完整藏文原文 · 德格版页 当前仅加载第 78 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
ལོ་སྟེ། །དམར་པོ་འདབ་མ་བཅུ་དྲུག་པ། །དེ་ཡི་དབུས་སུ་ཡི་གེ་ཨོཾ། །དེ་ཡི་སྟེང་གི་ལྕེའུ་ཆུང་གི། །བུ་གའི་ལམ་ནས་བདུད་རྩི་ནི། །རྒྱུན་མི་འཆད་པར་འབབ་པ་ཡིན། །སྙིང་གར་ཆོས་ཀྱི་འཁོར་ལོ་སྟེ། །སྣ་ཚོགས་པདྨ་འདབ་མ་བརྒྱད། །
D373.078.0307a01.01དེ་ཡི་དབུས་སུ་ཡི་གེ་ཧཱུྃ། །འོག་ཏུ་བལྟས་པས་གནས་པ་སྟེ། །དེའི་སྟེང་ཕྲ་བའི་པདྨ་ནི། །ཚངས་པའི་གནས་ཀྱི་རྣམ་པ་འདྲ། །དེ་ཡི་དབུས་ཀྱི་རྣམ་ཤེས་ནི། །རྟག་ཏུ་འཆར་བ་ཐམས་ཅད་ཁྱབ། །རང་བྱུང་ཡེ་ཤེས་ཀྱི་ནི་རྟེན། །རྣམ་ཤེས་མཆོག་གི་དབང་ཕྱུག་གོ། །ལྟེ་
D373.078.0307a02.01བར་པདྨ་མདོག་སྔོན་པོ། །འདབ་མ་དྲུག་ཅུ་རྩ་བཞི་པ། །དེ་ཡི་དབུས་ཀྱི་ཡི་གེ་ཨོཾ། །ནོར་བུ་བཞིན་དུ་འབར་བ་ཡིན། །དེ་འོག་ཕྲ་བའི་པདྨ་ནི། །མདུད་པའི་གནས་སུ་གཞག་པར་བྱ། །སྟོང་ཕྲག་བདུན་ཅུ་རྩ་གཉིས་ཀྱི། །རྟེན་དང་རྩ་བར་བརྗོད་པ་ཡིན། །ཤེས་རབ་རང་
D373.078.0307a03.01བཞིན་ལ་ལ་ནཱ། །ཐབས་ནི་ར་ས་ནཱ་རུ་གནས། །དེ་དག་དབུས་སུ་སོན་ལྷ་མོ། །ཨོཾ་ཡིག་སྣ་ཚོགས་གཟུགས་ཅན་མ། །ལྷ་མོ་སྐུ་བཞིའི་བདག་ཉིད་ཅན། །དངོས་གྲུབ་ཐམས་ཅད་རབ་སྩོལ་མ། །ཀུན་ལ་བདེ་ཆེན་རབ་སྩོལ་ལ། །རྟག་ཏུ་ཡང་དག་བདག་ཕྱག་འཚལ། །དངོས་
D373.078.0307a04.01པོ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེས་དེའི་བདག་ཉིད་འགྱུར་ལྷ་མོ། །སྣ་ཚོགས་གཟུགས་ཅན་ནོར་བུ་བཞིན། །ཤེས་རབ་མེ་ཡིས་བསྐྱོད་པས་ཡུལ་གྱི་དངོས་པོ་རྣམ་པར་དཔྱད་ན་རྒྱུན་དང་བྲལ། །གཏུམ་མོ་འབར་ཞིང་རྣམ་པར་འཕྲོ་བས་དྲི་
D373.078.0307a05.01མ་མེད་ཉིད་ཡང་དག་རིག་ཅིང་གསལ། །ཕུང་པོའི་རྣམ་པར་རྟོག་པ་བསྲེགས་ཤིང་དམིགས་པ་མེད་པའི་རང་རིག་འཛག་པ་དང་། །དངོས་པོ་ཐམས་ཅད་མཉམ་ཉིད་བདུད་རྩི་ནམ་མཁའ་ཁྱབ་ཅིང་ཡང་དག་གོ་འཕང་ལྡན། །དེ་ནས་གཞན་ཡང་ཐིག་ལེའི་གཟུགས། །
D373.078.0307a06.01འཕོ་བ་ཡང་དག་བཤད་པར་བྱ། །ཡར་ངོའི་ཚེས་གཅིག་ནས་བཟུང་ནས། །ཇི་སྲིད་ཉ་ཡི་བར་དུ་སྟེ། །ཡར་ངོ་ཡི་ནི་ཚེས་གཅིག་ལ། །རྐང་པའི་སོར་མོ་ཡི་གེ་ཨ། །ཚེས་གཉིས་བྱིན་པར་ཡི་གེ་ཨཱ། །ཚེས་གསུམ་བརླ་ལ་ཡི་གེ་ཨི། །བཞི་པ་སྐྱེ་གནས་ཡི་གེ་
D373.078.0307a07.01