་མེད་པའི་ཁམས། །ཆུ་ཡི་དཀྱིལ་འཁོར་ཉིད་ཡིན་ཏེ། །དག་པའི་ཤེལ་ལྟར་སྣང་བ་
D373.078.0272a04.01ནི། །རྡོ་རྗེ་མགོན་པོའི་རྒྱུ་བའོ། །ཁམས་རྣམས་ཀུན་ནི་ཡང་དག་བསྡུས། །རྟེན་དང་བརྟེན་པའང་ཡང་དག་འཛིན། །རྣམ་སྣང་མཛད་ནི་རླུང་ཆེན་ཏེ། །འཆི་བའི་ལུས་ལས་རྣམ་པར་རྒྱུ། །རླུང་གི་དེ་ཉིད་མི་ཤེས་པར། །ལས་དང་ལས་མིན་མི་འགྲུབ་སྟེ། །རླུང་
D373.078.0272a05.01ནི་ཐམས་ཅད་བགྲོད་འགྱུར་བས། །རྟོག་གེ་པ་ཡིས་མི་ཤེས་སོ། །རླུང་གི་དེ་ཉིད་སྔོན་འགྲོ་བས། །སྔགས་ཀྱི་དེ་ཉིད་བསྒྲུབ་པར་བྱ། །སེམས་ཅན་རྣམས་ཀྱི་སྲོག་གྱུར་པ། །རླུང་ཞེས་བྱ་བ་ལས་ཀུན་བྱེད། །འདི་ནི་རྣམ་ཤེས་བཞོན་པ་སྟེ། །སངས་རྒྱས་གོ་འཕང་
D373.078.0272a06.01འཐོབ་བྱེད་པ། །རྒྱུད་རྣམས་ཀུན་གྱི་གསང་བ་སྟེ། །བྱང་ཆུབ་རྒྱུ་ཡི་ཐབས་ཡིན་ནོ། །འདི་ནི་ལམ་ལྔ་ངེས་པར་བསྟན་པའི་རིམ་པར་ཕྱེ་བ་སྟེ་དྲུག་པའོ།། །།དེ་ནས་རྩ་ཡི་འཁོར་ལོ་ནི། །རིམ་པ་བཞིན་དུ་རབ་བཤད་བྱ། །ལུས་ཀྱི་རྗེས་སུ་འགྲོ་བའི་རྩ། །
D373.078.0272a07.01