完整藏文原文 · 德格版页 当前仅加载第 78 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་གུས་བདག་ལ། །བཀའ་དྲིན་གནང་བར་མཛད་དུ་གསོལ། །གང་གཞན་གསང་སྔགས་ལྷ་རྣམས་དང་། །འཇིག་རྟེན་སྐྱོང་བའི་ལྷ་རྣམས་དང་། །རྫོགས་པའི་བྱང་ཆུབ་ལ་བརྟེན་པའི། །འབྱུང་པོ་བསྟན་ལ་མངོན་དགའ་བ། །གང་སུ་རྡོ་རྗེའི་སྤྱན་ལྡན་ཀུན། །
D373.078.0285b01.01དཀྱིལ་འཁོར་བདེ་མཆོག་འབྱུང་བ་ཡི། །དཀྱིལ་འཁོར་འདྲི་བར་བགྱིད་ལགས་པས། །བདག་དང་དེ་བཞིན་སློབ་མ་ལ། །རྗེས་སུ་བརྩེ་བ་བསྐྱེད་དུ་གསོལ། །སྲད་བུ་ཡེ་ཤེས་ལྔ་ལྡན་ཞིང་། །ཉི་ཤུ་རྩ་ལྔར་རྣམ་དབྱེ་བས། །ཆོས་ཀུན་ངོ་བོ་ཉིད་ཀྱིས་ནི། །སྲད་བུ་ཕན་ཚུན་
D373.078.0285b02.01བསྒྲིལ་བར་བྱ། །སྒྲུབ་པོས་ཡི་གེ་ཧཱུྃ་བརྗོད་དེ། །བདུད་རྩི་ལྔས་ནི་བྱུག་པར་བྱ། །དཀྱུས་སུ་འཁོར་ལོའི་ཉིས་འགྱུར་ལ། །སྦོམས་སུ་སྒོ་ཡི་ཉི་ཤུ་ཆ། །ཛཿགསུམ་བརྗོད་ནས་ལྟེ་བར་ནི། །གཡོན་པའི་ཁུ་ཚུར་གྱིས་བཟུང་ནས། །བློ་ལྡན་ནམ་མཁར་ཐིག་གདབ་སྟེ། །དེ་བཞིན་ས་
D373.078.0285b03.01ལའང་གདབ་པར་བྱ། །གསལ་ཞིང་མཛེས་པར་ལྡན་པ་དང་། །ཚད་ལྡན་གཙང་མའི་སྲད་བུ་ཡིས། །དཔལ་ལྡན་ལྷན་སྐྱེས་འབྱུང་དཀྱིལ་འཁོར། །ཤེས་རབ་ཅན་གྱིས་ཐིག་གདབ་བྱ། །ཁྲུ་ཕྱེད་ལ་སོགས་ནས་བརྩམས་ནས། །ཇི་སྲིད་ཁྲུ་ནི་བརྒྱ་ཡི་བར། །དང་པོར་
D373.078.0285b04.01ཚངས་པའི་ཐིག་ཡིན་ཏེ། །གཉིས་པ་ལ་ནི་ཟུར་ཐིག་གདབ། །ནུབ་དང་ལྷོ་ཡི་གནས་སུ་ནི། །སློབ་དཔོན་ངེས་པར་ཡང་དག་གནས། །ཤར་དང་བྱང་གི་ཕྱོགས་གནས་སུ། །སློབ་མ་གནས་ཏེ་མཉམ་གཞག་པས། །དང་པོར་བཞི་འགྱུར་བདག་ཉིད་དུ། །རེའུ་མིག་
D373.078.0285b05.01གཅིག་ནི་ཐིག་གདབ་བྱ། །དེ་ནས་བརྒྱད་འགྱུར་བདག་ཉིད་དུ། །རེའུ་མིག་གཅིག་གི་ཐིག་རབ་གདབ། །གཞན་ཡང་བརྒྱད་འགྱུར་ཉིད་དུ་ནི། །རེའུ་མིག་གཅིག་ནི་ཐིག་གདབ་བྱ། །དེ་ནས་གཞན་ཡང་ཉིས་འགྱུར་ཉིད། །རེའུ་མིག་གཅིག་ནི་ཐིག་རབ་གདབ། །དེ་ནས་བཞི་
D373.078.0285b06.01འགྱུར་ཉིད་དུ་ནི། །རེའུ་མིག་གཅིག་ནི་ཐིག་གདབ་བྱ། །གཞན་ཡང་ཉིས་འགྱུར་ཉིད་དུ་ནི། །རེའུ་མིག་གཅིག་གི་ཐིག་རབ་གདབ། །དེ་ནས་མཁས་པས་བཞི་འགྱུར་ཉིད། །རེའུ་མིག་གཅིག་ནི་ཐིག་གདབ་བ་བྱ། །དེ་ནས་གཉིས་འགྱུར་བདག་ཉིད་དེ། །རེའུ་མིག་གཉིས་
D373.078.0285b07.01